吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 小六「隨機編號」

少年成長今日: 0|主題: 15845

收藏本版

回覆發帖

返回列表

跳至頁

查看: 44359 | 回覆: 10

小六「隨機編號」

csir3290

子爵府

積分: 10910

發表於 23-4-30 11:12 |顯示全部帖子

呢輪由於阿仔喺自行分配學位中未獲派位，所以都係忙住幫佢填表預備參與大抽獎。來來回回已經填咗兩三次，因為又要畀佢班主任檢查，又要畀學校睇過合唔合適然之後先至落實。早兩日家長日阿仔派成績表，咁當然亦都藉住呢個機會班主任都會同我哋再傾阿仔選校嘅情況。班主任以為我哋好有經驗，因為家姐都已經經歷過而且又係同埋一間小學，而且家姐亦都派得唔錯添。但係其實因為家姐當年喺自行派位階段已經搞掂咗，所以我哋根本就冇填過呢張派位表，所以一啲經驗都冇。

其實呢輪先至叫做真正了解多咗整個派位制度，好多時老婆都同我傾究竟點樣幫阿仔擺位，但係而家我先至真正了解原來表面上好似好公道嘅派位制度，實際上其實又有好多唔公道嘅地方。我覺得最唔公道嘅地方就係嗰個派位嘅「隨機編號」。我而家先知原來只要係同一個banding嘅學生，其實佢嘅派位先後次序已經唔再跟成績，其實係根據呢一個「隨機編號」嘅先後次序去派位。即係話進入大抽獎階段，當你交咗表之後，每個學生都會有一個「隨機編號」由教育局嘅電腦派畀你，而呢個編號就已經決定咗你嘅派位先後次序。即係話去到呢個階段，同一個banding嘅學生成績已經唔重要，重要嘅係睇你嘅彩數。因為只要隨機編號排得先你就會派位先。我琴日先至同老婆講其實都好唔公道，如果喺band1入面成績最好嗰個學生，如果佢嘅隨機編號係嗰個banding入面比較後嘅話，咁佢嘅派位次序就會比其他學生後，即係話就算同一間學校成績最好嘅學生，佢嘅派位結果會可能差過同一個banding考得後過佢嘅學生。

我即刻去問一問我啲教書嘅同學，但我啲同學多數都係教中學，佢哋話如果佢哋唔係負責收生嘅，其實佢都唔係太了解呢一個過程係點做。大約都係知道係隨機號碼先就派先，所以去到大抽獎階段成績已經唔係最重要，最重要嘅係你個編號。佢哋話成個制度當年就係話希望啲家長唔好谷啲學生，所以只要同一個banding，考先考後都唔重要，希望咁樣可以減少學校同埋家長催谷學生。我明白亦都理解減少催谷學生係重要，但係咁樣嘅制度係咪又真係公平呢？更加重要你成日話唔好催谷學生，但係個個家長都知道band one嘅學生係派位先，咁點樣先至可以去到band one呢？咪又係要催谷學生囉！

教育局仲諗到個方法以為今屆嘅學生佢嘅考試成績只係影響佢下一屆啲師弟師妹各個banding嘅人數，即係話今年到啲學生嘅成績好啲，就只會令到出年佢啲師弟師妹band one嘅人數可以多啲，即係話好似我個仔間小學咁，今年有幾多band one嘅名額係嚟知佢上年啲師兄師姐考試嘅成績造成。以為咁就可以減少家長同學校去催谷啲學生，但係你個制度又話band one嘅學生派先，咁其實個個家長到最後咪又係希望令到自己啲學生可以入到band one，點樣可以入到band one，咪又係靠谷。另一方面學校為咗令到自己學校嘅學生band one嘅名額多啲，到頭來咪又係要催谷啲學生！好喇終於都係要催谷，但係個問題係原來到最後大抽獎嘅時候，派位嘅先後次序又唔係嚟自學生自己本身嘅成績，即係好似我頭先咁講，成績好嘅學生未必會係保證獲得派位先啲嘅機會，因為只要佢「隨機編號」編得後，就算佢成績好佢都唔係派位先嗰個。正如早兩日，班主任老師同我哋講，就算你個仔係band one，就算佢係全校考第一但係因為「隨機編號」呢個制度嘅影響，佢亦都未必會係派位最先嗰個，班主任講去到呢個階段，其實真係講彩數同埋你選校嘅策略，咁係人都知越穩陣就越好啦，因為只係講彩數同埋講「隨機號碼」，咁所以你搵啲冇咁多人揀嘅學校自自然然機會就會高啲。但係我唔明白其實啲細路仔如果咁辛苦讀書都係希望想入一間自己想入嘅學校，正如我個仔其實佢嘅要求唔係好高，其實佢只不過係想入返去家姐同一間學校，而且家姐間中學已經唔係阿仔間小學啲學生最熱門嘅選擇，但係入唔入到去去，到呢個階段都唔再係因為佢嘅成績，已係講彩數。我唔明白一個咁重要嘅決定，原來係交畀電腦嘅一個隨機編號決定。

我明白亦都理解政府可能覺得咁樣嘅計劃會令到學校同家長唔好盲目嘅催谷學生，可能政策嘅原意係好，但係實行起上嚟就好有問題，你想唔催谷，但係你又分banding ，banding高嘅又派位先，咁其實到頭來咪又係要催谷，因為band one派位先，咁個個家長同學校都希望自己嘅仔女同學生係喺band1度啦！咁band1係點呢呢咪又係根據成績嚟判別佢係乜嘢banding。如果你要唔催谷一係就好似外國咁，做到全部都係居住區域附近就學。好似我細佬對仔女剛剛移民咗去英國，去到根本就唔使特別搵學校，因為全部都係就近入學。

所以去到呢個階段，班主任同我哋都同樣覺得其實係有啲無奈，只能夠睇彩數。希望個「隨機編號」前啲，而班主任嘅建議都係選校嘅時候要保險啲穩陣啲，唔好咁進取。估唔到唔係一試定生死而家係一個號碼定生死，喺香港讀書有陣時就係咁無奈！

私人傳訊回覆引用

Poyau

寶石宮

積分: 291022

2023年兔年勳章

發表於 23-5-1 01:14 |顯示全部帖子

csir3290 發表於 23-4-30 11:12
呢輪由於阿仔喺自行分配學位中未獲派位，所以都係忙住幫佢填表預備參與大抽獎。來來回回已經填咗兩三次，因 ...

元朗區2023年統乙屯門借位大幅減少
B1/英中位比例上升但仍低於兩/三成
本區B1生有可能下移派B2英文班中中

公海位
----------
B1 369 (鄉61 崇57 信94 趙63 商94)
其他 304 (白盧基元羅各76)
--------------
本區 673
他區 4 (南屯官2 屯官2)
--------------
英中 677

考生 | 33222 | 22222
白約翰 [110] | [^] | 97.3%[107]
盧幹庭 103 | 61.2%(63) | [·]
基元 116 | 59.5%(69) | 91.4%(106)
羅桂祥 113 | 52.2%(59) | 88.5%(100)

^ 升讀學位 46.8%[51/109]

整體 | 主科 | CEM2+
白約翰 97.6% | ~99.25% | ~99%
基元 95.3% | 96.1% | 95.7%
羅桂祥 94 5% | 94.5% | 94.4%

中文/英文/數學/通識2+
白約翰 ~99% ~99% ~99% 100%
基元 97.4% 100% 89.7% 97.4%
羅桂祥 98.2% 95.6% 89.4% 94.7%

~ 棒形圖數字

私人傳訊回覆引用

Poyau

寶石宮

積分: 291022

2023年兔年勳章

發表於 23-5-1 01:14 |顯示全部帖子

回覆樓主:

元朗區2023年統乙學額 #9
https://www.edu-kingdom.com/forum.php?mod=redirect&goto=findpost&ptid=3875292&pid=49228681

私人傳訊回覆引用

Poyau

寶石宮

積分: 291022

2023年兔年勳章

發表於 23-5-1 01:48 |顯示全部帖子

csir3290 發表於 23-4-30 11:12
呢輪由於阿仔喺自行分配學位中未獲派位，所以都係忙住幫佢填表預備參與大抽獎。來來回回已經填咗兩三次，因 ...

大抽獎派位結果受多方面影響例如
B1/英中位(本區+借位)佔學額比例
小學B1率(據前兩屆雙數年畢業生PS1^)
學生組別(據三次呈分)及隨機編號
選校策略(自身及其他學生)

^ 因應疫情今年仍據2016及18年成績

私人傳訊回覆引用

V_VPONG

子爵府

積分: 14376

發表於 23-5-17 04:18 |顯示全部帖子

回覆樓主:

我又覺得這樣派方式幾好，因有自行收生，好成續和差成績可自由配對，余下跟banding抽獎入適合中學

私人傳訊回覆引用

sukilan

別墅

積分: 644

發表於 23-5-28 13:35 |顯示全部帖子

我仔學校建議進取啲，最後大部份學生都派到心儀嘅中學

私人傳訊回覆引用

Gud567567

大宅

積分: 3094

發表於 23-6-28 17:27 |顯示全部帖子

當然唔公平, 只不知是政府高官懶或無能, 多年都沒改善這不公及壓力問題.
當年話取消升中一試定生死, 減少壓力喎. 換來三個升中試, 個個都咁重要.
以前11歲先考升中, 而家, 未夠10歲就要考呈分, 最慘好多學校成績計埋平時測考默書, 4年級開始冇得玩?
仲有以前升中考中英數, 而家考埋視藝,音樂. 畫畫, 玩樂器唔好? 呈分的係要讀同操, 唔係玩, 玩攞唔到分囉! 死未?
都唔講有幾努力都受制師兄姊成績, 有幾唔公平. 家長唯有死谷上前列求入band 1. 壓力比一次升中試小咩?
最後咁辛苦考完, 原來都未必肯定自己是BAND幾? 教育處有排位, 但唔比你知, 要你盲模模去填, 去靠運抽獎, 算唔算係壓力?
如果是自己能力問題, 甘心! 最慘而家是不明不白.

私人傳訊回覆引用

csir3290

子爵府

積分: 10910

發表於 23-6-28 21:18 |顯示全部帖子

回覆 Gud567567 的帖子

講得好，完全同意!

私人傳訊回覆引用

lojo11

翡翠宮

積分: 89903

2024年龍年勳章牛年勳章

發表於 23-7-2 09:20 |顯示全部帖子

呢個遊戲規則已經定左好耐, 你女可能成績比較好, 自行有著落... 所以當個學生成績好好, 係自行都會有學校收... 機會就比左你, 自行唔得就淨大抽獎, 都算合理... 只要你係band 1成績, 正常都會派到band 1中學... 咁係咪個個如願入某band 1A中學? 當然唔會啦... 如果唔用大抽獎, 咁你覺得可以點呢?

私人傳訊回覆引用

csir3290

子爵府

積分: 10910

發表於 23-7-2 12:34 |顯示全部帖子

回覆 lojo11 的帖子

我明白遊戲規則已經好耐，但係唔殺到埋身就唔會體驗到佢嘅唔公道！隨機number就係大家都係band1之後，唔理你乜嘢成績，就只係根據一個電腦隨機number嚟派位，唔公道嘅地方就係band 1a嘅未必係派位先，有機會因為隨機number後過band 1c嘅同學，所以派出嚟嘅結果就未必理想。總之我覺得如果個制度都係要按成績band one派先之後到band2同band3，咁即係都係要啲家長谷啲學生成績啦！咁最公平同最徹底嘅做法就應該係全部按成績排先後次序，即係同一個banding入面全部按成績排列而唔係按隨機number排列派位嘅先後次序。

私人傳訊回覆引用

lojo11