當年大仔幾好湊,食飽就瞓,可能夜晚喂奶粉飽D,都俾到幾個小時我瞓,不過佢如果半夜醒咗就慘,玩我一兩個鐘至肯瞓。細女話好湊又得,難湊又得,佢係全人奶B,痴身到爆,我基本上好難自己出街,佢係絕食都唔肯食奶樽,平日返工就陰公,佢肚餓喊,奶樽餵到好少,用匙餵又係幾匙就喊,喊到攰就瞓,瞓醒又喊,我幾乎要辭工返去湊,最後捱到可以食固體就好好多,不過一歲前都係每日等我返屋企餵奶,我係唔可以OT,唔可以夜晚約人。
但對比我朋友個二女果兩個,我果兩個原來係超級可愛容易湊,朋友個二女係極品,又係全人奶B唔食樽,我朋友已經係FTH,因為大仔太易湊,瞓醒食,食完瞓,揸車出街一上車就瞓,於是覺得可以生多個,點知二女係惡夢,上車唔瞓,只係不斷喊,認地方認車認carseat,就算係同款carseat,只要係其他人嘅車,個女都由上車喊到落車,點都氹唔到,瞓覺仲大鑊,全程要手抱,一放落BB車唔夠10分鐘就喊,朋友要一路抱住個女一路行個女至肯瞓,停低坐低唔夠10分鐘好似有感應器咁,即刻醒即刻喊,基本上只要出咗屋企範圍佢個女就發顛,我本身好鍾意BB,佢係唯一一個我搞佢唔掂。後來朋友有第三個,呢個女就好好湊,同哥哥一樣只係食瞓拉。
花旗太太生活在花旗國,留意時差,你問我未必即時答到。