國家地區媽媽會

收藏本版
回覆 發帖
返回列表
跳至頁

首頁
1234

尾頁
   14
tomobaby


複式洋房

積分: 429


1#
發表於 21-12-5 01:00 |只看該作者
本帖最後由 tomobaby 於 22-2-3 11:13 編輯

純呻: 回流大溫4年,生活開支越來越高.呢度人均收入3000(hkd18000), 要湊細路根本無可能兩公婆返全職.以前係香港無返工,老公1份人工搞掂,有姐姐幫手,週末可以揸車四圍去玩.來到加拿大,老公幸運地搵到工,但人工係以前嘅1/3,樣樣嘢都要慳住慳住,我變成全職主婦日日做家務捱到身體差咗,出街食飯太貴,茶記早餐GST+强制tips$18(港幣$108),老麥一個餐$1x加紙，所以唔會成日出街食飯，餐餐煮都煮到悶。無錯,呢邊住屋係大過香港,空氣好教育相對好,但一樣要補習班.現在連衫都唔會買多件,生活落差太大. 溫哥華日日落雨好鬱悶,已經又無可能走回頭路返香港,唔再知快樂是什麼
相片係fb睇到有同路人


myimage.jpg
私人傳訊回覆 引用

tomobaby


複式洋房

積分: 429


2#
發表於 21-12-5 07:28 |只看該作者
tomobaby 發表於 21-12-5 01:00
純呻: 回流大溫三年多,生活開支越來越高.呢度人均收入3000(hkd18000), 要湊細路根本無可能兩公婆返全職.以 ...

香港生活無憂,有車有樓有工人嘅JM真係要諗清楚,回流後的生活完全兩回事,除非老公繼續太空人搵香港嘅高薪.我嘅情況唔係唔夠洗唔夠食,只係樣樣剛剛好無多餘錢剩. 當然帶住一大舊錢回流,但這些錢盡量唔想用係留返不時之需. 相比未走確實改變好大,家務由朝做到晚無停手,細路日日自己帶,以前約朋友出街有姐姐睇住小孩,現在個個都要留家湊仔無人睬你,自己都要湊仔啦邊得閒約人,無乜社交變得好自閉. 物價貴,人工低唔會有多餘錢消費物慾都無埋. 未來仲有幾十年點算好?
私人傳訊回覆 引用

tomobaby


複式洋房

積分: 429


3#
發表於 21-12-5 07:43 |只看該作者
tomobaby 發表於 21-12-5 07:28
香港生活無憂,有車有樓有工人嘅JM真係要諗清楚,回流後的生活完全兩回事,除非老公繼續太空人搵香港嘅高薪. ...

本帖最後由 tomobaby 於 21-12-13 01:34 編輯

加拿大最低工資係比香港高,講真,在香港搵最低工資又點夠錢移民,不能雙題並論.移民得最少帶住一千幾百萬,買完屋剩低無幾.現在最平9百呎apartment 都成百萬加紙,仲要重税到喊. 實會有人話點解唔返香港? 想問句乜有得揀咩?當日因為仔女前途老公堅決一家回流,一係自己留低老公帶哂細路返去,頭家等於散咗. 根本無得揀,一定全家一齊返.當日一齊回流,今日我亦唔可以自己回去.香港有香港嘅好與壞,加拿大亦有佢嘅利與弊,只係無喺呢邊住耐嘅人當然充滿幻想,但事實又係兩回事.我無話加拿大唔好,喺香港本身公一份婆一份捱開嘅來到當然覺得差唔多, 但我嘅生活落差太大,如果背景差不多嘅JM真係要諗清楚.
私人傳訊回覆 引用

tomobaby


複式洋房

積分: 429


4#
發表於 21-12-5 08:02 |只看該作者
tomobaby 發表於 21-12-5 07:43
本帖最後由 tomobaby 於 21-12-5 07:46 編輯

啲人成日話加拿大最低工資比香港高,但講真,如果香港搵最低 ...

本帖最後由 tomobaby 於 21-12-5 09:36 編輯

衣食行:(淨買餸自己煮唔出街食,日用品,地税,管理費,供車,車保,入油,手機水電煤上網)這些最基本開支,3-4人家庭平均每月3千加紙.
住:租屋月租最平$2300起,事實上average 係$2800-$3000/月租. 供樓別話. 即係一個家庭最少都要開支五六千加紙. 好多人話開支比香港少,但別忘記呢度人工比香港低,搵到都係最低工資.最低工資係比香港高,$15/小時,相等於90港元,但真實係老闆唔會要你返足咁多小時,呢度人口少根本唔需要你返足咁多個鐘,工時少最低工資比香港高都無用,計埋等於做Part time搵得千幾兩千,所以好多人要打兩份工先為到皮,打2份兼職夾埋3千幾,但就無life,由朝做到晚星期六日都要on shift.生活一啲都唔容易.

私人傳訊回覆 引用

tomobaby


複式洋房

積分: 429


5#
發表於 21-12-5 08:16 |只看該作者
tomobaby 發表於 21-12-5 08:02
本帖最後由 tomobaby 於 21-12-5 09:36 編輯

衣食行:(淨買餸自己煮唔出街食,日用品,地税,管理費,供車, ...

本帖最後由 tomobaby 於 21-12-13 01:46 編輯

我唔係放負,只係將真實移民情況講出.香港變到無自由無未來,但移民後又係咪代表唔會跳入另一個地獄?呢點需要反思.移民後小朋友升學一定比香港好？呢邊升大學比喺香港更難.廿年前香港過來係有優勢,香港學生操開試卷要入大學好容易,但今時今日連入大學嘅省試都取消埋,靠死讀勤力讀都未必入到大學.唔好以為去外國一定入大學. 唯一可以講呢邊讀書無咁大壓力,但想望子成龍又係另一回事.加拿大福利好,睇醫生唔使醫生費但一樣要比藥費,普通藥費都等於香港睇私家,2/3百港元走唔甩,所以我哋呢度有病寧願買成藥. 乜都計税,買嘢食嘢整車維修家居都另外計税.總之永遠比錢嗰刻唔係你見到嗰個實數.
私人傳訊回覆 引用

tomobaby


複式洋房

積分: 429


6#
發表於 21-12-5 08:32 |只看該作者
tomobaby 發表於 21-12-5 08:16
我唔係放負,只係將真實移民情況講出.香港係變哂無自由無未來,但移民後又係咪代表唔會跳入另一個地獄?呢點 ...

本帖最後由 tomobaby 於 21-12-5 09:41 編輯

加拿大無外傭計劃,請工人照按min pay$15/up, 分分鐘佢份人工仲高過你,所以無人請得起工人,大陸富人另計. 無工人細路自己湊,女人好難搵到全職,part time都係搵到千幾二千,兩公婆夾埋掹掹緊. 住屋係大咗,空間係大咗,但當你個個月都捉襟見肘,呢啲生活壓力唔細唔會開心.湊細路,無時間無機會社交,唔係落雪就日日落雨,無得出街行(行吓公園都好吖), 日日屈係屋企人都癲. 我想同大家講,唔好講到外國嘅生活幾咁好,香港點無自由無前途.每一個決定都要承擔後果,我唔係後悔亦無資格後悔,只係想講真實情況,唔好將移民童話化.相信個個移民得都帶住一大舊錢,那又如何,一樣捱餐死講梗唔係一年半載,係打後幾十年.
私人傳訊回覆 引用

lemon2005


大宅

積分: 1722


7#
發表於 21-12-6 15:51 |只看該作者
本帖最後由 lemon2005 於 21-12-6 15:53 編輯

回覆 tomobaby 的帖子

我本來打算今年過嚟加拿大，但因為疫情，我又未打針，所以打算等疫情好d先過嚟，對於你講嘅嘢都好有共鳴，因為我嘅情況同你都係差唔多，又係先生想過加拿大，其實我自己係一半半, 想問你先生係做邊一行？點解兩邊人工相差咁遠？係唔係加拿大稅好重所以最後人工只係香港的五分之一，仲有想問而家溫哥華疫情點樣？ 如果唔打針過嚟會唔會好危險？
私人傳訊回覆 引用

tomobaby


複式洋房

積分: 429


8#
發表於 21-12-7 05:39 |只看該作者
本帖最後由 tomobaby 於 22-2-3 14:02 編輯
lemon2005 發表於 21-12-6 15:51
回覆 tomobaby 的帖子

我本來打算今年過嚟加拿大，但因為疫情，我又未打針，所以打算等疫情好d先過嚟，對 ...

先生在香港算是高薪要職,工作經驗豐富,不過嚟到呢度無本地工作經驗人哋最多比你入行,要由中低級位置做起. 佢喺香港打江山多年心態亦有點倦,所以為咗仔女佢放棄事業,亦預咗來到搵得好少,佢自己好適應好享受因為工作複雜性和工作量比從前少.有時我都好佩服佢嘅豁達. 始終佢小學時代已移民過來一早習慣呢邊文化.或者係我做女人嘅落差大啦,生活模式完全改變,雖然一早適應咗但唔代表好受落.
私人傳訊回覆 引用

tomobaby


複式洋房

積分: 429


9#
發表於 21-12-7 05:48 |只看該作者
本帖最後由 tomobaby 於 22-2-3 14:11 編輯
lemon2005 發表於 21-12-6 15:51
回覆 tomobaby 的帖子

我本來打算今年過嚟加拿大，但因為疫情，我又未打針，所以打算等疫情好d先過嚟，對 ...

本帖最後由 tomobaby 於 21-12-7 05:58 編輯

現時搵工唔算好難,但多數係搵到part time.我哋4年前到步,當時回流人士好少,競爭相對細,搵工比呢家容易得多. 呢度税確實好重,除非你搵得好少錢比如兩公婆夾埋搵得3/4千,分分鐘唔使交薪俸稅,但係日常用品出街食飯乜都加税,比例買杯Starbucks$4.5，GST税後大概$5.x. 買件褸標價$200, cashier 比錢時就要$21x, 十幾蚊係GST消售税,所以避無可避. 加拿大係萬税國家,每項消費都計梗税. 加拿大崇尚自由主義,白人未必肯戴口罩,政府亦唔可以強行口罩令.除非你住在華人聚居地,華人傾向願意戴口罩.所以沒有打齊針過來比較危險. 現在食肆無打齊加拿大認可嘅疫苗(兩針)亦不能進內堂食,food court 除外.打齊針過嚟會好啲.
私人傳訊回覆 引用

巴士


大宅

積分: 3961


10#
發表於 21-12-8 10:57 |只看該作者
多謝樓主分享, 好寫實的分享, 如果唔係疫情, 可能我已經在加拿大了, 近年眼見好多同事都移民, 大部分去英國, 我相信遇到的情況同你不遑多樣, 賣咗層樓, 拎住幾百萬便一家大細去移民, 其實好搏, 因為就算拎住一千萬過去, 係果邊買樓買車, 之後已經冇咗一大半, 如果搵唔到工, 沒有收入, 只會坐食出崩, 細路仔細的仲有排捱, 外國稅重, 物價貴, 讀書免費的學校如果想有好學校, 一定要住靚區, 樓價亦唔會平, 讀私校要比錢, 基本上移民外國生活在經濟上如果冇番咁上下財力, 真係要諗清楚, 因為真係冇得返轉頭, 到時錢又洗晒, 人又老仲點重頭再來
私人傳訊回覆 引用

bschyeah


別墅

積分: 642


11#
發表於 21-12-11 14:22 |只看該作者
This is exactly the situation in Vancouver, you have described it so well. The weather is particularly depressing. If I had a choice, I would not choose Vancouver.
私人傳訊回覆 引用

tomobaby


複式洋房

積分: 429


12#
發表於 21-12-12 16:58 |只看該作者
本帖最後由 tomobaby 於 22-2-3 14:09 編輯
巴士 發表於 21-12-8 10:57
多謝樓主分享, 好寫實的分享, 如果唔係疫情, 可能我已經在加拿大了, 近年眼見好多同事都移民, 大部分去英國 ...

本帖最後由 tomobaby 於 21-12-12 18:15 編輯
呢度生活真係好難兩公婆都返全職,一來難搵,二來兩個都返工邊個湊細路先？之前講過呢度無外傭條例請helper分分鐘貴過你全份糧,細路一定自己湊,變相只可以1個人返全職.家庭收入少咗樣樣都要慳住慳住,而且呢度物價好高.當然吼正大減價電器和衣物會平過香港,但日常食材呢啲無可避免嘅恆常開支就比香港貴得多. 買餸要計住數,買乜都要計住,壓力令人吃不消.
私人傳訊回覆 引用

tomobaby


複式洋房

積分: 429


13#
發表於 21-12-12 17:17 |只看該作者
bschyeah 發表於 21-12-11 14:22
This is exactly the situation in Vancouver, you have described it so well. The weather is particular ...

本帖最後由 tomobaby 於 21-12-12 18:01 編輯

其他省份雨水少啲物價低啲,但風雪就相當勁兼凍到癲.溫哥華冬天落雪少但雨水就嚇怕人,由9月落到3月,一星期落4/5日雨,所有户外活動都做唔到.呢度唔同香港,冇乜商場行.入冬後我哋就係冬眠狀態,長期屈喺屋企,頂多都係行costco行超市,冬天就係灰灰濛濛嘅雨中度過,長達7個月. 最宜人僅僅係夏天兩三個月,其他月份天氣差都係屈响屋企. 香港多姿多彩物價低,又冇GST,我哋加拿大凍飲加兩蚊,係兩蚊加紙即係hkd12. 香港十零廿蚊買到淘寶貨暗暗讚抵,呢度都係十零廿蚊不過係加紙,買到嘅都係淘寶貨質素,包你笑唔出. 香港窮可以2/30蚊買平貨(例如雜貨店),呢度係冇香港嘅平貨賣,最平税後都十幾蚊加元(成舊水港元)
私人傳訊回覆 引用

tomobaby


複式洋房

積分: 429


14#
發表於 21-12-12 17:27 |只看該作者

回覆樓主：

本帖最後由 tomobaby 於 21-12-12 18:17 編輯

呢度生活平淡加上經濟條件比香港差,收入少於香港一半,開支比香港大樣樣計住數,冇乜衫買亦冇多餘錢消費,每天家務做唔完由朝洗嘢洗到晚,週末都冇乜地方好去,日復日冇止境,開始忘記快樂係乜. 有時會問自己餘下嘅人生就係咁？我明白香港有好多人過得更辛酸,我只是表達我哋呢批係香港本來過得好安穩但回來後只能為生活而生存嘅太太那種移民後苦況.實有人話你嚟之前已經預咗..
係,我係預咗會咁,咁係咪預咗就無資格無權去表達唔開心？捆綁式全家移民,其實我哋冇得選擇,你明知苦都要一齊走,除非你想頭家散.呢度生活逼人,移民唔係旅行,係有血有肉地生活,呢家移民容易咗但往後嘅路唔易行.
私人傳訊回覆 引用

mugtaitai


公爵府

積分: 28215


15#
發表於 21-12-13 16:17 |只看該作者
本帖最後由 mugtaitai 於 21-12-13 16:18 編輯

回覆 tomobaby 的帖子

我最近從美國移居溫哥華，都覺得溫哥華嘅物價幾高，好多嘢都貴過美國，食物如是，日常用品如是，我而家仍然經常往返美國同加拿大，好多嘢我都從美國買咗帶上溫哥華
聽你講似乎家務比你壓力好大，不如請鐘點幫輕下啦，溫哥華好多菲傭鐘點，二十幾蚊加幣一個鐘，睇住自己需要同負擔能力啦，就算一個星期兩三個鐘都好呀，起碼有 d 粗重嘅例如抹抽油煙機呢類嘢，有人幫手差好遠

個個地方都有好有唔好啦，既然已經來咗，短期內唔會考慮搬去另一個地方嘅話，唯有 focus 喺呢個地方嘅好處囉，冬天天氣差，但可以去滑雪呀，Whistler 都係兩個幾鐘車程，Cypress 仲近，我老公最鍾意 weekday 朝早去，輕鬆滑個零兩個鐘就返來，有時佢返到來我都仲未起身。我自己就鍾意煮嘢食，唔覺得係負擔，而且有幾個都係鍾意煮嘢食嘅朋友，我哋經常輪流去大家屋企相聚整嘢食，我又唔係好覺得日子難過
私人傳訊回覆 引用

tomobaby


複式洋房

積分: 429


16#
發表於 21-12-14 08:31 |只看該作者
mugtaitai 發表於 21-12-13 16:17
回覆 tomobaby 的帖子

我最近從美國移居溫哥華，都覺得溫哥華嘅物價幾高，好多嘢都貴過美國，食物如是，日 ...

本帖最後由 tomobaby 於 21-12-14 08:32 編輯

謝謝你的建議.主要係現在得先生一個返工,每月開支剛剛好無多餘錢淨,買件玩具都要計住.湊細路行唔開,周末都可以上雪山玩吓.其實嚟到呢度好多人唔習慣並唔係無地方去怕悶,主要係收入比喺香港跌咗一大截. 喺香港消費面不改容,但嚟到呢度物價高,而人工係香港嘅一半或以下,從前在香港女性可以有份自己嘅工作有自己嘅收入,現在要湊小孩不能返全職,甚至返唔到工,經濟唔自主. 一句說穿就係在香港時可以開心消費,來到呢度就變相成窮L. 縱使帶住一兩千萬回來,買完車樓餘下都唔敢亂使,呢度人工比香港低得多,每月計條數剛剛好,得個做字,唔知咁樣算唔算叫做捱.未至於貧窮,但絶對係買樣嘢都要就住.
私人傳訊回覆 引用

巴士


大宅

積分: 3961


17#
發表於 21-12-14 17:33 |只看該作者
現在好多年輕人拎住幾十萬積蓄就話去移民, 真係不知出面世界搵食艱難
私人傳訊回覆 引用

mugtaitai


公爵府

積分: 28215


18#
發表於 21-12-15 05:35 |只看該作者
巴士 發表於 21-12-14 17:33
現在好多年輕人拎住幾十萬積蓄就話去移民, 真係不知出面世界搵食艱難 ...

年輕人又好 d，本來就 nothing to lose，來到呢度捱就捱，後生唔怕，反而係中年人，喺香港已經有一定社會地位同經濟基礎，要連根拔起，去到一個陌生地方由頭來過，落差會好大，佢哋應該要諗清楚

不過又咁，呢 d 好睇個人性格，以我自己為例，我物慾唔高，喜歡靜，以前喺香港都係住喺 “唔方便” 喺地方，即係嗰 d 食碗雲吞麵都要坐車嘅地方，平時生活也係接送細路返學放學、帶佢哋去興趣班、自己去買餸、返屋企煮飯，師奶一名，行街市多過行商場，而家過到來北美，日子都係咁過，唯一最大分別係冇工人，不過我 d 細路都大個了，大家稍微分擔 d 家務，有鐘點幫手都足夠

當然我年紀大，同後生嘅諗法唔同，我哋而家收入都少過以前，但換來老公唔使出差，一家人齊齊整整，我咁嘅年紀，追求嘅都係歲月靜好現世安穩，錢夠用就得了，我反而覺得北美嘅生活好啱我
私人傳訊回覆 引用

巴士


大宅

積分: 3961


19#
發表於 21-12-16 17:27 |只看該作者
移民最緊要考慮自身經濟, 搵唔到錢時的最壞打算, 錢唔夠時有咩可以做
私人傳訊回覆 引用

lemon2005


大宅

積分: 1722


20#
發表於 21-12-16 23:31 |只看該作者
回覆 tomobaby 的帖子

請check pm
私人傳訊回覆 引用


首頁
1234

尾頁

跳至頁
返回列表
回覆
發帖
高級模式 | 發表帖子
B Color Image Link Quote Code Smilies
你需要登錄後才可以回帖 登入 | 註冊

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見