21/2 快測確診。我哋有啲擔心去左瑪嘉烈排急症,希望急症室可以睇吓照唔照到超聲波聽吓心跳。短時間內佢已經幫我抽左血同做左心電圖,之後等多兩小時送我上隔離病房,所有隔離病房已經由原本兩張床加到三張床,其餘兩位係要人照顧的老人家。每日會有姑娘量體溫、血壓丶血氧。婦科醫生打手提比我了解我病況,同埋隔空問診。佢地首先會排除宮外孕,有冇大量出血?腹部有冇劇痛?佢亦表明因為中左招,現階段安排唔到做超聲波,做超聲波也看不到內出血或什麼,所以只要沒有流血,或者腹部劇痛,他們都假定胎兒正常。夜晚有來過一次按下個肚了解,但都唔會聽胎心,佢話因為太細(果時10w+)。
內科醫生抽血檢查後表示肝功能腎功能都冇問題,同埋情況比較穩定就打算轉我去亞博。這裡的醫生護士都會格外注意老人家及孕婦情況,亞博醫生每日都會打電話了解我地情況,有冇咩唔舒服。
21-23/2 瑪嘉烈隔離房,23/3晚醫生轉左我去亞博,直至現在。繼續等待夠七日連續兩天 CT30+ 回家。
所以建議大家萬一中招,如果都係出現普通感冒情況,冷靜,不用著急,發燒或太唔舒服可以自己食藍白色panadol,需要時都仲有幾隻藥醫院開比我可以食,需要可以問我,唔使咁擔心❤️
建議冇乜事可以唔使去急症室,
因為都安排唔到超聲波,而且
呢個時間留喺屋企養病可能效果更佳❤️
Btw, 大家要記住10-11wk 醫生無需要我打薄血針,但如果你哋係20Wk 以上,我都會建議你屆時有需要問問自己相熟嘅私家婦科醫生意見,有冇需要去打薄血針,是為上策❤️
我朋友38wk同隔離床32wk入咗醫院有打薄血針~
孕婦的應對藥物方面就應該冇乜分別了~
我未入院前私家醫生都比左兩隻相同藥名我~