食藥就無治療黃金期,因為藥都只係治標唔治本。我就唔會擔心身高而唔食藥,反而小五呈分,係升中讀書黃金期,成績會影響升中,讀邊間中學對成長好大影響,唔一定要追 top school,不過有成績有得揀,揀間校風好 d 嘅中學。
除咗食藥,要學技巧處理專注力弱,食咗藥期間學呢 d 技巧,平時無食藥都可以善用技巧,改善生活。
其實 ADD 短期記憶弱,要反覆再反覆溫習,令到知識變長期記憶,先可以留喺個腦度,善用食咗藥段時間好好溫習,其餘時間多 d 休息,藥效過嘅時候,個人會比較攰。ADD 小朋友喺讀書嘅路上,要比其他小朋友付出更多,不過會有回報嘅~