potato38 發表於 25-4-18 00:32
本帖最後由 potato38 於 25-4-18 00:37 編輯
主要就係生了小朋友幾年後，大家方向步伐都完全不一致，三觀不合，我已憎佢憎到成日都想佢死。我覺得佢死了，我生活比離婚更好。離婚佢會分我一半錢走，佢絕對唔會淨身出戶，樓要賣完除二，saving 只得我有，佢一定會搶一半走，而小朋友係會跟我，但俾俾吓贍養費佢唔俾，我亦吹唔脹，搵律師追亦係我自己使錢，就算追完比比吓又唔俾，不停重複咁又點。仲要係小朋友眼中，爸爸同媽媽離婚，仲要星期日俾探望權。但係如果佢死咗，咁就唔同啦，世界冇呢個人存在，星期日都唔使比探望權佢。我拎正牌出去搵男人，我係喪偶，而唔係失婚。喪偶，身邊嘅人只會可憐我，而唔會覺得你婚姻失敗。錢唔使分一半俾佢，更加收一大筆保險金，小朋友生活唔使再擔心，層樓唔使分一半，又唔使買樓，小朋友居住環境唔使改變，生活水平亦都唔會下降。更加唔使同小朋友交代，點解要同爸爸離婚，令到佢哋冇完整嘅家庭。但係，佢而家就係點都唔會死，而我又為了錢，點都唔會離婚，因為一離婚，我分一半錢出去，我根本冇辦法維持小朋友現有生活質素。我連續同屋主，我都覺得係篤眼篤鼻，覺得佢阻住地球轉，希望佢唔好存在係呢個世界上，我連當佢透明，我都覺得黑我憎。我喺客廳教緊小朋友，佢就喺客廳度開電視仲要開埋聲。佢真係可唔可以唔好再存在呢個世界上，我連續同屋主，我都頂佢唔順。繼續一直做同屋主，就係為咗維持生活質素不變，為了唔好分錢出去。如果我唔使分錢出去，現有嘅積蓄，再加埋我嘅收入，其實都係唔夠家庭開支，因為小朋友學費好貴，同埋想將來出國讀書，所以如果離婚，都真係仲要靠佢俾錢。咁問題來了，佢俾俾吓唔俾呢？咁我拖住小朋友，點樣過日子？即轉番政府校唔洗錢，跟住唔好諗出國喇，咁我接受唔到。如果冇愛情，亦都冇感情，亦都冇任何情，咁就只係淨係講錢。唔離婚係因為唔夠錢生活，亦都唔想分錢出去。夫妻做到其實真係可悲，但係都唔需要再講話大家溝通吓，因為我心已死，眼見了咁多年一個人可以自私到咩地步，唔好再講愛唔愛，憎佢少一啲都已經好好了。
發表於 
返回列表
