李婉華、林子博, 佢哋都睇TBB?
https://skypost.ulifestyle.com.hk/article/3537115/%E4%B8%80%E8%88%9E%E5%82%BE%E5%9F%8E%EF%BD%9C%E6%9D%8E%E5%A9%89%E8%8F%AF%E9%AC%A7%E5%8A%87%E6%83%85%E5%BC%B7%E8%AA%BF%E3%80%8C%E8%B3%A3%E8%99%95%E3%80%8D%E5%94%94%E5%90%88%E7%90%86%20%E9%9B%A3%E7%82%BA%E3%80%8C%E5%AA%BD%E5%AA%BD%E3%80%8D%E8%A2%81%E6%BD%94%E5%84%80%EF%BC%9A%E7%84%A1%E5%8F%AF%E8%83%BD%E5%96%8A%E5%BE%97%E5%87%BA
TVB劇《一舞傾城》自開播以來引起不絕討論，當中情節惹起非議。由李婉華、杜挺豪與林子博主持的網台節目《豪華博客》，早前一集提到《一舞傾城》中袁潔儀強迫個女「下海」賣初夜一幕。李婉華直斥劇情不合理，更指難為了袁潔儀，要為這劇本喊得聲淚俱下！
李婉華說，劇集一幕令她驚訝，「我睇咗少少，唔係睇晒……內容好誇張，個阿媽強迫自己個女下海……」她一邊鬧劇情不合邏輯，一邊七情上面地扮袁潔儀的角色（KK媽），說︰「以前呢個年代唔係咁……一個又唔係跛嘅阿媽，係咁叫個女︰『阿女，你試一次啦！你咪當自己唔係處女囉，你為咗阿媽，800萬呀！跟佢我哋咪脫貧囉，我真係唔想咁窮呀！』但佢唔係窮㗎喎！」
李婉華鬧《一舞傾城》劇情唔合理。
她憤怒的是劇中不斷強調「賣處」，「講真我哋拍咗幾廿年戲，呢啲劇本冇可能未見過。但呢套劇講嚟講去都係媽媽生點樣𠱁個客，要呢個女仔嘅處女……一日到黑都係講處女，要畀好多錢，因為佢係處女。喂大佬！佢擺喺咩時間播呀？喺9點半時段，重複又重複講呢個女仔係處女。套劇佢用嚟撼ViuTV《全民造星V》94位小鮮肉。」
《一舞傾城》與台劇《華燈初上》都是用夜總會做背景，李婉華睇落發現對白好有問題。「起初以為係咪好似《華燈初上》咁？點知佢日日對白都係處女……救命！我覺得寫呢類題材劇本冇問題，你拍古裝，或者好似《胭脂扣》都係講青樓，但你唔係將處女二字重複又重複，媽媽生講完，同個阿伯強調佢係處女，跟住返屋企佢阿媽又講，『你係處女好珍貴』，值800萬……」
李婉華、林子博都覺得難為了飾演強迫女兒下海的「媽媽」袁潔儀，林子博又「讚」陳星妤及袁潔儀喊得出，「我想講嗰啲演員做得好好！喊得出有眼淚，仲要扮阿媽嗰個叫袁潔儀。就咁睇劇本，真係……點喊呀？但兩母女都喊得出，呢個勁！」李婉華：「根本冇可能喊得出。成套劇根本唔make sense啦！」
發表於 
賣女落海以前都聽唔少啦！以前蔡少芬個阿媽咪一樣賣女比人包！
咁關心香港電視節目 
返回列表
