心聲留言

收藏本版
回覆 發帖
返回列表
跳至頁

首頁
123

尾頁
   3
愁塵


複式洋房

積分: 491


1#
發表於 23-4-19 11:36 |只看該作者
以下內容都有d長，睇唔睇晒由你地決定

兩老結婚都就快40年，咁多年嘅關係其實都唔好，只係表面好似冇野，其實有問題一直都冇處理

老豆就快退休，以前長駐大陸搵食，最近十幾年因為身體唔好返嚟香港搵食同生活; 工作上佢好盡責，同歷任老細&下屬已經變晒做老朋友
但私底下係個幾悶嘅人，唔煙唔酒唔賭，又冇咩特別嚐好，最多間中同朋友傾下計食餐飯就算
屋企野基於佢長期唔喺屋企，基本上好多事都會俾老母決定，佢負責出錢出力（就算依家俾老母當透明都仲照俾家用老母）
由細到大都好錫我，唔會打我鬧我，依家我大左開始同佢傾多左計，佢都會理性同我分析

老母細老豆幾年，由識老豆開始已經冇返工，到正式嫁人之後更加冇打過工，係全職家庭主婦
性格本身都好火爆，年紀越大就越臭脾氣，我未成年前鬧我唔會有粗口，呢幾年開始鬧我會全程粗口
佢唔會喺老豆面前直接鬧老豆，只會喺我面前狂爆粗數老豆有幾唔好（成日話唔會講老豆壞話離間我地父女感情，但咁嘅行為同幫老豆打毒針有咩分別?）
對住班吃喝玩樂嘅朋友就好nice，好到人地有秘密都同佢講，當正佢係真心朋友; （佢真係0真心朋友，冇返工冇以前由細識嘅朋友/同學之類）

有時返到屋企就會喺我地面前話人地「師奶仔見識少」（其實佢都係師奶嘅1份子?），會有意無意間識少少扮代表，暗踩人地抬高自己，自我感覺良好果種（因為佢呢班朋友有時會問佢野，佢答到人就覺得自己好跟得上時代發展）

而我就係1個3X歲嘅普通上班族

由細到大我有咩唔啱佢就會又打又鬧，雖然唔係日日打，但一打都打得幾甘，有時親戚幫我求情就會刺激到佢打得再甘d，所以多數打我果陣都係得我同佢2個人，咁就點打點鬧都冇人幫我
打到大概14歲左右就唔再郁手打我，但會鬧到我每次都覺得自己好無X用，根本唔配做人，最好快d去死; 上星期先又俾佢鬧鑊甘，然後第n次懷疑人生

鬧嘅內容多數都係（以下係其中一小部分）:
「你咁大個人都冇X用，將來指意你照顧我屎都冇得食啊」
「早知生到你斷手斷腳低能白痴好過啦，仲衰過人地弱智果d人，正垃圾」
「冇我嘅話你點生存到啊？你返工係咪都咁白痴架，咁都仲生存到」。。。

如果你問我做錯咩先會令個老母好似痴X左咁打我鬧我，其實都係1d好普通嘅事
仲細嘅時候，多數係百厭/成績唔好/扭計之類，就會打鬧一齊嚟，打到衣架/晾衫竹都爛左唔少
到依家作為1個成年人，狂俾佢X可以係因為放野嘅位置唔啱佢心意，有親戚嚟嘅時候茶水點心之類補給得唔夠，甚至食完飯玩下電話都可以俾佢X

* 不過都補充返，如果老母唔發脾氣嘅時候，其實都仲算可以正常吹下水，睇落好和諧咁樣

兩老結婚咁多年，真係呢十幾年先叫做係日對夜對咁一齊生活，頭果廿幾年係長期分開住，老豆以前大概每個月都會喺大陸返嚟1-2次，所以絕大部分時間係我跟住老母一齊生活

呢十幾年嚟，佢地已經發生過好多次矛盾，而每次都係:

1。老母發脾氣
2。老豆唔出聲死忍
3。老母當老豆透明（時間可以由幾日至超過1年不等），期間老豆會嘗試氹返佢但多數失敗
4。老母覺得夠皮就會肯主動睬返老豆

跟住到下1次再爆就會再重覆以上步驟，呢十幾年無限loop到我唔想數有幾多次

而每次嘅問題可以係好小事，又或者有d關我事，其中有d印象比較深:

有1次係因為搬屋佢2個嘈過一輪，然後老母就發晒脾氣成日去夜街避開老豆，搞左成個月先叫冇事

有1次係因為老豆嘅朋友想介紹個人俾我識（我見都冇見過，事前亦唔知），老母就發晒脾氣，半年冇睬過我老豆，搞到我老豆好長時間唔敢搵佢朋友; 但據說老豆其實一早同老母講過呢件事，佢冇反對; 到人地真係介紹到人俾我嘅時候，佢就好似事前唔知咁發晒癲勁抗拒

由大概2年前到依家都仲當緊老豆透明，係因為佢當時入醫院（急病入去差d死得，但好彩救得返），因為covid唔俾探病，佢覺得我地掉底佢喺醫院唔理佢，同埋冇盡力盡快接佢出院兼每日去醫院煩d醫生（話煩d醫生已經係好客氣，佢其實係想叫我地凶d醫生，叫人地快d醫好佢同俾佢出院）

佢句金句「條命係我嘅我自己負責，我自己簽字佢點都要俾我走」，果陣聽到我同老豆都好無奈，不過佢又全程冇自簽走人，淨係得個講字

好笑嘅係，佢對住醫生護士勁有禮貌，好似好合作咁，但私下就X到人地地底泥，話人地hea佢唔醫院，自己返屋企睇youtube學保健都得啦，even依家食藥都係唔定時，講多幾句提佢又嫌我煩

對於老豆想離婚，其實我好贊成，因為佢2個根本就好有問題，唔適合一齊，再拖都係睇下邊個死先冇眼睇

不過以我對老豆嘅理解，好可能由想到正式做，隨時到死都未搞掂，要等佢死左留返我1個對住個老母（佢知我到時點都會照顧呢個唯一嘅老母，好放心）

可能佢係1個好員工，好老豆，但真係唔識做人老公，咁多年淨係諗住忍下忍下就一世，結果俾個老婆睇唔起咁多年，搞到自己有抑鬱傾向，排緊隊等見精神科醫生

所以我都打定輸數，佢離唔成婚，到佢死先就由我做醜人，同班親戚解釋點解佢唔想再同老母有任何關係，以及受晒老母d怒火
（老豆已經同我講左他朝佢死先就唔好同老母葬埋1齊，葬禮要當佢單身咁處理）
私人傳訊回覆 引用

Nancy20090615


瑪瑙宮

積分: 127944


2#
發表於 23-4-19 11:58 |只看該作者
本帖最後由 Nancy20090615 於 23-4-19 12:00 編輯

哇, 做你都辛苦.

私人傳訊回覆 引用

愁塵


複式洋房

積分: 491


3#
發表於 23-4-19 12:47 |只看該作者
Nancy20090615 發表於 23-4-19 11:58
哇, 做你都辛苦.

或者啦

我一直都覺得自己唔聰明唔醒目，但我朋友同我講:
你唔係唔醒目，只係你1直都被個老母狂踩，踩到冇晒自信，同埋佢一直困住你喺身邊，你見嘅世界比其他人細，眼界同做野咪比其他人差少少，但其實已經做得好好
私人傳訊回覆 引用

Nancy20090615


瑪瑙宮

積分: 127944


4#
發表於 23-4-19 12:57 |只看該作者
愁塵 發表於 23-4-19 12:47
或者啦

我一直都覺得自己唔聰明唔醒目，但我朋友同我講:


你朋友好好.

唔聰明唔醒目, 睇下同邊個比喇, 一山還有一山高. 可以池中無魚蝦自大.

又可以好似譚耀文咁, 尼輪出番黎唱有人勁讚, 但佢個年代勁人太多, 唔輪到佢發圍.

私人傳訊回覆 引用

愁塵


複式洋房

積分: 491


5#
發表於 23-4-19 12:57 |只看該作者
我老母由細到大都管我管得好嚴

中學要讀女校，補習老師&同學都要全女班
讀書期間拍拖更加係唔俾
到依家咁大個人，佢把口就話「你要拍拖我邊度攔得住你」，到我真係想識人就發晒脾氣唔俾人埋身，我同普通朋友出街/傾電話你都要查人家宅，完全口不對心

佢成日都覺得教細路一味靠打鬧就得，乖就獎勵你，簡單d, 即係「教仔=教狗」，好明顯我就係佢口中嘅狗（佢完全唔覺得有問題先係問題）

如果將佢當初對我嘅行為放喺依家嚟睇，應該俾人拉左n次，坐左n次監
私人傳訊回覆 引用

愁塵


複式洋房

積分: 491


6#
發表於 23-4-19 13:17 |只看該作者
Nancy20090615 發表於 23-4-19 12:57
你朋友好好.

唔聰明唔醒目, 睇下同邊個比喇, 一山還有一山高. 可以池中無魚蝦自大.

所以我朋友都講人應該知足感恩

老母屬於唔太識知足嘅人，覺得所有人都欠左佢，只有佢做嘅野先係正確
頭家係佢嘅，老豆公同細路都係佢嘅，聽話係本份，準時俾家用係應該
（題外話: 我同老豆俾佢嘅嚴格嚟講係佢喺零用錢先啱，畢竟屋租水電，even屋企買包米買條廁紙，好多時都係我同老豆負責，佢心情好就會煮晚飯俾我地，心情唔好或者佢班朋友call佢周圍飲飲食食果陣，我地係要自己負責返餐飯）

本身佢呢次條命保得住，諗住佢會感恩睇得開d，點知佢第一時間係覺得人地唔識醫佢，係靠自己先好得返
我同老豆就係廢柴完全冇X用，仲覺得老豆喺我面前喊只係做戲呃我，根本唔係真心

所以我都開始對佢心淡，原來一有事嘅時候，我喺佢心目中原來真係垃圾到不能再垃圾嘅存在，只係定時俾錢佢嘅工具人
私人傳訊回覆 引用

Chloe199401


男爵府

積分: 7859

牛年勳章


7#
發表於 23-4-19 14:45 |只看該作者
回覆 愁塵 的帖子

我覺得你媽可能都有情緒病。佢怕你拍拖，唔想你拍拖。
係因為佢怕你結左婚會搬走唔理佢。
唔多唔少有咁既心態。
對佢惡佢自己都控制唔到自己。
私人傳訊回覆 引用

愁塵


複式洋房

積分: 491


8#
發表於 23-4-19 15:39 |只看該作者
Chloe199401 發表於 23-4-19 14:45
回覆 愁塵 的帖子

我覺得你媽可能都有情緒病。佢怕你拍拖，唔想你拍拖。

我地都知佢應該係情緒方面有問題，以前唔識就會覺得忍下佢就下佢就會過去，反正佢臭脾氣都唔係第一日; 但依家發現真係唔work

我地有試過同社工傾，社工亦試過埋佢身，但佢自我保護太強，完全唔肯同人講真話，連社工都話搞佢唔掂，最後都無奈放棄

佢住醫院果陣社工都有同佢傾，又係唔肯講真話，唔肯俾人幫，跟住又係對住我狂X個社工，話人地個社工牌都唔知係呃定買返嚟，講野唔啱聽

見醫生果陣又係扮晒乖咁，根本係想幫佢都幫唔到

對於我拍拖佢表面話攔唔住，但又成日話唔一定要拍拖結婚，自己1個都可以過得好好。。。
有時諗返會覺得佢好矛盾
私人傳訊回覆 引用

Chloe199401


男爵府

積分: 7859

牛年勳章


9#
發表於 23-4-19 16:23 |只看該作者
回覆 愁塵 的帖子

所以就話咩1個人都可以生活得好好，就係怕你結左婚會搬走，唔理佢。
又要面丫嘛。
依家你老豆又頂唔順想走，
佢唔改以後真係得番自己一個。
年紀又越來越大。
一生人無番過工又無朋友。
一個人靜靜地都會諗下呢啲問題拉掛。
私人傳訊回覆 引用

愁塵


複式洋房

積分: 491


10#
發表於 23-4-19 16:30 |只看該作者
今次老豆會plan離婚，係佢話覺得依家咁樣好辛苦，同老母喺同一個空間都覺得好惡頂

好耐之前我都有叫佢考慮下離婚或者做婚姻輔導，但講多兩講佢就覺得係我逼佢做衰人，同埋覺得錯嘅唔係佢，點解要自己出聲先

所以佢話plan緊離婚（因為做左2年透明人已經夠皮，咩尊嚴都冇晒），我都係抱住半信半疑嘅心態

畢竟咁耐以嚟，對於老母嘅臭脾氣，佢都好包容，仲會幫佢解釋:
「我好體諒佢點解會咁樣，因為佢細個嘅成長環境唔好，冇人好好教佢先會變成咁」
「佢有病嘛，唔好同病人計較」

得嘅話我恭喜佢脫苦海，過返有尊嚴嘅生活; 唔得嘅雖無奈但唯有接受

我做到嘅最多忍埋呢幾年，然後，到我要搵返自己想過嘅生活（供養兩老我會繼續做，但其他野就唔好再綁住我）
私人傳訊回覆 引用

愁塵


複式洋房

積分: 491


11#
發表於 23-4-19 17:05 |只看該作者
Chloe199401 發表於 23-4-19 16:23
回覆 愁塵 的帖子

所以就話咩1個人都可以生活得好好，就係怕你結左婚會搬走，唔理佢。

老母娘家得返班兄弟（其他親戚就算有都反晒面），阿公阿婆全部都唔喺度
班舅父某程度都係俾面我老豆多，因為咁耐以嚟老豆都幫過佢地唔少，加上老豆擅長同人溝通，咪變左佢地同老豆講野仲易同自己家姐講野

老母可能諗住我唔嫁就肯肯家定會同佢一齊唔搬出去
但衰d講句，如果老豆離婚我會寧願同老豆一齊都唔跟佢，就算佢要爆都係咁話
又或者唔同老豆住，住劏房都好過同佢困獸鬥
我都唔想行到呢步，但邊個搞到依家咁

佢會覺得自己做嘅野係最正確，咩都係為左頭家
我如果喺佢面前發少少脾氣佢都鬧到我9彩，話我俾面色佢睇，但佢自己發晒脾氣整爛屋企野就當冇事要我地清理返

依家兩老關係差到老豆唔敢同老母獨處，變左老豆放假我就要留喺屋企等佢安樂d，已經冇晒自己嘅正常社交

我係1個人，唔係老母show off俾人睇教得我幾乖嘅工具
亦唔係專職做佢2公婆溝通嘅工具

呢單野係咁多年發生嘅事谷埋谷埋到依家先開始爆其實咩都夠啦，放大家1條生路，唔好搞到我地3個至死方休先叫ok得唔得?
私人傳訊回覆 引用

mariefish


翡翠宮

積分: 94360

2024年龍年勳章 2024勳章 2023年兔年勳章 虎到金來勳章 2021可愛聖誕B勳章 牛年勳章 2018復活節勳章 FUN享自然‧郊遊一夏


12#
發表於 23-4-19 20:45 |只看該作者
愁塵 發表於 23-4-19 11:36
以下內容都有d長，睇唔睇晒由你地決定

兩老結婚都就快40年，咁多年嘅關係其實都唔好，只係表面好似冇野， ...

恕我直言，鬧你嘅說話太毒，贊成你呀爸離婚，不過段估你倆個都係會一直忍到最後，唔會反擊…聽/睇你呻下都ok嘅，你同爸爸都係不幸嘅受害者
私人傳訊回覆 引用

愁塵


複式洋房

積分: 491


13#
發表於 23-4-20 08:31 |只看該作者
mariefish 發表於 23-4-19 20:45
恕我直言，鬧你嘅說話太毒，贊成你呀爸離婚，不過段估你倆個都係會一直忍到最後，唔會反擊…聽/睇你呻下都 ...

離婚呢單野我都係覺得50/50，老豆太多野諗，想做好晒準備先出手，務求一擊即中（佢聲稱）

我都同老豆講明，如果一旦開始左就唔好停，唔好因為老母示弱或者發脾氣而彈出又彈入，若然係咁，不如唔好搞，最多我忍呢個老母多幾年，之後就唔忍，就當係佢生我照顧我，我還返晒俾佢
私人傳訊回覆 引用

mariefish


翡翠宮

積分: 94360

2024年龍年勳章 2024勳章 2023年兔年勳章 虎到金來勳章 2021可愛聖誕B勳章 牛年勳章 2018復活節勳章 FUN享自然‧郊遊一夏


14#
發表於 23-4-20 08:59 |只看該作者
愁塵 發表於 23-4-20 08:31
離婚呢單野我都係覺得50/50，老豆太多野諗，想做好晒準備先出手，務求一擊即中（佢聲稱）

我都同老豆講明 ...

佢攪單方面離婚？ 如果係的話會比較耐，去問清楚啲先，千祈唔好打草驚蛇，否則你倆個會好慘，實會每日被瘋狂轟炸…你爸爸真係諗清楚先好，一係搵婚姻輔導，睇吓有冇得救？ 一係就下定決心啦真係，仲有好漫長日子、要開開心心咁過呀
私人傳訊回覆 引用

spikenard


水晶宮

積分: 64262


15#
發表於 23-4-20 11:42 |只看該作者

回覆樓主:

你媽有情緒病，佢唔係思覺失調，所以佢同其它人對答會正常，只係病發時就會控制唔到佢把口。

另外你細個是自動自覺做功課定會發夢的類型？是比較醒目定教足半年都唔入腦嗰類（我女係後者 ）後者會令人失控，痴線的。

佢打你係唔啱，冇耐性。唔駛離婚，搬開住就得，等女方出聲，佢唔提出就由著這樣過人世。

同你老豆搬走，我家前面的老人都係咁，角色反轉，仔同媽搬開。得閒就回來睇佢。

你大左有反抗能力，你媽的不幸童年，你要砍斷，不要傳承下去，有手有腳，有錢就有地方搬，為你爸，讓他過1個幸福清靜的晚年。
私人傳訊回覆 引用

alicewong18


子爵府

積分: 14226


16#
發表於 23-4-20 19:24 |只看該作者
聽你咁講你媽都幾恐怖喎，好自私，咁多年嚟對你老豆冷暴力，有人介紹你識都唔比，佢根本想你嫁唔出陪佢終老！
私人傳訊回覆 引用

愁塵


複式洋房

積分: 491


17#
發表於 23-4-21 08:28 |只看該作者
mariefish 發表於 23-4-20 08:59
佢攪單方面離婚？ 如果係的話會比較耐，去問清楚啲先，千祈唔好打草驚蛇，否則你倆個會好慘，實會每日被瘋 ...

老豆嘅意思係一旦講出「離婚」就冇得返轉頭，無論老母示弱定係發癲都要照去馬
到時我地2父女直接搬出去，直到法庭批為止

我地住公屋，老豆係戶主，唔知可唔可以到時我地2父女一齊住，老母搬出去? 又或者我同老豆申請調區之類?
（呢樣亦係佢之前一直15/16嘅原因，驚分戶會好麻煩又或者分到一鑊粥咁）

婚姻輔導已經唔會考慮，因為老母已經hurt老豆太多次，冇得救，同埋以老母嘅性格，去到都係話冇事冇問題，唔肯講真話，咁去10次100次都冇用


所以最後真係成事，都係想老豆開開心心過之後嘅日子
至少俾返d尊嚴自己，唔使再睇老婆面色，擔驚受怕過日子，身體都會好返d啦
私人傳訊回覆 引用

愁塵


複式洋房

積分: 491


18#
發表於 23-4-21 08:58 |只看該作者
spikenard 發表於 23-4-20 11:42
你媽有情緒病，佢唔係思覺失調，所以佢同其它人對答會正常，只係病發時就會控制唔到佢把口。

另外你細個是 ...

我由細到大都係慢活嘅類型，好多時都係慢慢嚟，你急我唔急果種（可能係咁令老母好火滾掛?）

佢有情緒病我地都知，只係佢唔肯合作睇醫生先唔知確實係點，但有社工提過佢有可能係被逼害妄想果種?

老豆想同佢徹底斷絕關係先諗離婚，之前佢係抱「反正都忍左大半世，唔差在忍埋最後呢幾年啦」嘅心態，只係老母呢鋪已經擺明呢世都唔會原諒老豆咁款，又喺老豆班親人面前唔俾面佢，先真係令老豆覺得同老母緣盡，肯諗離婚呢個議題
私人傳訊回覆 引用

愁塵


複式洋房

積分: 491


19#
發表於 23-4-21 09:13 |只看該作者
alicewong18 發表於 23-4-20 19:24
聽你咁講你媽都幾恐怖喎，好自私，咁多年嚟對你老豆冷暴力，有人介紹你識都唔比，佢根本想你嫁唔出陪佢終老 ...

兩老其實咁多年都冇郁手打過，只係每次老母都唔出聲，喺屋企粗手粗腳咁整呢樣整果樣，嚇到你成個人都心驚膽跳，唔知幾時會中地雷俾佢爆一鑊

老豆係本着唔想嘈同覺得咁多年好少喺佢身邊，當係一種補償心態，唔會駁佢亦都唔同佢鬧交，結果都導致好多問題積埋積埋，到依家就嚟忍唔住要爆

老母班朋友都有試過想介紹人俾我，都係俾老母推左，之後老母仲會好開心咁同我講佢幫我推左邊個邊個介紹嘅人，好似求表揚咁款

所以依家對拍拖搵另一半我都唔係咁上心，有少少俾兩老嘅情況嚇到，一個人生活唔一定唔好，但我心目中嘅「一個人生活」，肯定係要同老母保持一段距離先得
私人傳訊回覆 引用

spikenard


水晶宮

積分: 64262


20#
發表於 23-4-21 09:28 |只看該作者
愁塵 發表於 23-4-21 08:58
我由細到大都係慢活嘅類型，好多時都係慢慢嚟，你急我唔急果種（可能係咁令老母好火滾掛?）

佢有情緒病我 ...

咁就行動吧，佢咁愛公主病，放生王子和她的小孩。去攞表格填，搵屋帶佢走，經濟還可以嗎？

冷戰，成日發脾氣同虐待無別。
私人傳訊回覆 引用


首頁
123

尾頁

跳至頁
返回列表
回覆
發帖
高級模式 | 發表帖子
B Color Image Link Quote Code Smilies
你需要登錄後才可以回帖 登入 | 註冊

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見