婆媳關係 今日: 3|主題: 27693

嫁左入一個複雜的大家庭2年多了

明明隔好遠
加上疫情由婚後一直冇見過佢屋企人
本身拍拖時老公成日將我地吵架既事話比佢e家姐聽，所以e家姐一直好憎我。及後因為好多小事佢無限放大，引到其他幾個家姐都對我反感
經常係背後同我老公數臭我
老公一直偏幫原生家庭
所有委屈我都忍過了
算係風平浪靜
大家河水不凡井水
偶爾聽到佢地私底下同老公講我壞話
我都扮吾知
吾去計較
吾去嬲
吾去同老公反博

直至最近，e家姐突然有子宮頸癌，平時佢同老公最好感情
日日講電話，但由我同老公失業開始佢地冇再聯絡，今次老公透過其他家姐得知，老公日日諗起佢家姐病都喊，我見佢喊我又喊。事隔幾日，佢家姐父母日日叫老公要多打電話慰問家姐同姐夫
老公其實有打過一次
亦都有問左2次姐夫佢家姐既情況
亦都有日日同a家姐問詳細情況
不過老公對父母聲稱怕家姐傾電話會喊
所以吾敢打太多電話
。琴晚佢媽同佢視頻
我行埋一邊
等佢地放心講說話
佢不斷安慰奶奶吾好擔心
奶奶不斷叫佢要同家人聯繫
吾好不念親情
就算吾打電話聯絡都要發信息
親情係好重要
。我諗左成晚，自己要唔要發個信息問候下，雖然佢做過好多事害我，但佢始終係老公的家姐，但又怕問候完佢家姐又話我假惺惺點點點，所以基於以前的經驗，講咩都會係我錯
都會比佢地無限放大生事端
我不如咩都吾好做
然後老公同奶奶傾完，佢打比佢a家姐，話吾敢同我老公傾電話
因為知依家老婆日日在身邊
講電話會不方便
吾知咩說話吾岩你老婆聽同做，之後喊晒話佢有病既妹妹好慘
一定係為呢個家太擔心
太壓力所致
叫老公要多同家人聯繫
要重親情
冇錢幫都要精神上支持
人一有病就會拖累人
要人幫呢樣果樣
但因為係家人
點都要幫….另外前幾日佢個b家姐離左婚長住我老公同老爺夾份買的另一間屋，但主要係比我同老公放假番去住的，因佢離婚冇地方住，一直比佢住，但b家姐成日以家多蚊同埋我地都長住香港為由，係咁要扔左老公既野，老公拒絕，都同父母講左呢件事，琴晚佢a家姐又係講番件事，話老公應該比佢呀妹扔同佢鐘意用咩比佢用！但已經成間屋任佢住，仲想扔埋野！

以上就係佢a家姐講既野，重親情果埋說話同奶奶講啲野好似
老公不嬲同家人關係好
聽晒佢地話
又孝順
佢地竟然甘樣誤會佢
真係好過份
但睇左好多婆媳姑媳case,突然覺得一切係奶奶搞事。好記得e家姐以前成日教父母：「丑人我哋做
爸媽你地做好人就得啦」。最後我都係send 信息問候佢e家姐幾句，依家諗緊要唔要都主動發信息比a家姐問候下..唉..真係好心累
佢地一直對我都好有意見，甚至諗到我好惡毒，個e家姐都試過係佢父母面前話我賤媳婦
成日覺得我欺負佢細佬！做人熄婦甚艱難，如果係你地，會點做？好長篇
多謝睇到最後的你！