zitamamama 發表於 25-1-19 19:55 
本身係因為要去食飯（佢要求的），所以一早話完成之後出發（已book好位）。
結果佢做唔完當然比我鬧，佢就 ...
明顯地係因為俾你話佢而埳入自我懷疑中，小五男仔心散都好正常，我個仔已經大一都有唔專心嘅時候，咁多tasks，你係計好時間俾個仔，但佢未識又未有足夠自控能力、分析能力去安排時間完成，又甚至見到有咁多個tasks已經驚咗，早就放棄其中部份唔做（或者去到最後唔夠時間做），既然你會monitor佢，不如拆細每個項目，續個task幫佢計住時間，完全一個後俾D休息時間，之後再進行第二個task，如此類推。
的確小朋友係自律能力未足夠，要有大motivation先會上心，我試個有次屋企開party，朋友打電話俾個仔問佢做晒功課未？夜晚要去我屋企開party，朋友個仔果陣小三，功課其實唔係太多，佢嫲嫲話個孫一邊睇電視一邊做，當然做唔完。朋友俾我同佢仔講，我話做唔完就冇得過嚟開party，佢仔即刻唔夠半個鐘就做完，之前hea咗成三個鐘，所以話，只要個吸引力夠大，小朋友係有能力完成合理嘅功課量。
我對仔女從細就對功課有強烈嘅責任感同使命感，我真係試過由得佢地冇功課交，反而佢地自己好驚，覺得唔可以唔交功課。新冠期間上網課，好多學生都偷懶，反而佢地努力學習，佢地話反正都唔出得街冇得返學，如果唔努力學，等同浪費咗自己時間，亦浪費老師提供嘅資源。佢地唔係成績頂級嘅學生，但都屬於好果批，最欣慰係培養到佢地鍾意學習嘅態度，呢樣佢地將一生有用。
千萬唔好令到學習成為一種壓力，要試圖令仔女鍾意學習，享受學習，睇下有咩係可以激發到佢對學習產生興趣同責任感。
花旗太太生活在花旗國，留意時差，你問我未必即時答到。
發表於 
返回列表
