想生BB

跳至

首頁
1

尾頁
   0


別墅

積分: 586


發表於 22-6-24 22:02 |顯示全部帖子
本帖最後由 rachel_chi 於 22-6-24 22:04 編輯

我今年38歲,上年11月懷第一胎時,不幸流產,化學後頭兩個月,我睇中醫食中藥,做艾灸,因為中藥令到自己肝酵素超標3倍,之後去睇免疫力,驗到有唔妥,醫生話有可能因為咁而流產,從上年12月開始一直每日都食免疫力既藥,要食到下一胎生出嚟為止,目的就係希望調理好身體再接再厲,減低小產機會,直到今晚6月24日,我老公話生兔bb會對佢同我既生肖都係相沖,會黑到佢同我,佢叫我停一年,到下個龍既生肖再生。我聽完非常嬲,呢8個月我一直食藥調理,浪費左我既時間、金錢(花左近2萬)、每日食藥食supplements共十六粒丸/日既痛苦,到頭嚟因為佢一句話兔bb會黑到佢,可以話唔要。上天比你既禮物,唔係話你想要就有,你想幾時要,要乜就會有乜,我聽到之後好心痛,我已經唔細,39歲懷孕到40歲生真係仲可以嗎?各位sis可以比啲意見我嗎?你點樣睇呢件事?


男爵府

積分: 7228

2024年龍年勳章


發表於 22-6-24 23:02 |顯示全部帖子
我會同老公講叫佢唔好迷信
舊年牛b個時我地試左好多個月,我地生牛b係幾好,點知落空!諗住虎年就順其自然啦 !佛系搞野,一放鬆就中左,我依家陀緊虎b,同我同老公生肖完全相沖其實順其自然最好,叫你老公唔好咁迷信


別墅

積分: 892


發表於 22-6-24 23:16 |顯示全部帖子
rachel_chi 發表於 22-6-24 22:02
我今年38歲,上年11月懷第一胎時,不幸流產,化學後頭兩個月,我睇中醫食中藥,做艾灸,因為中藥令到自己肝 ...

唔會信呢啲, 要黑你嘅乜嘢生肖都可以 整到你雞毛鴨血


別墅

積分: 586


發表於 22-6-24 23:57 |顯示全部帖子
多謝你哋兩位回覆


侯爵府

積分: 22233


發表於 22-6-25 02:14 |顯示全部帖子

回覆樓主:

如果你老公咁迷信, 生到個兔b 佢又講成世, 仲成日仍形住 。嘥錢.嘥心機事少, 埋怨你成世事大, 傾清楚好


別墅

積分: 586


發表於 22-6-25 14:28 |顯示全部帖子
回覆 fifiyi 的帖子

但如果再唔生,再等,我都40了,唔知會唔會再小產,係咪真係仲受孕到…高齡生亦會增加早產、唐氏風險,兩難


子爵府

積分: 13945


發表於 22-6-25 14:50 |顯示全部帖子
回覆 rachel_chi 的帖子

首先你老公係咪不嬲都迷信?定係突然迷信?
明白你有年紀concern,但大家最好平心靜氣傾清楚,讓你老公明白,如果再拖可能係無咗相剋問題,但就可能會生唔出

要明白生兒育女係兩個人的事,是但一方一意孤行,之後的育兒路都會困難重重


侯爵府

積分: 22233


發表於 22-6-25 15:29 |顯示全部帖子
rachel_chi 發表於 22-6-25 14:28
回覆 fifiyi 的帖子

但如果再唔生,再等,我都40了,唔知會唔會再小產,係咪真係仲受孕到…高齡生亦會增加 ...

明白你, 所以要同你老公傾清楚問題所在, 相沖緊要,生唔到緊要, 定你身體緊要?
唔係就煩一世, 一世都記係心。


複式洋房

積分: 461


發表於 22-6-25 17:07 |顯示全部帖子
rachel_chi 發表於 22-6-24 22:02
我今年38歲,上年11月懷第一胎時,不幸流產,化學後頭兩個月,我睇中醫食中藥,做艾灸,因為中藥令到自己肝 ...

如你老公咁迷信, 可找個師父擇時辰開刀, 同師父講要揀旺父母的吉時咁咪解決到囉.


別墅

積分: 692


發表於 22-6-25 20:16 |顯示全部帖子
話想生就有得生咩
38歲都唔算後生…時間唔等人
如果到時bb唔黎,無佢係咪接受到先?會唔會埋怨你?還是佢本身都係唔想要?

點解可以咁迷信…感覺佢個人好自私。

我覺得有個bb 令到婚姻生活更美滿,我見到我老公望住我地個bb,雖然佢之前成日話有無小朋友都無所謂,但我想要既話佢都可以要,依家bb出左世雖然佢乜都無講但覺得佢好滿足,兩個人既話題都多左好多。


別墅

積分: 976


發表於 22-6-25 21:52 |顯示全部帖子
rachel_chi 發表於 22-6-24 22:02
我今年38歲,上年11月懷第一胎時,不幸流產,化學後頭兩個月,我睇中醫食中藥,做艾灸,因為中藥令到自己肝 ...

如果你另一半係咁迷信,不如參考埋八字。
我本身唔信呢啲,從來冇搵師傅睇,上年有新朋友仔講開自己學咗幾年,我俾我兩夫婦八字佢,佢一睇就話我哋22-23年係結婚以來第一次同步行官殺食傷運,生小朋友機會極高,不過我聽完就算,心諗都plan咗最後一次IVF(過去幾年從未成功),係咪都會試,即管睇吓點,竟然俾佢講中。。
我唔係導人迷信,不過如果你老公真係咁信又有啲基本常識,佢應該明白生肖唔係重點,八字先係,擇日擇時可以有幫助。


大宅

積分: 1599


發表於 22-6-26 10:03 |顯示全部帖子
rachel_chi 發表於 22-6-24 22:02
我今年38歲,上年11月懷第一胎時,不幸流產,化學後頭兩個月,我睇中醫食中藥,做艾灸,因為中藥令到自己肝 ...

我睇完第一下覺得
生B係喜事,又點會相沖
就算沖,都必定有得解
知道JM好努力,亦希望你成功
不過替你有個咁不智嘅另一半感到擔心


別墅

積分: 586


發表於 22-6-26 13:40 |顯示全部帖子
回覆 c1102 的帖子

佢真係同SIS所講既一樣,佢係個自私嘅人,平日生活上都可以反映到,只會唸自己既人。


別墅

積分: 586


發表於 22-6-26 13:45 |顯示全部帖子
好多謝各位回覆。好中肯亦令我有所反思。我同佢呢幾日一直冷戰中,我已經唔想再同佢溝通,佢想要小孩,又要生肖夾到佢,我年紀大了,我滿足唔到佢,佢冇為我個人及身體唸過,只係唸佢自己,心很累了,或者離婚對大家都好。


別墅

積分: 844


發表於 22-6-26 21:56 |顯示全部帖子
回覆 rachel_chi 的帖子

叫你老公吾好咁迷信啦,當然要繼續試!!!時間吾等人阿!!!

首頁
1

尾頁

跳至