本帖最後由 rose-mag 於 22-10-4 21:46 編輯
rebeccalin 發表於 22-10-4 15:35 
本帖最後由 rebeccalin 於 22-10-5 07:38 編輯
你所講呢個女人好似我弟婦。搞到我細佬有嚴重抑鬱，有幾 ...
真係好似！又係逼男家父母俾錢買屋，但男家兩老根本冇錢，佢地都係低收入戶，退休後身體又唔好，每個月都係靠幾個仔女夾錢養加埋政府老人金，邊有錢可以俾佢地買屋，買到都供唔起，仲未計每年要交地稅保險果D。好啦，打唔到老人家主義，就想打大伯主意，大伯兩公婆搵到錢，但佢地都有小朋友，有一頭家要養。
呢個女人來自一個父母離婚嘅家庭，佢盡得佢媽真傳，所有野蠻、只有佢講冇人講嘅行為係同佢媽一模一樣，加上係獨生女，聽講話佢由細同人打交打到大，佢仲好自豪話打遍天下無敵手，男仔都唔夠佢狠，聽完我真係毛管棟起晒，咩人嚟架！不過講起又唔覺得奇怪，佢自己婚宴上大聲喝自己爸爸，我地D兄弟姊妹睇到晒，大家鴉雀無聲，你眼望我眼，我老公話大開眼界，個新郎哥當時喺另一邊，完全唔知道發生咗咩事，我係好後期同佢傾開計，問佢其他兄弟姊妹們係唔係婚宴後都疏遠佢，佢話係呀，仲奇怪咩原因，個老婆得罪咗佢好多朋友，誣衊女仔朋友勾引佢老公，又話幾個搵錢較少嘅朋友冇出息，叫個老公唔好群佢地咁多，連男家嘅兄弟姊妹都辣晒火頭。。。
個女人嘅衰嘢痴線嘢講三年都講唔晒，我個朋友最近睇牙，個牙醫話佢有兩隻牙好鬆，鬆到大力少少都會甩出嚟，話係外來大力撞擊所致，問佢有冇俾人打或者發生意外之類，我朋友話係因為俾個老婆打，牙醫即刻寫報告俾佢做証據，希望可以幫到佢搞離婚。
花旗太太生活在花旗國，留意時差，你問我未必即時答到。
發表於 
返回列表
