potato38 發表於 25-4-18 00:32 
.
你上年個舊帖比人搬返上嚟，睇埋你呢個帖，估計情況冇改變不止，而且你心態亦進一步想對方死，才可以平息你內心的憤怒。
你咁樣成日幻想，對你同現實都冇咩好處㗎。三觀不合？世界觀價值觀人生觀，咁嚴重？女人生咗小朋友，思想心態會完全唔同，樣樣以小朋友為先，係天生的母性，世界上大部份雌性物種都係咁。你可能冇察覺自己咁樣的轉變，老公見到老婆從此對住小朋友就係天使，對住自己就係獅子，佢地都不明所以的。因為集中力去哂小朋友身上，覺得教養照顧層面上，樣樣事以自己標準先係最好，其他人做唔到自己標準就唔高興，於是自己攞返嚟做返哂。漸漸對方就會Q埋對手。你或者會覺得點解佢唔可以做好D？做到我要求？如果做到你要求，就係兩個「你」嘞。
一男一女結婚，初衷都係想同對方一齊走人生下半場，幾時佳偶會變成怨偶呢？埋怨對方達唔到自己要求同時，有冇檢視過自己的要求係未訂得太高，必需對方要跟住自己標準走？
生活上其他細節只有你先最清楚，我只係憑你兩個帖的描述，分享下局外人的想法。
建議你停止心中默默地想對方死的念頭，相由心生，當你每動一次念頭，想像下你面目就變得更猙獰，你眼中的佢就更加不堪，你身處現實就會更覺辛苦，自我亦會繼續膨脹。如果日後比小朋知道你原來一路在心中咒詛自己爸爸，後果係點？
最後，唔好再諗老公死咗我就舒服哂呢D假設，會影響你精神健康。
從天空到大地, 心臟在持續著令人眩暈的擺動, 那是初戀
發表於 
返回列表
