想生BB

跳至

首頁

尾頁
   2


複式洋房

積分: 496


發表於 22-11-3 09:43 |顯示全部帖子
本帖最後由 BuckBuffy 於 22-11-10 09:16 編輯

原本歡天喜地迎接新生命到臨,每兩星期產檢,bb的心跳、size也發展符合生長線,但在22/10恆常產檢時(當時13週),醫生一直表示奇怪,找不到也聽不到bb的心跳,bb停係12週3天,我和先生當時非常愕然,出了診所只能相擁大哭,之後才彷彿知道要面對下一步,如何將胎兒取出來。

突然的轉變,令我由難過、不捨、不明白,變成恐懼、驚恐,因為我真的未曾入住醫院,也非常怕痛。私家醫生開轉介信,建議我到公立醫院跟進,因為公立醫院可以驗到多些資料,嘗試搵原因,私家做很貴,我和先生24/10(一)去急症室,急症醫生說我未有出血、無痛、維生指數良好,所以替我安排第二日(25/10)到威院早孕科門診見醫生。當日我不斷上網找資料,明白塞藥和吸宮/刮宮手術比較,塞藥的對子宮日後影響最低,但有機會組織唔清時,仍要做吸宮手術,聽完後很忐忑,因為我真係很怕痛,也想是否直接麻醉做吸宮手術較好?

徬徨之際,我朋友建議我睇多位醫生,當日鄭醫生護士聽完我情況,即時安排我25/10 很早見鄭醫生,鄭醫生照完超聲波,也再肯定bb沒有心跳了,也建議我到醫院做藥流,這是對子宮日後影響最少,也照過子宮頸比較緊,有心理準備可能塞藥後,也要做吸宮/刮宮手術,我和先生聽完,清晰前面可以怎樣做,就是咬緊牙關去面對,以減少對子宮日後影響。之後我們趕去威院早孕科門診,再確認bb沒有心跳和使用塞藥,就準備明早7:30入院。

26/10我和先生7:30入院,因防疫政策,先生未能陪伴,探病要出示48小時前核酸結果,並要上HA Go app登記,每天只可一時段(11:30或5:30)才可探訪。之後,我9:20/12:20/3:20每三小時塞藥一次,感謝天父和醫院知道我非常害怕,故塞藥醫生/護士/助理也差不多同一組人員,過程也不斷安撫我,特別尤助理,每次塞完我也哭,因為我真的怕痛,也擔心要塞好多次才有反應。第一次塞藥後,我開始發燒,38.7,之後護士俾2粒退燒藥我食,但都keep住發燒,但感謝天父,3:20pm塞完後開始絞肚痛,我4:00-5:00pm開始排到臍帶、胎出來,但護士話我仲未排到胎盤,結果7:10pm替我打了一枝止血針,表示幫助子宮收縮,希望排埋胎盤出來,之後7:00-7:30pm我很肚痛、全身標冷汗,最後順利排到胎盤出來,護士即時陪我上床休息,因為流很多血,最後醫生表示我排組織都齊,可以好好休息。過程雖然有一位護士在厠所門口說,若唔得就出來見醫生,但果刻我真的希望自己排到,不想做手術,減低對子宮影響,最後我不斷禱告,將感覺卡在中間的胎盤也完整排出,感謝天父,也感謝在威院5F病房所有醫生、護士、助理的照顧和安慰,我知道在繁重工作中,這非必然,謝謝在困難傷心過程中,妳們願意體諒我的情況作每個醫療上考慮。排晒組織後,我11:00pm晚上退燒,但在病房很晚11:30才關燈,有點難入睡,所以都係斷斷續續瞓下醒下,第二天醫生表示昨日抽兩次血,都知道是塞藥令我發燒,非身體發炎,感謝主。

最後,我在過程中,不斷重複腦海金句:
「我的恩典夠妳用的!因為我的能力是在人的軟弱上顯得完全」(哥林多後書12:9)

希望分享我在醫院藥流的過程,讓大家在徬徨傷心中,可以得著參考,傷心徬徨中相信主的恩典夠用!

點評

la_source    發表於 22-11-3 16:46


大宅

積分: 1476


發表於 22-11-3 16:01 |顯示全部帖子
你好勇敢,雖然我唔係教徒,但都願主祝福你


複式洋房

積分: 496


發表於 22-11-3 17:31 |顯示全部帖子
回覆 amelie522 的帖子

謝謝妳 ,現在我在家坐緊小月,有時想起也很難過不捨,一來自己高齡,很難得先懷孕,一直以為過咗3個月很穩定,原本很有信心,卻沒有想到會這樣!
難過時仍要處理好身體狀況,去作決定,對女性來說身心都很大適應,感謝我先生陪伴和很多朋友教我點樣處理!願與我一樣經歷的媽媽,願主也保守大家!


大宅

積分: 1595


發表於 22-11-3 18:39 |顯示全部帖子
BuckBuffy 發表於 22-11-3 17:31
回覆 amelie522 的帖子

謝謝妳 ,現在我在家坐緊小月,有時想起也很難過不捨,一來自己高齡,很難得先懷孕 ...

希望你盡快調理好身體和心靈~
加油~
祝福你,BB好快回到你身邊


別墅

積分: 633


發表於 22-11-3 20:50 |顯示全部帖子
BuckBuffy 發表於 22-11-3 09:43
原本歡天喜地迎接新生命到臨,每兩星期產檢,bb的心跳、size也發展符合生長線,但在22/10恆常產檢時(當時 ...

願你平安,祝福你


複式洋房

積分: 156


發表於 22-11-3 23:39 |顯示全部帖子
BuckBuffy 發表於 22-11-3 09:43
原本歡天喜地迎接新生命到臨,每兩星期產檢,bb的心跳、size也發展符合生長線,但在22/10恆常產檢時(當時 ...

好明白你的感受,我2018年都流產了,初時照到閃閃好開心,到3個月再照已經無心跳仲變細了...BB走了..
當時我選擇了食藥(佢地話係胃藥)過左一個鐘之後開始痛到出冷汗,係未嘗試過既攪肚痛,最後成功整個胎排出來了...除了身體既痛,心靈上更痛...因為他們安排我在孕婦房進行,大家都在做產檢,只有我一個是排胎的,那種心如刀割的感覺現在還記得
這一切都不容易,為你加油,神的恩典夠用!


大宅

積分: 1557


發表於 22-11-4 00:27 |顯示全部帖子
回覆 BuckBuffy 的帖子

樓主好好休養身體天使BB一定會返嚟你身邊

祝願大家早日如願以償。


大宅

積分: 1192


發表於 22-11-4 02:12 |顯示全部帖子
好好休養身體,辛苦你啦,願天父賜福給你!


複式洋房

積分: 496


發表於 22-11-4 09:43 |顯示全部帖子
謝謝大家的鼓勵祝福,知道很多朋友,在生育路上都困難重重,一點也不容易,也對未來會否再有機會也沒有把握,我也一樣😣
只能禱告大家在療傷中得醫治,身心靈慢慢康復,未來一切繼續禱告神!相信恩典夠用!


大宅

積分: 1164


發表於 22-11-4 17:07 |顯示全部帖子
BuckBuffy 發表於 22-11-4 09:43
謝謝大家的鼓勵祝福,知道很多朋友,在生育路上都困難重重,一點也不容易,也對未來會否再有機會也沒有把握 ...

我都喺10月中嘅時候做咗引產,bb 19週,好心痛。我都係教徒,好欣賞你咁有信德,我都要努力啲先得(emoji)(emoji)


複式洋房

積分: 496


發表於 22-11-4 17:42 |顯示全部帖子
回覆 Gabgabgabby 的帖子

知道都好難過😣😣19週,祝願妳身體快快康復,在主裡好好療癒身心靈,禱告記念妳💪🏻


大宅

積分: 3880


發表於 22-11-5 23:57 |顯示全部帖子
BuckBuffy 發表於 22-11-3 09:43
原本歡天喜地迎接新生命到臨,每兩星期產檢,bb的心跳、size也發展符合生長線,但在22/10恆常產檢時(當時 ...

天父唔會讓我地既能力超過我地既負擔,每個經歷都會有得著比我地,你已經好勇敢好堅強。相信bb 去到天上係健康快樂,媽媽要好好坐好小月,takecare


別墅

積分: 738


發表於 22-11-6 23:02 |顯示全部帖子
同你嘅經歷一樣,發生左兩個月,都仍然好傷痛,我哋都要加油,祝福你哋


複式洋房

積分: 496


發表於 22-11-7 11:40 |顯示全部帖子
謝謝大家,大家都好好休養身體,相信有好身體心靈,其他會有最好安排🙏🏻🙏🏻🙏🏻keep praying for all of u and me


男爵府

積分: 6437


發表於 22-11-7 13:49 |顯示全部帖子
我都係同樓主一樣,明明6/10第一次去產檢時BB心跳正常,醫生話BB好健康,我諗住BB應該可以成功岀到世,點知原本2/11去做T21兼產檢,但20/10突然流多咗啡,我仲以為因呢排屋企剛裝修完,要幫手搬下野抹下野,粗勞得滯先流啡,後來好似越嚟越多,覺得唔對路,打俾姑娘佢叫我即刻岀去睇醫生,去到俾醫生檢查話下面已流緊鮮血,照個肚BB已無心跳,胎停喺第一次產檢後,仲開始縮細,醫生俾咗藥我自己返屋企排胎,我22/10朝早十一點幾開始食,又係每隔三個鐘食一次,食完第一次未有宮縮情況,第二次食藥後開始宮縮,之後流好多血,排咗好多一舊舊血塊,不停換M巾褲。


男爵府

積分: 6437


發表於 22-11-7 13:56 |顯示全部帖子
傲雪BB 發表於 22-11-7 13:49
我都係同樓主一樣,明明6/10第一次去產檢時BB心跳正常,醫生話BB好健康,我諗住BB應該可以成功岀到世,點知 ...

第三次食藥,血開始流少咗,我以為胎已排岀,點知24/10下午在家去廁所時再一大舊野流岀,我撈返上黎睇原來係BB,我當時已忍唔住喊,陀四個,三個都小產,每次都係陀到兩個月左右就無咗,真係身心俱疲係得個仔成功岀到世,原本以為可以帶個弟弟或妹妹俾個仔,最後都係無咗,我已超高齡,應該都無乜機會再有BB了


大宅

積分: 1106


發表於 22-11-7 16:25 |顯示全部帖子
傲雪BB 發表於 22-11-7 13:56
第三次食藥,血開始流少咗,我以為胎已排岀,點知24/10下午在家去廁所時再一大舊野流岀,我撈返上黎睇原來 ...

你好,我黎緊幾日都須要做。我想問下你你四個月都係留係屋企處理嗎?因為我16週醫生係安排我入院做…


複式洋房

積分: 496


發表於 22-11-7 17:16 |顯示全部帖子
回覆 傲雪BB 的帖子

要好好保重,經歷了數次,身心靈都很傷痛,要好好休息。或是可以,會否試試問下醫生,有冇驗查可以了解到原因?😢


複式洋房

積分: 496


發表於 22-11-7 17:25 |顯示全部帖子
回覆 janjane_ 的帖子

我當時bb停係12週3天,故是入院做藥流,當日早上7:30入院,9:20am塞第一次藥,每三小時塞一次。禱告妳一切順利,咬緊牙關面對

入院可以帶
1.m巾(排完流好多血,長m巾/底褲設計m巾
2.排完唔好掂生水及飲白開水(帶炒米茶包,熱水壺焗水焗水)
3.帶透明手套(排完唔好掂生水)
4.帶紙巾、充電線、麵包、水杯
5.排完全身出汗,請助理拿一套衫給妳換



大宅

積分: 1106


發表於 22-11-7 19:51 |顯示全部帖子
BuckBuffy 發表於 22-11-7 17:25
回覆 janjane_ 的帖子

我當時bb停係12週3天,故是入院做藥流,當日早上7:30入院,9:20am塞第一次藥,每三 ...

多謝你,我都係教徒會一直祈禱。希望你都好好照顧好身體,健康BB好快會快黎你身邊!
感謝你個list! 我都要開始執嘢準備入院🙏🏼

首頁

尾頁

跳至