想生BB

跳至

首頁
34567...24

尾頁
   148


大宅

積分: 2629


發表於 21-8-14 06:27 |顯示全部帖子
自從開始流血之後,我就開始冇乜胃口食嘢(係完全唔覺得肚餓)就算係肚餓,食完野之後都覺得成個口好酸,再望下條脷,成條脷都變白哂,我要搵手刮條脷,刮走哂啲白色野出嚟先至覺得舒服啲。打完支針原來都已經下晝三點,我突然間有啲肚餓,好想食印度薄餅,於是我就自己走咗去食埋個薄餅先返屋企。(嘩!我食咗一啖…我嗰口竟然唔覺酸,仲想繼續食,好耐冇試過好想食嘅感覺,於是我一路食一路食,最後我一口氣食咗4塊冇汁既淨薄餅!我諗孖B一定係好鍾意食印度薄餅)

打完第4支安胎計都差唔多有五日啦,雖然都仲流緊血,不過已經有好轉。我個心其實都仲係好擔心,話哂已經打咗成4支安胎計不過都仲有出血。我最後又忍唔住打咗比加拿大個醫生問下我個情況,咁流血法孖B係咪會有問題?佢聽完之後竟然同我講:‘冇事嘅,陀孖嘅係咁嫁啦,陀孖會好大機會會出血嘅,只要冇出現劇痛既感覺就得嫁啦!’(聽完佢咁講,我個心都定啲啦!)

待續……


別墅

積分: 589


發表於 21-8-14 08:31 |顯示全部帖子
Ihyl 發表於 21-8-14 06:27
自從開始流血之後,我就開始冇乜胃口食嘢(係完全唔覺得肚餓)就算係肚餓,食完野之後都覺得成個口好酸,再 ...

LM


複式洋房

積分: 179


發表於 21-8-14 12:57 |顯示全部帖子
多謝JM分享,我日日都入黎追post!覺得妳好勇敢。我之前喺新加坡試過一次ivf fresh cycle,但失敗咗😭。所以如果可以都想問妳攞多d 馬來西亞ivf嘅資料!如果方便可唔可以pm我?謝謝🙏🏼


大宅

積分: 2629


發表於 21-8-15 18:24 |顯示全部帖子
Goran 發表於 21-8-14 12:57
多謝JM分享,我日日都入黎追post!覺得妳好勇敢。我之前喺新加坡試過一次ivf fresh cycle,但失敗咗㈷ ...
多謝你嘅支持我已經pm你,不過唔知你睇唔睇到我今日pm完你之後,唔知點解自己睇唔返自己send比你個訊息


大宅

積分: 2629


發表於 21-8-16 07:37 |顯示全部帖子
[呢幾日孖B輪住扭計,搞到都冇乜時間可以繼續寫,等我宜家趁佢哋未起身食奶快快手寫啲先。]


其實喺我放胎之後第三日,我老公已經飛咗返香港做嘢,所以喺呢段時間我返診所覆診打針都係得自己一個,不過喺馬來西亞用Grab(即係香港嘅Uber)叫車真係超方便,而且我朋友又住得近診所,幾溝錢(幾蚊馬幣)就到目的地。

今日見完醫生,又打多支安胎針(又係喊住嚟比人撳住打),之後我同老公講醫生問我打算幾時返香港,點知我老公同我講,唔好飛嚟飛去喇,留喺馬來西亞安胎先,等陀穩孖B到三個月先再飛走啦。於是過咗一個星期之後,我老公就帶埋奶奶飛咗嚟馬來西亞,老人家話要煮嘢比我食。(吓!咁激動?!)

[妹妹剛剛起咗身,我寫住咁多先,要餵奶奶啦]待續……


大宅

積分: 1071


發表於 21-8-16 16:10 |顯示全部帖子
Ihyl 發表於 21-8-9 06:26
謝謝你支持我嘅分享,已pm你

可以pm埋我嗎?謝謝


大宅

積分: 2629


發表於 21-8-16 17:58 |顯示全部帖子
Choimiu 發表於 21-8-16 16:10
可以pm埋我嗎?謝謝
當然可以啦,已經pm你


複式洋房

積分: 131


發表於 21-8-17 04:16 |顯示全部帖子
真係辛苦晒你
多謝你分享你經歷
祝你順順利利

我都係喺美國做ivf 努力中
計劃飛去之前辭埋職
預咗留喺嗰邊幾個月

我都認同樓主講嘅說話
香港做ivf嘅姊妹嘅路好艱難
唔明白點解day2day3
醫生都會叫照攞去雪

我美國嘅醫生都話
day3嘅胚胎係拎唔到去做pgs
所以少於day5嘅卵
佢都會話係生長得唔好
唔可以用
我個醫生仲強調佢只會放
過到pgs 嘅胚胎
佢話咁樣先係對個BB同媽媽最好
成功率最高、流產率最少

我同樓主差唔多
抽卵前九日開始每日打針喺肚
頭四日一針
之後幾日打兩支

我喺前期都算心驚膽跳
一開始照
每邊都有十幾粒
最後抽到30粒
心諗諗住實冇死
點知得17粒成熟
過多幾日得返9粒受精
當時勁驚D數字咁跌法
會唔會未到pgs已經冇晒

最後好彩仲有4粒質素好嘅可以做pgs
但估唔到質素最好嗰粒反而過唔到pgs
好彩仲有3粒

休息咗一個月就再準備植入
植入前幾日就開始食藥同打黃體
打黃體支針真係長到見到都驚
植入完之後
諗住安心晒可以唔使打針
點知臨走嘅時候
聽到護士講啲藥同黃體針要繼續
我當堂眼都突埋
之後醫生補多句
如果成功懷孕要打針至到最少八週
我即場忍唔住唉咗一聲

近排睇到好多唔同嘅ivf討論區
先發現原來每個地方
做ivf嘅流程都係唔一樣
呢個過程咁複雜好難同朋友分享
好彩呢度咁多同路人
祝大家一切順利平安


大宅

積分: 2629


發表於 21-8-17 06:13 |顯示全部帖子
Happybasweetma 發表於 21-8-17 04:16
真係辛苦晒你
多謝你分享你經歷
祝你順順利利
謝謝你
Ivf呢條路從來都唔係咁容易行,恭喜你呀,終於可以排除萬難,搵到3粒pass pgs嘅胚胎。我祝你喺美國一切順順利利平平安安,希望可以好快收到你嘅好消息,萬事都要小心呀,加油啊!


大宅

積分: 2629


發表於 21-8-18 10:56 |顯示全部帖子
講真老公同奶奶飛咗過嚟馬來西亞之後,我心情都好咗啲,冇再亂諗野(因為始終仲流緊血嘛,又唔想嚇親老人家)而奶奶一嚟到就整咗好多野比我食,望落去好豐富,不過我仍然都係冇胃口,完全唔想食。

其實自從老公同奶奶飛咗嚟之後,我毎日瞓到十二點幾左右都會比佢哋曹醒,抄我起身食嘢(佢哋怕餓親我同孖B)不過我每次都食得好少好少(因為每次食完嘢成個口都酸到好似嘔完咁嘅味,毎次食完嘢都要搵手去刮下條脷,先感覺冇咁酸。唔知係咪因為咁我就開始冇哂胃口唔想再食)我毎日食得最多既係生果:蘋果、橙同提子輪住食。老公見我肯食生果,於是就買咗我又細到大都好鍾意食嘅……榴槤返嚟俾我食。點知我一聞到嗰陣榴槤味,即刻走咗去厠所嘔,我即刻叫老公九秒九拎走個榴槤,匿埋自己食哂佢,同埋開晒屋企啲窗散晒啲榴槤味,因為我一聞到就想嘔。(我依家諗返都覺得老公好慘,佢一心諗住我呢個榴槤控超鍾意食榴槤,所以特登買咗貓山王俾我食,點知我一聞到,即刻想嘔,可能孖B唔鍾意食。)

到咗第二日,我起身一打開房門就聞到嗰陣非常濃烈嘅榴槤味,唔聞猶自可一聞到又即刻走咗去厠所嘔。當我嘔完就去痾wee wee!嘩,流血流得好勁,完全係好似嚟M咁,我驚到即刻大喊大叫,老公比我嚇到即刻衝咗入廁所。老公見到我咁樣,佢即刻打咗比醫生,之後再call Grab去診所見醫生!

待續……


大宅

積分: 3550


發表於 21-8-18 13:24 |顯示全部帖子
LM!!


民房

積分: 8


發表於 21-8-19 00:16 |顯示全部帖子
回覆 mikkilai99 的帖子

我是準爸爸, 希望大家唔好介意 我疫情下結婚, 因為太太都39, 所以自己本身已經預備緊去台幣做IVF, , 但剛好撞正疫情, 過唔到去, 而家喺到不斷做緊資料搜集
我自己姐姐都係台北都ivf 成功有BB, 佢生B 時46, 都試左起碼3次先成功, 最開心係小外嬲好活潑得意兼靚仔
自己自知彈藥有限, 所以想盡量做多d功課比較唔同醫院ivf, 我同太太真心真心都好鐘意小朋友


希望樓主可以Pm 馬來西亞醫院同醫生資料

Thank you thank you


大宅

積分: 2629


發表於 21-8-19 22:25 |顯示全部帖子
回覆 Alvinyam 的帖子

無問題,已經pm你啦
其實我都係想多啲jm了解唔同地區嘅IVF程序,先會喺度分享。如果你同太太想經濟啲嘅話,咁台灣同馬來西亞都值得考慮,因為倆個地方嘅價錢都差不多。

當初我都有去台灣了解過,搵咗個都有名氣嘅醫生,不過佢直接拒絕咗我,可能我個情況特別,但係我嘅感覺就係難度高嘅佢選擇唔接。好彩俾我遇到馬來西亞嘅主診醫生,就算知道有難道,佢都幫我一齊去解決!

你可以直接WhatsApp醫院,佢地嘅客服好好!如果你或者太太有其他問題想知多啲嘅,你可以再pm我!希望幫到你啦。加油呀!


別墅

積分: 718


發表於 21-8-19 23:40 |顯示全部帖子
Ihyl 發表於 21-8-7 22:13
恭喜你呀,小天使自己嚟搵媽媽,等媽媽唔使咁辛苦。我自己追咗咁耐討論區,都只係見到香港同台灣嘅資訊, ...

多謝JM分享我想請問多d 馬來西亞ivf資料,如果方便請pm我,謝謝你


大宅

積分: 2629


發表於 21-8-20 16:02 |顯示全部帖子
回覆 Mooncake2013 的帖子

無問題


大宅

積分: 2629


發表於 21-8-21 10:03 |顯示全部帖子
一去到診所,姑娘就即刻同我量血壓,磅重同驗wee wee,跟住就直入去咗見醫生(連等都冇等)醫生一見到我就問我仲流緊血?我驚到口都震話:‘無停過,啲血今次係滴出嚟,多到直頭好似嚟m咁!’ 佢就即刻好快手同我照超聲波睇下孖B嘅情況。我就即刻望實個mon 等孖B嘅出現。隔咗一陣,我就見到有2粒野喺度閃閃吓 ,醫生話孖B長大咗,佢就即刻開埋心跳聲比我聽!當聽到佢哋嘅心跳聲又快又響亮,我真係有啲想喊!

雖然聽到佢哋個心跳聲好強壯,但係宜家先係week 9 +5,而且流血嘅情況越來越嚴重,我真係好擔心!醫生照完超聲波之後都有講,陀孖B嘅風險係好高,宜家嘅出血情況,基本上冇乜嘢可以做,暫時可以做嘅就只有係繼續打安胎針,不過打安胎針都唔可以一直咁打,最多都係打到去week 12/13左右。因為週數越大,安胎針對身體亦都唔會再起到太大作用。(唉,咁即係幾時先至會唔再流血呀?)不過無論如何我哋保險啲,你今日打多一支安胎針先啦,反正原先下個星期都要返嚟做產檢,到時產檢嗰陣再睇下出血情況係點,睇吓到時仲使唔使再打安胎針啦。就係咁,我又跟咗姑娘出去打我最唔想打嘅安胎針。

其實當我聽到醫生話冇嘢可以再做果陣,我成個人就好似判咗死刑……喺度等死!唉算啦,所有嘢都係整定,唯有當自己真係m到,嚟完就冇事啦!


待續……


大宅

積分: 3004


發表於 21-8-21 10:33 |顯示全部帖子
Ihyl 發表於 21-8-21 10:03
一去到診所,姑娘就即刻同我量血壓,磅重同驗wee wee,跟住就直入去咗見醫生(連等都冇等)醫生一見到我就 ...

多謝樓主嘅分享,可以pm馬來西亞IVF資料給我嗎?謝謝!


大宅

積分: 2629


發表於 21-8-21 15:55 |顯示全部帖子
回覆 史迪女1231 的帖子

當然可以啦


洋房

積分: 56


發表於 21-8-21 19:22 |顯示全部帖子
本帖最後由 hknc18 於 21-8-21 19:24 編輯

嘩...樓主, 你好叻, 咁辛苦都咁好記性, 記憶力好勁! 嘔得番咁多當時感受!
我都自然但化學咗2次, IVF 咗2次. 第一次, 2粒過DAY 5, 只可AB GRADE可以做PGS, 但植入後完全無反應, 第二次IVF就全軍覆沒. 原本第一次係台灣做, 已買晒針藥係香港, 但都係打算DAY 2 前去台灣, 點知封關, 逼住香港做咗2次.
由於高0, 等唔到台灣, 仲諗咁係咪現實低頭係香港做, 好開心見番你分享.
可以分享我你的資料如醫院、醫生 (台灣醫生也有提過可以幫我同一週期抽2次+ERA+MOCK TEST).
因為第一次植入, 醫生搞咗半粒鐘以上....=.=


謝謝妳.


大宅

積分: 1469


發表於 21-8-24 14:18 |顯示全部帖子
Alvinyam 發表於 21-8-19 00:16
回覆 mikkilai99 的帖子

我是準爸爸, 希望大家唔好介意 我疫情下結婚, 因為太太都39, 所以自己本 ...


你好, 請問可以分享台北醫院嗎? THX THX



首頁
34567...24

尾頁

跳至
你需要登錄後才可以回帖 登入 | 註冊