自由講場

跳至

首頁

尾頁
   10


大宅

積分: 4532


發表於 23-3-24 19:29 |顯示全部帖子

回覆樓主:

盡力灌輸佢把口生係人地到,唔好理人,自己知自己事,唔使同人(同學)解釋,強大小朋友個心,對日後有幫助,祝福小朋友越來越進步。


王國長老

積分: 211787

畀面勳章 好媽媽勳章 醒目開學勳章 2011精緻種植勳章 環保接龍勳章 大廚勳章 王國長老 BK猜猜猜慶中秋 BK Milk勳章


發表於 23-3-24 19:36 |顯示全部帖子
個人意見,盡量唔幼安排咁多特別待遇。越多就越易俾人留意,你好難控制到其他小朋友點諗,是是非非都可以好大傷害(小朋友未必有心,你仔仔亦未必識招架,所以盡量避免)
我覺得同學校溝通,容許小朋友隨時去廁所就好
換片嘅嘢,如果真係自己攪唔掂,無辦法都要小息去醫療室搵嬸嬸幫手。如果自己攪得掂,自己去廁所換就最好


子爵府

積分: 14749


發表於 23-3-24 19:48 |顯示全部帖子
Matthew.Wong 發表於 23-3-24 19:22
唉...連國際學校都咁....?
我都好緊張,唔知學校會點反應...

宜家3年班聽佢家長講有進步。之前試過校車上面賴,私家車上賴,出街行到入廁隔眼前就係廁所都忍唔到賴左喺地。所以我明明地你小朋友情況。

你宜家係咪專科跟緊?有冇睇過兒童泌尿科?

我係你都唔會一嚟就試特殊學校,但除左同學校溝通外一定要同阿仔做好心理建設,模擬下其他小朋友既反應。有時恥笑係緣於唔理解,如果真係俾人見到,會唔會考慮教小朋友解釋俾同學仔聽因為有病所以要咁做,好似近視要帶眼鏡,耳仔聽唔清要用助聽器。直線抽擊好過俾人估估下。不過我都係紙上談兵,希望你搵到一個適合阿仔既方法,並祝佢早日康復。


子爵府

積分: 11168


發表於 23-3-24 19:51 |顯示全部帖子
本帖最後由 adrianada 於 23-3-24 19:54 編輯
Matthew.Wong 發表於 23-3-24 07:39
我都明,所以都驚校方唔比我放d片響學校....
但如果要佢放書包,佢拿去換時就更加容易被同學見到.....
...

學校唔會比你放尿片,所以只能放書包,小學生小息才可以去廁所,轉堂通常另一位老師已經在課堂門口等候,更加唔會比去洗手間,只能小息先可以去,另外我仔話冇小朋友會拎個袋入洗手間,而且佢哋全部都係用尿兜,冇乜同學會用廁格,所以你小朋友要心理準備所有同學都會知道佢嘅問題,而唔係得佢個班,係全級,至於去醫療室換片更加係冇可能,基於衞生問題,只可以去洗手間。佢嘅情況一般正常小學未必啱,試吓考慮特殊學校,小朋友心靈好脆弱,如果全級男同學都取笑佢,你於心何忍。



珍珠宮

積分: 37915


發表於 23-3-24 19:53 |顯示全部帖子
Matthew.Wong 發表於 23-3-24 19:28
呢d老師真係好過份....
係唔係舊式的老師無trainning?現在新畢業的老師應該對學生身體的需要多一點awaren ...

主要睇學校是否關愛,跑業績果d, 連成績追唔上都踢你走,哪有心情理其他嘢?

正常學校都會教小朋友,不能取笑別人,不欺凌的


珍珠宮

積分: 37915


發表於 23-3-24 20:03 |顯示全部帖子
Matthew.Wong 發表於 23-3-24 19:17
之前無諗過....
但如果普通學校可以,始終都想讀普通學校。始終佢唔係手腳或智力有問題。
...

同意,智力冇問題,冇理由一開始就諗特殊學校


別墅

積分: 516


發表於 23-3-24 20:03 |顯示全部帖子
什麼時候都要著 讓他習慣同去處理
什麼時候要做肌肉訓練
不是在需要時先做訓練 是平時都要幫手
我不熟悉去廁所應該用邊部份既肌肉 但係我可以用另一種方式告訴你

例如 你手發力變成拳頭 你用另一隻手去摸或者肉眼觀察 就會知邊一部份(舊)肌肉在發力

當小朋友如果想去洗手間 佢去個陣係某肌肉既 你就叫佢多一點訓練(詳情請去問專家)
因為我不是專家 只可以將自己一些生活小知識分享

這類訓練不是由一朝做到晚的 建議可能由一天兩次(記得記錄)
例如我手握變成拳頭1小時一次 做10次就會攰 咁你就知道左個極限位
可能一天兩次訓練做到極限就好停了 如果唔係肌肉太攰明天會不能用力
保持住呢個訓練一個月後就可以加少少次數 希望幫到你


大宅

積分: 3527


發表於 23-3-24 20:39 |顯示全部帖子
Matthew.Wong 發表於 23-3-24 19:28
呢d老師真係好過份....
係唔係舊式的老師無trainning?現在新畢業的老師應該對學生身體的需要多一點awaren ...

小一擧手老師都會俾去厠所,但大個少少就已經要小息先俾去。 唔係個個老師都俾上上下堂去厠所, 到時要俾醫生證明, 但又點同每一位老師都講得清楚又肯定佢一定俾去厠所呢!

佢咁大個仲包片,同學發現都有機會取笑佢, 瀨多2次尿又好傷自信心,0真係好難做。


複式洋房

積分: 210


發表於 23-3-24 21:17 |顯示全部帖子
莫失莫忘 發表於 23-3-24 19:48
宜家3年班聽佢家長講有進步。之前試過校車上面賴,私家車上賴,出街行到入廁隔眼前就係廁所都忍唔到賴左喺 ...

有專科跟緊,有定期覆診。

「教小朋友解釋俾同學聽」這個point很對!謝謝你提醒我!應該要教定佢萬一被同學發現佢著片要點同同學講。我都知唔會個個同學都明白,但如果有一半的同學明白,佢都少一半壓力!

謝謝你。好難得你有識小朋友有同樣的情況,有沒有多些經驗分享?十分感謝!


男爵府

積分: 8055


發表於 23-3-24 21:45 |顯示全部帖子

回覆樓主:

其實樓主話唔知點樣同老師學校講,又話要個仔lei埋換,唔想比同學知。。。會唔會對個仔都有負面影響?仔仔會唔會以為自己真係有問題?又怕比同學發現,每日返學都要私私叔叔咁,而同學會發現的機會其實都好大,到時同學唔知會點講。


男爵府

積分: 8055


發表於 23-3-24 21:45 |顯示全部帖子

回覆樓主:

所以與其咁,會唔會考慮反而請老師開學就直接同全班,甚至全級講會好啲呢?我估當然會有同學笑佢,但同時我相信會有啲同學會掉轉幫你個仔,你個仔返學就唔洗咁大心理包袱,而且佢上堂成日要去廁所,老師比佢去,都唔怕會有同學問,點解佢去得,其他同學唔去得,老師都唔洗每次搵理由解釋。。。

當然我知道針唔拮到肉唔知痛,我只係希望樓主多個角度去諗。。。

加油!樓主&仔仔


複式洋房

積分: 210


發表於 23-3-24 21:55 |顯示全部帖子
pig_tiger 發表於 23-3-24 21:45
其實樓主話唔知點樣同老師學校講,又話要個仔lei埋換,唔想比同學知。。。會唔會對個仔都有負面影響?仔仔 ...

謝謝,呢個真係未諗過...
我都唔sure....

首先呀仔都唔想人知,在街上如果要去換片,都只會細細聲在我們耳邊講。佢連街上的陌生人都唔想俾佢地知,何況係同學....?
其次好似有d太搏...? 如果一切順利,同學明白就當然好。萬一不明白,然後全部同學都知佢著片,我驚對佢壓力更大....


子爵府

積分: 12360


發表於 23-3-24 22:10 |顯示全部帖子

回覆樓主:

本帖最後由 days.bb 於 23-5-9 08:25 編輯



珍珠宮

積分: 35443

2024年龍年勳章 2024勳章 虎到金來勳章 牛年勳章 Poo得好勳章 笑得好勳章 瞓得好勳章 開心吸收勳章 Xmas吸收勳章 最關心BB問題熱投勳章 認識瑞士牛牛第二回 認識瑞士牛牛第一回 育兒性格勳章 想生BB熱投 畀面勳章


發表於 23-3-24 22:13 |顯示全部帖子

回覆樓主:

本帖最後由 竇漪房 於 23-3-24 22:13 編輯

同老師講,佢每堂落堂都要去廁所得唔得


大宅

積分: 4632


發表於 23-3-24 22:17 |顯示全部帖子

回覆樓主:

同學校坦白交代小朋友身體情況。我記得以前細個,屋企樓下籃球場有個男仔都係三四年班要著片,我覺得學校應該知有些小朋友確實生理未得,而唔係你地想。


子爵府

積分: 11847


發表於 23-3-24 22:23 |顯示全部帖子
Matthew.Wong 發表於 23-3-24 07:39
我都明,所以都驚校方唔比我放d片響學校....
但如果要佢放書包,佢拿去換時就更加容易被同學見到.....
...

你私家定公立跟緊?


子爵府

積分: 11847


發表於 23-3-24 22:25 |顯示全部帖子
Matthew.Wong 發表於 23-3-24 21:55
謝謝,呢個真係未諗過...
我都唔sure....

應該同學校講, 俾佢一急就去, 總好過著片


男爵府

積分: 5644

2023年兔年勳章


發表於 23-3-24 22:45 |顯示全部帖子
本帖最後由 katy_mama 於 23-3-24 23:07 編輯

做過學校校務處,基本上小息係繁忙時間,好多小朋友去食藥,打電話同搵失物。健康問題開學有申報表填,記得同班主任講,因為其他老師有咩問題都係搵班主任先。

唔知你仔仔的小學校舍係咩setting, 但建議去洗手間換會好啲,因為大部份學校的校務處同medical room 大門都有玻璃唔係密封的,而且上上下堂行咁多層樓仲唔方便;加上成日見去仲大機會被同學仔問。而且學校一般都唔keep 學生財物,另一方面萬一冇留意用晒就麻煩。有啲學校會係課室有locker, 可以放小小備用。

其實最理想係自己小息時帶去洗手間換,跟身唔駛特登去拎,小息時間放係小食袋冇咁顯眼。
小朋友識到朋友好多時小息會一齊,如果男廁冇垃圾桶可以準備啲唔要的信封袋住先,之後搵有蓋大垃圾桶丟(多數操場會有),細垃圾桶多數用簿膠袋同未必有蓋(呢啲未必日日換)。如果長期係某一層上堂,可以問下學校可唔可加個垃圾桶係廁所;男廁冇垃圾桶好多時係因為要方便洗地。

最好留意下有冇信得過嘅好朋友,萬一有需要都可以幫下手拎野/借褲。
反而你要留意下尿片用量/質量,天氣熱長期著片會好焗,就算課室有冷氣,小息同PE堂做運動出汗後皮膚好易出問題。
長遠要教小朋友如何面對呢個健康問題,我有大學男同學有腸易激綜合症要著片,大家熟左佢都唔介意話俾我地啲女同學知,仲話必要時需要江湖救急幫下手。


子爵府

積分: 10028


發表於 23-3-24 22:47 |顯示全部帖子
要搵關愛既小學


男爵府

積分: 8055


發表於 23-3-24 22:48 |顯示全部帖子
Matthew.Wong 發表於 23-3-24 21:55
謝謝,呢個真係未諗過...
我都唔sure....

絕對明白你的擔心。。。

唔想比人知是一定的,街上陌生人唔想佢地知係正常,亦無須多廢唇舌同佢地講。但同學一日相對8小時,一星期見足5日,想瞞但其實好難暪到,每日擔心同學知,心理壓力都唔小。。。萬一到時比同學發現,嗰下發現新大陸的反響可能更大。。。

所以如果由老師直接講了,因為醫生證明小朋友身體上有需要而著片,可能同學個反應仲無咁大。。。

對唔住,可能我講多左,樓主最好快啲同老師商量,佢地會知道點做最好

首頁

尾頁

跳至