輝哥今早接受多間傳媒訪問,講述昨日救人的經過,他指昨午5時食飯,至5時15分,先聽到小孩尖叫聲,再聽到有人大叫「斬人」,於是他跑出酒樓了解情況,豈料整條走廊「人影都無隻」,輝哥當時目睹右前方有人手持一把刀正在施襲,直言:「第一個想法,我都有少少驚㗎。」
但輝哥隨即萌生救人念頭,「想阻止佢唔好再傷害人」,於是擸起酒樓門口兩張圓凳奔向光頭漢,惟對方即時起身,並持刀相向,「我感覺佢有機會襲擊我」,輝哥隨即用凳向對方額頭「鋤咗一下」,他形容光頭漢一臉愕然,竟再行前一步,輝哥於是再打多一下,然而光頭漢卻沒有還擊,輝哥坦言:「我都嚇咗一跳。」
其後光頭漢慢慢走到指示牌旁站立,輝哥指:「揸住刀企咗一陣間,佢就喊得好淒涼,我理解佢嗰刻醒咗,或者係知自己做錯咗咩事。」輝哥見對方原地站立,自己亦手挽兩凳戒備,以防對方再施襲。當時商場職員協助疏散,另有一男一女幫手為傷者急救,直到警察到場,輝哥才離開現場。
輝哥擸凳救人的行為被不少網民稱讚,但亦有人指他不理智,輝哥說:「我絕對承認(不理智)。」但他指,人要有一股傻勁,才能夠做到這種事,「大佬,嗰把嘢成12吋長,係好恐怖」。他回家後更被細妹「鬧到趴喺到」,「(細妹)話你都要顧吓我啊」,輝哥不願透露全名,又指沒什麼值得採訪