懷孕前後

跳至

首頁
12

尾頁
   3


大宅

積分: 3880


發表於 22-5-25 14:41 |顯示全部帖子
襯出院前分享最後既一個post, 希望有一日再出現係成功既分享。

今次去廣華引產,星期5入左急症23wk 多再一次失去心痛, 好彩果晚番左屋企先,經過兩日沉思同傾訴,個人已經釋懷咗好多。早一日搵老公幫我留深喉唾液,第二朝入去做快測,然後抽第一次血。 之後就飲左杯糖水, 果杯糖水真係好大杯,愈飲就愈甜,飲完勁多胃氣,飽到飯都唔想食,好彩本無食早餐。不過怕之後無力,有得食就好食。

兩個鐘後就再抽血,我問姑娘係咪抽一支,佢話個數目你係唔會想知, 我話之前入黎檢查都係抽四支, 佢話係四既倍數,total 15支 .


大宅

積分: 3880


發表於 22-5-25 14:42 |顯示全部帖子
Yin807 發表於 22-5-25 14:41
襯出院前分享最後既一個post, 希望有一日再出現係成功既分享。

今次去廣華引產,星期5入左急症23wk 多再一 ...

去到晏晝開始塞藥每三個鐘一次,醫生話多數48小時內成功。

4:00 :塞左第一劑藥,開頭無乜feel, 到5點幾開始有肚谷住,扯住扯住好脹咁,但一d 血都無, 起身果下好凍好凍好凍,食完飯後發燒38.6

6:55: 塞左第二劑藥, feel 到佢隊得更加入, 好似幾隻手指隊晒入去咁, 又熱又凍又熱又凍,有時3,4級痛完就5級抽住,有d d 反胃。

10:00: 塞第3劑藥, 開始有6~5級痛keep 住,好熱燒到39柯左2次

12:55: 塞第4劑藥, 開始持續抽住78分痛,最辛苦係本身因為發燒,自己仲喉嚨痛又係咁飲水,成日要去廁所,之後又柯左兩次, 廁紙又帶唔夠。


大宅

積分: 3880


發表於 22-5-25 14:42 |顯示全部帖子
Yin807 發表於 22-5-25 14:42
去到晏晝開始塞藥每三個鐘一次,醫生話多數48小時內成功。

4:00 :塞左第一劑藥,開頭無乜feel, 到5點幾開 ...

本帖最後由 Yin807 於 22-5-25 15:15 編輯

Ps. 記得帶多d 廁紙,帶埋廁板墊, 如果怕凍帶長襪, 因為醫院衫係裙黎,同埋無退熱貼我就用濕紙巾濕水降溫,濕紙巾帶多幾包,用黎抹面抹身。帶埋洗洗妹瓶同產婦衛生巾兩包&網褲,水樽保溫壺,另外我煲左樽薑水有需要先抹下身。

本身三點要塞多次藥,其實我個心都打定輸數,應該都搞唔掂,因為無血又無穿水。 不過佢地見我咁痛送左我上產科先。

上到去好個人仲滾個人,去到39.4, 我心諗會唔會燒壞腦。果刻又想肚柯又想柯尿,比左個盤我又柯得好少。 之後keep 住都想柯佢地話唔緊要,但我話都係比個盤我la, 我唔想成床都係。 之後好快feel 到陰道谷下谷下同時但又想柯c, 前後夾攻。


大宅

積分: 3880


發表於 22-5-25 14:43 |顯示全部帖子
Yin807 發表於 22-5-25 14:42
Ps. 記得帶多d 廁紙,帶埋廁板墊, 如果怕凍帶長襪, 因為醫院衫係裙黎,同埋無退熱貼我就用濕紙巾濕水降 ...

急call 老公黎,勁快佢15分鐘黎到。佢入黎果下我feel 到下邊谷左d 野出黎卜一聲,之後feel 到好似有個汽球爆左咁,穿水果下都幾得意。

之後其實好快都生左一半出黎,再大力谷阿b 就出左黎(本身我係無力果 d 人),過程都好快,打左支止痛針其實又唔係好痛(果下覺得其實都唔係太辛苦),不過胎盤未出到,幫我打左支孖啡放鬆先再推。

好快見到阿b, 比我想像中大隻,仲有血色紅卜卜好fresh 幾cute, 原本以為會爆喊但打左支孖啡已經攰到痴痴迷迷。 阿b 包好放起我隔離,護士又影下相留念。 其實見下係一個釋懷既過程,勇敢d ,唔使驚因為佢係你既bb, 唔好比自己有遺憾。



大宅

積分: 3880


發表於 22-5-25 14:43 |顯示全部帖子
Yin807 發表於 22-5-25 14:43
急call 老公黎,勁快佢15分鐘黎到。佢入黎果下我feel 到下邊谷左d 野出黎卜一聲,之後feel 到好似有個汽球 ...

之後好不幸地胎盤黏得好實, 要立即 做手術 ,醫生話會用手照住照聲波掘番啲組織出嚟,講話都未必清得曬,因為有d 夾硬清會大出血,要切子宮。果下都痴痴迷迷比唔到反應,心諗點解又係我,我個腦剩係loop 住,唔通連個天都唔比機會我,子宮都無埋。

好快就入到手術室,妅彩有支孖啡,等我keep 住痴痴迷迷,打左半身麻醉但唔知點解好似唔係好夠藥力,feel 到佢地郁緊整緊都已經無再理完全地豁出去。


大宅

積分: 3880


發表於 22-5-25 14:44 |顯示全部帖子
Yin807 發表於 22-5-25 14:43
之後好不幸地胎盤黏得好實, 要立即 做手術 ,醫生話會用手照住照聲波掘番啲組織出嚟,講話都未必清得曬, ...

本帖最後由 Yin807 於 22-5-25 14:46 編輯

手術完番番房都係好呆好似發左場夢咁,成晚都好虛幻唔真實嘅感覺,因為真係無訓過,個腦剩係諗會唔會無左個子宮。後尾醫生都解釋返係手術風險,大出血先要切,今次其實都清左9成多,應該問題不大等佢自己排出黎或者凋謝,聽完都安心番。


訓左一晚之後d 正能量番番黎,感恩醒左出奇地都無乜痛,肚無痛,係炆左尿喉之後細妹有小小痛因為聯左針,之前吸宮半身麻醉個針口好痛,今次都無乜痛。

廣華d 服務都幾好,安排左我自己一間房, 醫生護士姐姐上下都好有愛,之前檢查既助產士都有黎慰問我。


大宅

積分: 3880


發表於 22-5-25 14:46 |顯示全部帖子
Yin807 發表於 22-5-25 14:44
本帖最後由 Yin807 於 22-5-25 14:46 編輯

手術完番番房都係好呆好似發左場夢咁,成晚都好虛幻唔真實嘅 ...

聽日就出院, 希望之後真係真係排清,另外抽左父母血同胎盤,希望搵到阿b 最後既死因,再葬去天使花園,調理好再努力搵工。痛苦會過去, 經過磨練內心又強大左。
呢件事令我明白做人真係要放開d ,明白做媽媽有好多擔心,事實好多事緊張黎都無用,只有好好保護佢,盡左努力就夠㗎喇,緣份未到無得強求

今次入院真係好難忘,不過我都好感恩你起我生命裏出現過,感受過你既胎動做媽媽既感覺,希望你上到天家做一個快樂既小天使,有哥哥姐姐天主陪你,相信有一日我地會再見。

點評

la_source    發表於 22-5-26 11:39


大宅

積分: 1335


發表於 22-5-25 15:15 |顯示全部帖子
一路睇一路喊左出黎。好好休養上天一定會再俾你一個健健康康既BB。緣份到左佢一定會健健康康咁黎搵番你做佢媽咪。


男爵府

積分: 7228

2024年龍年勳章


發表於 22-5-25 15:48 |顯示全部帖子
你好堅強 ! 好好調理好身子 祝福你 !


子爵府

積分: 13943


發表於 22-5-25 16:30 |顯示全部帖子
回覆 Yin807 的帖子

你真係好勇敢,加油!


大宅

積分: 3880


發表於 22-5-25 16:54 |顯示全部帖子
啱啱姑娘又探我講左d 說話好有用, 佢話過去左既就唔好再諗原因,因為改變唔到。要活在當下, 聖經有一句金句:不要為明天憂慮,因為明天自有明天的憂慮。一天的難處一天當就夠了


大宅

積分: 2350


發表於 22-5-25 16:55 |顯示全部帖子
好好調理身子💪🏼💪🏼


大宅

積分: 1152


發表於 22-5-25 18:38 |顯示全部帖子
加油!好好坐小月,調理身體,bb一定會再返黎


大宅

積分: 1660


發表於 22-5-25 19:34 |顯示全部帖子
Yin807 發表於 22-5-25 14:41
襯出院前分享最後既一個post, 希望有一日再出現係成功既分享。

今次去廣華引產,星期5入左急症23wk 多再一 ...

加油!BB一定會健健康康返黎你身邊


複式洋房

積分: 260


發表於 22-5-25 22:07 |顯示全部帖子
加油啊


複式洋房

積分: 448


發表於 22-5-25 22:30 |顯示全部帖子
啱啱我上星期5都經歷完…
我bb 18週 佢好乖 成個過程都好順利

我都想出個po比有需要jm們參考
因為我之前search資料都唔多
第一次 個心未免好慌 但我想講 我地並不孤單

我引產到依家先過左5日 但係感覺過左好耐咁
只係每日都會比個crying time自己 喊完就要振作

希望樓主快d康復
我地一齊加油!


大宅

積分: 3880


發表於 22-5-25 22:42 |顯示全部帖子
chanpimui 發表於 22-5-25 22:30
啱啱我上星期5都經歷完…
我bb 18週 佢好乖 成個過程都好順利

本帖最後由 Yin807 於 22-5-25 22:43 編輯

加油啊,一定可以挨得過,因為我地已經好勇敢
比其他人經歷得更多。
傷心就喊同多d 同人傾訴就會好快無事
Bb 都想媽媽開心。
Fb 有個 gp 叫:小產媽媽一起走
同埋我最近又接觸左個機構叫:賽馬會小足褔失胎支援計劃
可以搵社工傾訴下~
仲有youtube 有個婚委會channel 都好好,有好多失胎分享
希望可以幫到同路人
U r not alone


複式洋房

積分: 257


發表於 22-5-25 23:04 |顯示全部帖子
你好勇敢..加油呀!養好身體..BB下次一定健健康康反嚟搵你..祝福你!


子爵府

積分: 14304


發表於 22-5-25 23:11 |顯示全部帖子
我都一路睇一路喊
你好勇敢
寶寶一定一定會健健康康番黎搵你家
祝福你


洋房

積分: 60


發表於 22-5-26 01:39 |顯示全部帖子
Yin807 發表於 22-5-25 14:46
聽日就出院, 希望之後真係真係排清,另外抽左父母血同胎盤,希望搵到阿b 最後既死因,再葬去天使花園,調 ...

好好調理身體呀!當心情身體都調理好,健康的bb一定會來臨。呢啲經歷會令你成為一個好強大,好珍惜bb的媽媽!祝福你

首頁
12

尾頁

跳至