早排係《家匠TMF》訂造左一堆傢俬,送貨果日,原本滿心歡喜既我地,真係晴天霹靂!送到黎既傢俬,裡裡外外都有勁多肉眼可見既破損!(如下面相片所示),內外好多位置都花晒爛晒!
我地仲有係佢果度訂造左D鞋櫃、組合櫃等,所有既地腳線都明顯地開大左好多,就好似慌死放唔落D傢俬咁,結果就出現左好多個好大既窿位!
明明係度身訂造,亦都一早安排左師傅上門黎度好尺架啦,結果都整到D線位咁大咁高,勁肉酸、勁礙眼!咁樣點算係度身訂造啊!?如果當初知係咁既話,我去買現成傢俬仲好啦,一黎唔會有咁多明顯瑕疵,最重要價錢平成一大截!仲唔洗曬咁多時間!而家曬左十幾萬,換黎一堆次貨瑕疵品!仲以為你地家匠係專業既,點知伏到人都癲,簡直垃圾!混水摸魚!
眼見新傢俬既外部同內部都有多處損爛、崩口既問題,我當時已經即時拒絕收貨,但係送貨既人表示佢地唔會咁樣將D傢俬運返番去,係都要我簽收左先,跟住再按程序同家匠果邊聯絡番,話要經番公司果邊開個file立左案,佢地至可以再派人黎收番D傢俬走,我當時就信左佢,跟手即時同家匠果邊溝通番,佢地之後再派左人上門影番低傢俬既情況,同做左個report,mark低番有D咩問題,而家淨係肯再派人上黎修修補補!但問題係D木已經刮花晒,內外都傷晒啦...
強烈建議大家買傢俬,千祈唔好揀「家匠TMF」!搵D垃圾瑕疵品當高檔貨黎賣!
後續:
當時已馬上投訴, 前後傾過7-8次電話. email來往, 但每次都話唔會退款, 仲話公司一向唔會賠償、無呢D政策,公司唔會退款、退貨, 只會做執修, 借問聲爛到咁既樣點執呀? 周旋左好幾個月,最後回應話只會賠償5000元 (見下圖), 仲要推卸責任, 話係供應商既問題, 講到唔關自己事,好幫D客人咁,非常無良兼無品!!
再加上佢地既態度暗示緊我係到R著數, 有無攪錯? 根本係無良奸商!!
P.S. Po文相片只係其中一小部分,未能一一盡錄。