自由講場

跳至

首頁

尾頁
   3


水晶宮

積分: 51912


發表於 22-4-30 21:03 |顯示全部帖子
麟媽媽 發表於 22-4-30 12:14
原來你亞哥會負責搞,咁都好啲,兩兄妹有商有量。初初爸爸過身,係會消化唔到,我爸嗰陣時,最主要係我負 ...
果時您會唔會怪其他屋企人少幫手?我哥係果類所有家事佢都好堅持獨力處理,唔願(唔慣)分野俾我做,我主動問永遠ignore或者會話番我叫我唔好理,我再講會俾佢鬧爆果隻。
今日全日我都有WhatsApp叫佢有咩要幫手就話我知,佢都已讀不回,明白佢都要平伏心情,但我堅驚連老豆身後事佢都唔諗住我同佢一齊處理。


水晶宮

積分: 51912


發表於 22-4-30 21:11 |顯示全部帖子
garfield_pooh 發表於 22-4-30 13:16
樓主,我老爺月頭又係好突然咁走咗,我老爺年輕時曾經係天主教徒,受洗過,但咁多年嚟佢無返過教會無做過任 ...
jm您都保重。


水晶宮

積分: 51912


發表於 22-4-30 21:23 |顯示全部帖子
本帖最後由 ~仔仔媽咪~ 於 22-4-30 21:26 編輯

我今日有WhatsApp同我哥講我問番嚟既意見,但未有回應。我係咁瞓唔到又喊唔出,又驚又是家事冇得參與,所以衰心急想同阿哥傾。
同埋一般由過身起計,通常大概幾多日會出殯?依家係咪好難book地方做儀式同火化?因都想知大概預邊日。依家咁多人過身,會否至少等超過一個月?

同埋都想知,如果跟傳統,儀式上仔女需要留意同做啲咩?守夜係咪仔女負責only?新抱女婿孫需要嗎?
花牌同場地佈置應該點安排會好啲?

因為我爸家族有啲大(多人),我驚有啲野我應該要做但我冇做,會俾大堆人批。上次我哥結婚我都中咗一野,冇人要求我响婚禮上要幫手,去到婚宴大嫂向我爸奉茶時,有個親友走埋嚟同我講:「其實呢個位您作為姑仔係要俾條金錬俾阿嫂,您係要親自幫阿嫂戴上」,就咁我就中咗「不懂禮節」罪名。但真係完全冇人教我要咁做,所以我呢次比較緊張,又驚中。


大宅

積分: 4846


發表於 22-4-30 21:26 |顯示全部帖子
volan 發表於 22-4-30 09:46
係專登敲醒先人遺體余下的意識 再引渡佢超渡去另外境界 咁先人可以放下對身體執念冇痛苦 始終都係要靠有緣 ...

長知識了,謝謝

您, 是我一個遙遠的夢~~~


水晶宮

積分: 51912


發表於 22-4-30 21:30 |顯示全部帖子
野原美冴 發表於 22-4-30 11:47
老人家有冇曾經提過想點搞? 真係無提過又無宗教,咪跟返仔女的宗教囉。但如果幾個仔女有唔同信仰,又確係 ...
冇,我爸真係冇預呢次出唔番嚟。所以乜都冇講。


大宅

積分: 4846


發表於 22-4-30 21:32 |顯示全部帖子
jollyma 發表於 22-4-30 10:12
而家仲邊有呢啲顧忌, 以前連女都唔可以擔幡買水, 而家啲人生得少, 甚至冇子女, 已經越嚟越少跟傳統
...

對。
我剛剛完成喪事,我係獨生女,所以係我帶住媽媽過金銀橋、遊十殿。
您, 是我一個遙遠的夢~~~


水晶宮

積分: 51912


發表於 22-4-30 21:34 |顯示全部帖子
jollyma 發表於 22-4-30 10:12
而家仲邊有呢啲顧忌, 以前連女都唔可以擔幡買水, 而家啲人生得少, 甚至冇子女, 已經越嚟越少跟傳統
...
我爸家族都好跟架。我嫲嫲過身,佢地就話我同我哥跟嫲嫲八字相沖,冇得送嫲嫲上山。


水晶宮

積分: 51912


發表於 22-4-30 21:41 |顯示全部帖子
TSZWING 發表於 22-4-30 13:26
回覆 ~仔仔媽咪~ 的帖子

可以上政府食環署網頁申請,有幾個地方包括和合石、屯門等,屯門曾咀最新最多位, ...
都算快喎。之前聽開新聞都好似要等好幾年至輪到。


水晶宮

積分: 72978


發表於 22-4-30 21:46 |顯示全部帖子
~仔仔媽咪~ 發表於 22-4-30 21:34
我爸家族都好跟架。我嫲嫲過身,佢地就話我同我哥跟嫲嫲八字相沖,冇得送嫲嫲上山。
...

本帖最後由 jk923 於 22-4-30 22:00 編輯

節哀!見你話爸爸都算大家族就講兩句,家父走時我地有問大伯意見,因為佢係哥哥(長兄為父),而之前長輩走都揾同一間殯儀公司一條龍幫手,家中有神樓拜長輩,用道教儀式(呢個關乎你爸爸親戚本身係點都有關,如果佢地拜神,你地做基督教唔比佢地上香會覺得你地做得唔好),我地果時每樣都做足,就係唔想媽媽(有說話聽),我女信基督教,到時話比師傅聽,師傅會識做,我地燒香,佢會叫阿女祈禱,最後阿女棺木上獻花,希望幫到你小小。


水晶宮

積分: 72978


發表於 22-4-30 21:48 |顯示全部帖子
~仔仔媽咪~ 發表於 22-4-30 21:41
都算快喎。之前聽開新聞都好似要等好幾年至輪到。

曾咀同和合石起左新位,所以每期抽都會有位比到。


水晶宮

積分: 51912


發表於 22-4-30 21:53 |顯示全部帖子
jk923 發表於 22-4-30 21:46
節哀!見你話爸爸都算大家族就講兩句,家父走時我地有問大伯意見,因為佢係哥哥(長兄之父),而之前長輩 ...
咁我爸果邊又冇神樓拜長輩呢類習俗,但就真係好易有勁多說話聽,避都避唔到,但我已經聽到驚,唔想再聽。所以呢次自己阿爸身後事,我更想早啲預備同問功課,唔想又做漏做錯。


水晶宮

積分: 72978


發表於 22-4-30 21:56 |顯示全部帖子
~仔仔媽咪~ 發表於 22-4-30 21:53
咁我爸果邊又冇神樓拜長輩呢類習俗,但就真係好易有勁多說話聽,避都避唔到,但我已經聽到驚,唔想再聽。所 ...

明白你呀!大家族係麻煩啲…你自己要好好保重!


子爵府

積分: 11347

15週年勳章 親子王國15週年勳章


發表於 22-4-30 22:53 |顯示全部帖子
回覆 ~仔仔媽咪~ 的帖子

而家屯門、和合石多咗好多新位,唔洗等好耐。你可以打電話問食環署,幾時可以抽位。


伯爵府

積分: 16333


發表於 22-4-30 23:25 |顯示全部帖子
如果佢冇講定, 就跟子女信仰


男爵府

積分: 8582


發表於 22-4-30 23:53 |顯示全部帖子
樓主,保重

我嫲2月頭過身,因為疫情關係,係醫院出,咁係醫院牧師領導一齊祈禱,然後去火葬場,去到火葬場禮堂,做咗簡單儀式祈禱唱聖詩,告別儀式就完結。

我去過幾個基督教喪禮,都冇出嚟講生平,會有牧師,同教會弟兄姊妹領導告別儀式,

會預先做一份先人生平派俾到場親友。


水晶宮

積分: 51912


發表於 22-5-1 00:09 |顯示全部帖子
jk923 發表於 22-4-30 21:56
明白你呀!大家族係麻煩啲…你自己要好好保重!
多謝您!

就係親身經歷過老表過身出殯果日,啲叔伯都竟然圍爐笑笑口講老表是非,閒言閒語,所以我至覺得我避唔開。我係全家族最低學歷最窮最冇出息果個。由細到大係咁俾人講。好攰。


水晶宮

積分: 51912


發表於 22-5-1 00:14 |顯示全部帖子
ml6331 發表於 22-4-30 23:53
樓主,保重

我嫲2月頭過身,因為疫情關係,係醫院出,咁係醫院牧師領導一齊祈禱,然後去火葬場,去到火葬 ...
我都預有機會我哥會揀基督教儀式同要上台講兩句。
所以啱啱襯未過12點,仲係爸爸走既日子,我都打咗份稿。
但有計劃預先錄定音,到時真係要講,我派代表上台播我讀稿個錄音出嚟。
上台我勁怯場又喊包,我冇信心講到出聲。


男爵府

積分: 8582


發表於 22-5-1 00:27 |顯示全部帖子
~仔仔媽咪~ 發表於 22-5-1 00:14
我都預有機會我哥會揀基督教儀式同要上台講兩句。
所以啱啱襯未過12點,仲係爸爸走既日子,我都打咗份稿。
...

本帖最後由 ml6331 於 22-5-1 00:33 編輯

或者你同你哥商量一下做一個簡單儀式,我哋當日完成,由醫院到火葬場進行儀式都只係一個多小時,有儀式,簡簡單單,根本唔會有時間俾三姑六婆講説話,只會有機會係唱聖詩同祈禱。

同埋唔一定要上台講野,如果當晚守夜,可以先做一條片,係靈堂播放。

我姑姐係係教會做野,會幫人搞
喪禮,我嫲走佢都冇出嚟講嘢。
由牧師帶領。


水晶宮

積分: 63129


發表於 22-5-1 08:25 |顯示全部帖子

回覆樓主:

如果老人家没信仰,可以不做任何宗教儀式,不用做基督教儀式或道教儀式,如果全部你阿哥獨力做,最好就採立阿哥想做的儀式,否則做就冇份,在旁EE鹅鹅就會有拗口了。基督教儀式也不需要一定上台講野嘅,只有牧師和教友唱聖詩就可,但先人未洗禮,找牧師做儀式又有点奇怪,道教儀式更繁複,例如担番買水破地獄,燒屋和車等,如家人都是基督教徒,根本不可能做這些儀式,教徒連上香都不可以,怎會做這些儀式,就當樓主比較隨和,不介意參與任何儀式,楼主哥哥或家人也不可能接受。除非先人自己有信仰,作為子女就可尊重先人信仰參與。


水晶宮

積分: 63129


發表於 22-5-1 08:43 |顯示全部帖子

回覆樓主:

樓主如想盡一點孝幫爸爸做最後一件後事,可問哥哥有什麽事需要可通知你去辦或商議。其實哥哥都很多事做的,例如過幾天要返医院领死亡証,又要找agent做一條龍服務,也要去生死註册辦死亡証,再找agent幫你book火化曰期和選棺木等,所以如能分工合作,也可减輕家人的壓力。家里方面可幫爸爸執定四季衣服鞋履和喪禮的衣服陪葬等,而加就要揀定遗照了。
希望以上經驗能幫到你,不會給你添麻煩。你們一家節哀。世伯一路好走!

首頁

尾頁

跳至