sophyllis 發表於 22-3-26 10:39
我分享一下經驗,前年被樓下單位投訴漏水,即刻搵裝修師傅上來檢查,發現我廚房入屋食水喉漏水,7年前新裝修的,當時換過全屋水電,但原來當時只換了屋內水閘後的食水喉,閘前部份無換。。。師傅都係話換暗喉好大工程,要起地板鑿牆,重點係就算小範圍鑿地板搵到漏水源頭,我已經無辦法配返7年前嘅地板,除非一次過換新地板,差不多等於重新裝修,時間、費用考慮下,接受了師傅建議做明喉,但出來效果出奇地好,而且工程三日內完成,因為師傅幫我將明喉收入大櫃內,再用木殼蓋住,基本上打開櫃都唔會見到條明喉,你可以試試同師傅傾下點收條明喉最好