自由講場 今日: 1045 | 主題: 1284229

積分: 195

發表於 23-9-22 12:10 |顯示全部帖子

[size=18.6667px]近日發生了一事，女兒喺學校受到少少學校嘅欺凌，前2日投訴到校長，其實校長都表現得為此事生氣和心痛。但係呢兩日校長冇去立即處理，所以太太就非常生氣。令到件事情變了質...[size=18.6667px]
其實整件事圍繞住一個小朋友跟女兒有點過節，一開頭這個小朋友經常恥笑女兒肥胖，試過有一次從女兒手上搶走間尺然之後扭斷，最後演變到聯合一大班小朋友取笑佢，仲用Peppa Pig首歌去笑佢係豬。

第二天星期三我就同太太去投訴給校長知道，校長的態度其實非常之好，表現得非常心痛而且氣憤，最後答應了我們立即去處理這件事而且要小朋友跟女兒道歉，當天放工回家就問女兒有沒有處理好這件事。女兒說還沒有，而且那個同學還一直說她是豬。

星期四我送返學見到校長就跟她說昨天還有同學笑女兒，校長首先道歉，然後同我表示因佢係第一年來當校長，所以有好多會議，未能立即就處理好，再次答應會用最快速度去處理的。

當晚收工回到家就立即問女兒有冇老師去幫她處理這事，她還是表示沒有，而且這天有2個小朋友笑他。媽媽跟我知道後都一樣是生氣的，但是我跟媽媽的處理方法完全不一樣，媽媽就覺得學校的處理方法她不接受，要選擇退學。而我，立即問清楚女兒喜歡不喜歡這一所學校和同學，老師。女兒喊到死去活來同我講很喜歡學校老師跟一些朋友，不想換學校。而且其實我都覺得整件事女兒沒有什麼錯，為什麼要女兒退學。最重要我不想女兒面對困難就以逃避的方法去處理，我希望給他知道被人欺負爸爸媽媽會站出來幫她處理支持她，老師校長都會幫他，而她的同學做這些事情是不對的。這是一個好難得的學習做人的機會。

當然校長的處理速度不太認可，所以星期五我跟太太再次同校長見面，而校長表示了因為始終佢都係一個新校長，所以佢不能夠把事情做得太過馬虎。每一件事情他都要好好考慮後果再去處理，所以希望畀多少少時間她，同我哋講其實星期三當日佢發咗一個電郵給副校長，副校長覺得他的電郵太過偏激，所以佢再重新編輯個電郵準備發去給家長及所有老師解釋咗這件事的嚴重性。但是我跟太太就覺得應該先把小孩子之間互相傷害的問題處理咗先。校長表示明白，答應會今天先處理那些傷害女兒的小朋友，然後她問我們知不知道除了那個比較惡劣的小朋友，還有沒有其他小朋友在這其中。太太立即非常激動的問點解唔直接問我們女兒，有哪些人傷害了她。校長表示因為女兒受了傷害所以他不想增加她的傷害，而希望由家長及老師口中得到一個名單。太太表示要今天就見到那些小朋友跟女兒道歉，而且要睇住校長處理，否則佢會報警。校長立即表現得非常唔開心，我見到校長的面就知道成件事情會變曬質。我知道校長個心態會由原本心甘情願幫我哋去處理件事變成為我太太威迫她處理，所以我就立即同校長表示理解校長始終都係一個新校長，需要面對嘅困難比一般校長多，但係我哋作為爸爸媽媽我哋希望先將小朋友互相傷害嘅情況減低唔好再發生，我講了一句我好明白呢件事情不斷重複發生停唔到，一定兩方面都會有一啲口舌之爭。但係我哋而家最需要立即處理嘅就係停止呢一件事。所以我哋好希望今日就立即將佢處理好。希望你們明白。最後我見住校長去到哪個班房立即處理。

太太因為我最後說的一句說話。對我大發脾氣。我想知道其實我係咪真係太太講咁唔支持佢唔撐佢？

私人傳訊回覆引用

加菲貓3

侯爵府

積分: 23002

發表於 23-9-22 12:18 |顯示全部帖子

可能我性格比較平和，哩類事，校長或家長，最好同當事小朋友，好聲好氣講幾句，唔使下下升曬級咁。。除非真係想轉校。如果唔係，好多小朋友或對方家長唔怕你，之后一樣單單打打，咁點？唔通要坐監？到頭受害既都係你個小朋友。。。我一向都覺得，好多結，好聲好氣講解下，係會解到既

私人傳訊回覆引用

yoyo-818

積分: 8217

虎到金來勳章 2021可愛聖誕B勳章牛年勳章 2018復活節勳章

發表於 23-9-22 12:22 |顯示全部帖子

唔明點解唔搵班主任先？

私人傳訊回覆引用

積分: 195

發表於 23-9-22 12:26 |顯示全部帖子

回覆加菲貓3 的帖子

其實我都跟你一樣，處理呢啲事都係盡量小事化無希望小朋友同小朋友之間能夠和平共處。但係因為小朋友發生這件事就跟老師投訴，老師沒有幫他處理。引致太太有這麼激烈的處理方法。

私人傳訊回覆引用

貓咪達人

公爵府

積分: 25433

發表於 23-9-22 12:26 |顯示全部帖子

如果有家長谷的話，不妨試下私下搵家長傾，搵主要帶頭攪事個位同學家長，切忌用投訴責怪口問，要令對方家長自覺唔好意思，咁樣總好過一開始搵校長，因為對方家長未必受依套，分分鐘同其他家長私底下講事非tim

私人傳訊回覆引用

積分: 195

發表於 23-9-22 12:27 |顯示全部帖子

回覆 yoyo-818 的帖子

其實由一年班開始到三年班都經常發生已經投訴了很多次

私人傳訊回覆引用

積分: 195

發表於 23-9-22 12:31 |顯示全部帖子

回覆貓咪達人的帖子

有的，2年班就用這方法處理了，今年是另一個男同學。唔識得控制自己

私人傳訊回覆引用

維仔媽媽

珍珠宮

積分: 36618

畀面勳章

發表於 23-9-22 12:33 |顯示全部帖子

同班主任講會唔會快脆啲解決呢
始終系班主任每日接觸班小朋友
校長呢個層次會令問題變得複雜

私人傳訊回覆引用

積分: 195

發表於 23-9-22 12:35 |顯示全部帖子

回覆維仔媽媽的帖子

女兒自己直接同班主任投訢了好多次。沒有好好處理引致全班一起笑佢。先搵校長

私人傳訊回覆引用

carolwongmama

積分: 5799

2023年兔年勳章

發表於 23-9-22 12:37 |顯示全部帖子

欺凌事件要盡快處理，否則事件會變質及令女兒難受，我覺得校方處事太慢，一些紀律嚴的學校會即罰攪事學生及通知家長，有些會轉介校內社工跟進，務求令受欺凌學生盡快投入番校園學習及警惕其他同學，如果事件再惡化，可考慮轉校

私人傳訊回覆引用

積分: 195

發表於 23-9-22 12:40 |顯示全部帖子

回覆 carolwongmama 的帖子

其實我覺得去到任何地方任何學校都會有呢啲事情發生，我覺得呢件事可以處理得好的話，就教育好小朋友什麼應該做什麼不應該做，對我女兒跟其他小朋友都絕對是一個好的教育機會

私人傳訊回覆引用

Vengerov

子爵府

積分: 12098

發表於 23-9-22 12:40 |顯示全部帖子

narutokei 發表於 23-9-22 12:35
回覆維仔媽媽的帖子

女兒自己直接同班主任投訢了好多次。沒有好好處理引致全班一起笑佢。先搵校長 ...

感覺校長也無心處理，拖字訣

私人傳訊回覆引用

積分: 195

發表於 23-9-22 12:41 |顯示全部帖子

回覆 Vengerov 的帖子

其實我覺得他是有心處理的，只是處理的次序有點不認同

私人傳訊回覆引用

豬師奶8

積分: 9009

發表於 23-9-22 12:41 |顯示全部帖子

narutokei 發表於 23-9-22 12:10
近日發生了一事，女兒喺學校受到少少學校嘅欺凌，前2日投訴到校長，其實校長都表現得為此事生氣和心痛。但 ...

校方確實係處理得唔好，應該要即時搵出嗰位同學停止欺淩行為先，被欺淩嗰位其實係好無辜！針唔吉到肉唔知痛，作為被欺淩嘅嗰位家長一定好心痛

私人傳訊回覆引用

維仔媽媽

珍珠宮

積分: 36618

畀面勳章

發表於 23-9-22 12:43 |顯示全部帖子

narutokei 發表於 23-9-22 12:35
回覆維仔媽媽的帖子

女兒自己直接同班主任投訢了好多次。沒有好好處理引致全班一起笑佢。先搵校長 ...

家長直接去學校搵班主任傾
小朋友可以耍走
但大人
佢就要重視

私人傳訊回覆引用

積分: 195

發表於 23-9-22 12:44 |顯示全部帖子

回覆豬師奶8 的帖子

絕對正確，我就係希望校方先處理咗同學跟同學之間嘅問題，因為根本不是一個半個學生的問題而是大半班同學，所以只好要求校長介入處理

私人傳訊回覆引用

carolwongmama

積分: 5799

2023年兔年勳章

發表於 23-9-22 12:51 |顯示全部帖子

narutokei 發表於 23-9-22 12:40
回覆 carolwongmama 的帖子

其實我覺得去到任何地方任何學校都會有呢啲事情發生，我覺得呢件事可以處理得 ...

問題係老師同校長處理得唔好嘛，佢地成日想息事寧人但就助長左欺凌者及令此風氣延續落去

私人傳訊回覆引用