呢胎㨂左十月中開刀，今胎轉左法國尤醫生，聽朋友介紹，話佢開刀傷口好靚，我就覺得佢好快手，專業，話唔多但會成日幫你慳住不必要洗費，不過要有心理準備等產檢係等好耐，平日2-3小時，反而星期六快d，我係開刀前一晚入院，夜晚七點幾先入院辦手續，入院前兩日要係法國做核酸陰性先可以入院，今胎冇跟住院package，最後㨂左六人房，因為三人房會比六人房總數貴三千幾，第一胎我係三人房，但疫情加哂價，所以冇住
第一胎有心臟原因做左全麻，今次評估後可以半麻，朝早7:30就準備入手術室，首先飲左杯好難飲既野，之後就落左去產房，麻醉師同我好清楚咁講每一個step，又會按撫我，要打兩支針，一支吉手係吊鹽水，佢話呢支係最痛，痛過吉背脊個支，（我覺得吉手個種痛既程度都可接受，未至於好痛），所以背脊個支就更加唔算痛，只係佢吉入去個下郁左一郁，之後隻腳就慢慢痺la，個種麻痺既感覺令我好唔習慣，好似隻腳想郁下但又冇力提起，好奇怪，醫生話正常既，佢仲同我講麻醉藥過左，全麻既痛會痛過半麻，聽完就放心好多la，因為全麻我都覺得唔算好痛，可能因為之後食太多止痛藥
之後就等醫生黎la，醫生黎就叫埋我老公入黎陪產la，醫生手勢好快，幾分鐘麻醉師話要禁下個肚，推BB個頭出黎，過程比我想像中快，醫生話過程冇出好多血，好快頭仔出左黎la，無幾耐，我聽到bb既喊聲，醫生就恭喜我la，再影埋合照，個下覺得終於缷貨la，順順利利就好了
隔幾個鐘之後，慢慢d痛開始黎la，真係起下身都痛，但都要郁下，唔郁動下第二日落床仲痛，食完止痛藥同塞肛門藥就好好多，第四五日除左傷口扯住痛之外，其他都還好
探訪方面，只可三個人探訪（爸爸同另外兩個每日固定成員），除左探bb時段可以三個人，其餘探媽媽都只可以一個入去
至於收費，因為唔同醫生，第一胎係出面d醫生，但都俾大家參考
2022年第二胎：醫院費$30275，醫生費$38920
total = $69195
2018年第1胎：醫院費$26471，醫生費$34400
total= $60871
發表於 
有用資料
返回列表
