管理處、業主立案法團橫行霸道，唔俾住客裝修。
話說今年年頭收完樓入紙申請裝修，但係業主立案法團夾埋管理處話因疫情關係，唔俾申請裝修（但係裝緊嗰啲同埋緊急維修又得嘅，唔知佢哋係咪免疫力比較強，刀槍不入）。
好聲好氣同佢哋講咗師傅打咗疫苗，喺單位以外地方必定戴口罩，都話唔接受，歪理滿天下：
例子一：
管理處要求師傅每日做核酸檢測（！），室內都要戴口罩（可能佢有天眼通）
例子二：
我：政府冇話唔俾裝修喎，我哋又問過晒附近屋苑，都冇你哋呢啲咁嘅規矩。
管理處：呢啲係人哋嘅事，唔關我哋事。
我：咁我裝修夠係我自己嘅事，又關你咩事。
例子三：
申請裝修張表話裝修多過四個月逐日罰錢。本身我都諗住簡單裝修，不過萬一師傅遲交貨嘅話，我都係受害者，點解仲要罰錢俾你。
其實照上去裝修佢都吹我唔漲，只不過費事管理處啲人到時為難師傅。
原本想喺度租或者買樓嘅人如果知道佢哋咁霸道會點諗？
發表於 
返回列表
