吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 基督家庭› 想帶BB返主日學認識神, 可惜被拒於門外

基督家庭今日: 0|主題: 9938

收藏本版

發帖

返回列表

跳至頁

樓主: zozo2005

想帶BB返主日學認識神, 可惜被拒於門外 [複製鏈接]

gabrielmum

別墅

積分: 623

21^#

發表於 09-7-11 08:15 |只看該作者

或者我教會一早有呢個傳統，大家一早知道小朋友3歲入學後就可以自己上堂，唔准媽媽陪。

我地更有個傳統係就算小朋友未滿3歲，而佢試左幾次已可以自己上堂，媽媽會返大堂崇拜。
或者我地早有心理準備，加上負責ge姊妹好有愛心同經驗，所以我地真係睇住小朋友扁住咀都狠心離開，因為每次我地接番佢地ge時候佢地都係開心甘笑緊。
另外，媽媽都要適應，就係小朋友2歲已經可以返學，返學頭初頭小朋友都會喊(我個厲害，2歲返學時斷斷續續喊足一個月。)，所以唔駛太擔心。係呢件事上，媽媽要適應，小朋友要適應，不過過左呢一關，我可以肯定甘講，小朋友又會長大左，佢會為自己長大左而自豪。

係教會，當我地呢d ee見到有小朋友自己上堂，我地會讚佢叻叻

另一方面，大人都應該有自己ge教會生活，上帝交託小朋友比我地管理，我地仍需係繁忙ge生活中專注仰望上帝，唔好因為上帝比左小朋友我地而與上帝疏離左。當小朋友見到你重視教會生活，準時去崇拜，佢會學效你，你就係一個好管家。

或者我地成日要提醒自己，我地只係一個管家，上帝比我地更關心小朋友，上帝會為小朋友預備最好ge野。共勉。

原帖由 cacachow 於 09-7-6 12:48 發表
唔通我地同一間教會? 可能係喎

唉!!! 我個仔夠足咗兩歲半, 返主日學超過一年. 但係教會而家係要求小朋友自己一個返, 唔比家長陪, 家長一定要返崇拜, 我地個個星期比人趕走. 好無奈 (仲要話由得佢喊, 喊幾次就唔 ...

[ 本帖最後由 gabrielmum 於 09-7-11 08:18 編輯 ]

私人傳訊

gabrielmum

別墅

積分: 623

22^#

發表於 09-7-11 08:32 |只看該作者

1. 教會主張體罰, 有任何不守規矩 (即使細如兩歲未上學的孩子坐不定), 都要打手仔.

有d甘ge教會0羊？

學校都唔比體罰la，我唔同意甘做，有咩事應該教導小朋友，同家長傾傾，一齊幫個小朋友令佢同人相處得好。

2. 教會認為小孩子由頭到尾應該跟大人分開聚會, 一入場便要分開.

要小朋友參加大人聚會真係好悶ga！
要大人參加小朋友聚會，大人會以照顧小朋友為焦點，好難專心敬拜。
只不過如果未入學，初為人父人母ge會有擔心，不妨同一d有較有經驗ge父母傾傾ar，佢地ge分享應該叫你可以放心d。

3. 教會認為小孩子上主日學係要大人般坐定定聽講道 (而唔係聽故事)

我覺得專心聽野係小朋友要學ge，就算返學，佢都唔可以自己周圍走。
問題在於聽ge時間唔可以甘長，講ge時候要生動，要加入唱歌仔或者做手工、茶點等環節。
(唔好意思，我唔係甘分到「講道」同講「故事」係兒童主日學ge分別，因為多數兒童主日學中ge講道，其實就係講聖經故事。)

私人傳訊

cacachow

男爵府

積分: 5762

好媽媽勳章

23^#

發表於 09-7-11 09:33 |只看該作者

多謝大家的回應和分享.

事實上, 我信主和返教會超過十五年, 一直都好穩定返教會. bb幾個月大時已跟我們一起返崇拜, 待他十七個月大左右, 便開始返兒童主日學. 因為他坐得定, 唔嘈, 所以一直無問題, 只是需要父母陪, 而我同老公都會試輪流返崇拜(如個仔肯的話)

由於教會小朋友增長得好快, 2006 & 2007年出生率好高, 人數越來越來, 很多時都會有12-18個小朋友返, 當中有些年紀更細ge. 加上有家長/ 外傭陪同, 令人數更多.

我絶對明白從教會行政角度而言, 秩序的重要性. 問題是, 小朋友已經返了一段長時間, 熟習返主日學, 亦好開心返. 自從我們起初(幾個月前)被勸喻離開時, 我們亦好努力嘗試叫個仔一個人返, 我們完咗崇拜去接佢. 自始之後, 阿仔就個個星期唔肯返教會, 返到教會唔肯入課室, 入到課室話要走, 唔肯坐定, 情況還越來越嚴重. 而我們則每個星期被人趕走(不只是勸喻), 跟事奉人員商量時, 第一句就是"你唔駛理佢感受".... 我己無話可說啦

小朋友真係未ready自己一個時, 我們亦作了選擇
選擇1) 小朋友只有兩歲八個月大, 已個個星期怕返教會, 討厭返教會, 真怕會影響他對神的認知, 信心, 觀念; 覺得返教會就是強行分開父母的地方

選擇2) 找一間合適的, 讓他適應, 待他可以自己一個人上堂時, 才考慮返現在的教會

為人父母, 當然會選2. 我們真怕小朋友討厭信仰, 影響佢對神的信心, 以及不能在教會感受到"愛". 因他已由好鍾意返教會, 變成唔肯返; 待他讀k1後, 可以自己上堂, 再作考慮

我和老公仍然好愛我地間教會, 亦為此祈禱, 求神幫助牧者可以好好去處理.

原帖由 abbymum 於 09-7-11 00:31 發表
CACACHOW:

妳唔駛亦唔應該覺得無奈, 身為媽媽, 妳應該為妳孩子選擇真善美的事物.

教會的做法未必對孩子最好, 在不違反真理的情況下, 妳有責任為孩子作出選擇!

事例:
1. 教會主張體罰, 有任何不守規矩 (即使細如兩 ...

私人傳訊

abbymum

大宅

積分: 1318

24^#

發表於 09-7-12 01:43 |只看該作者

也許有些教會各方面資源 (不一定是物質, 也可以指人的成熟程度和知識方面--例如對兒童成長心理的認識)較充足, 如果返到這樣的教會, 應該感恩.

我所舉的例子都是親身經歷過, 但我說出來不是要指責某些教會, 教會不過是由人組成, 不是完美的, 例如教小朋友, 不同圈子階層的人都會有各自不同的文化傳統.

1. 體罰
是有的. 而且做得很沒技巧.一般人都未必認同.

2. 由頭到尾分開
有些教會唱詩敬拜的環節會讓小孩子一同參加,之後講道時才安排入主日學. 其實分開有分開的好處, 一起也有一起的好處: 孩子可以從模仿中學習.

3. 坐定定聽講道
真的是坐定定, 不可以郁身郁細, 聽三至4個鐘講道(唔係活動教學, 唔係故事形式, 係釋經!)是有的.

其實你講一點好啱: 以幼兒院/幼稚園/學校的尺度去衡量就大概可以.
家長不會亦不應因為孩子哭喊就不讓他返學, 但假如孩子返了那間學校一段時間仍有抗拒, 仍不會因為提起返學便開心興奮, 也不會提升了學習興趣的話, 我想家長也會考慮那學校是否適合孩子, 是否對孩子有幫助.
當然, 帶孩子返教會不是要求教會負上教養孩子的責任(始終屬於父母責任), 但亦要考慮否成為一個阻碍.

我只想說, 愛不愛和是否包容教會, 跟一些實際決定可以無關. 你為自己和家人作合適的選擇 (只要不違返真理大原則, 而你自己也經過祈禱), 也許有人不明白, 覺得你 "背棄" 教會, 但你自己和神知道就得. 要尊重體諒教會有他自己的難處才作出現時的安排 (不要指責, 不要埋怨, 但可以反映); 同時,也要認清和切實照顧自己和家人的需要. 這才是好管家.

再講, 有些事無乜大對大錯, 只係個人選擇. 例如cacachow決定做選擇(2), 但也可能有人覺得應該藉此讓孩子學習接受凡事有限制和紀律而繼續留下 (我也不敢說一定就會因此令孩子覺得怕返教會, 討厭返教會, 影響他對神的認知, 信心, 觀念; 覺得返教會就是強行分開父母的地方...., 因為也要看父母怎樣詮釋和反應). 所以, 我唯一要說的, 就是: 我們是父母, 就要負責做覺得對孩子好的決定, 同時: take action!
旁人呢, 請多多了解父母做決定的原因, 多多尊重支持父母ge管家身份 (如果不是違反真理的話).

[ 本帖最後由 abbymum 於 09-7-12 01:48 編輯 ]

私人傳訊

idont

民房

積分: 57

25^#

發表於 09-7-12 23:18 |只看該作者

原帖由 cacachow 於 09-7-11 09:33 發表
多謝大家的回應和分享.

事實上, 我信主和返教會超過十五年, 一直都好穩定返教會. bb幾個月大時已跟我們一起返崇拜, 待他十七個月大左右, 便開始返兒童主日學. 因為他坐得定, 唔嘈, 所以一直無問題, 只是需要父母陪 ...

小朋友兩歲八個月大, 已經可能要返K1, 仲要家長陪? 你要好好反省你的教育方法, 一點自立自信也沒有, 喊兩喊就話教會唔好, 人家開主日學, 唔係playGroup, 唔係幫你親子, 是帶佢認識神, 明未? 個仔是從主日學認識上帝, 不是跟你玩, 你唔要去崇拜? 你掛住個仔, 唔去崇拜, 請問誰是你的神? 你帶得個仔幾多次? 幼兒院收兩歲讀N1, 要唔要家長陪, 你仲唔反省, 最後得個裙腳仔就一世後悔.

反省下啦! 信主和返教會超過十五年, 咁點呀? 還是以偶像為生命首位, 都仲好意思說出來...

私人傳訊

cacachow

男爵府

積分: 5762

好媽媽勳章

26^#

發表於 09-7-13 01:27 |只看該作者

多謝你"用愛心說誠實話", "隨時說造就人的好話". 每個人均要自己向神交賬, 神賜予每間教會情況不同, 每個家庭情況不同, 每個人性格不同, 每位小朋友也不同. "萬事互相效力, 叫愛神的人得益處"

"教養孩童, 使他走當行的路, 就是到老, 他也不偏離"

"我心內柔和謙卑, 你們當學我的樣式"

原帖由 idont 於 09-7-12 23:18 發表

小朋友兩歲八個月大, 已經可能要返K1, 仲要家長陪? 你要好好反省你的教育方法, 一點自立自信也沒有, 喊兩喊就話教會唔好, 人家開主日學, 唔係playGroup, 唔係幫你親子, 是帶佢認識神, 明未? 個仔是從主日學認識上 ...