興趣嗜好 今日: 0 | 主題: 123932

積分: 1045

1^#

發表於 09-7-9 15:28 |只看該作者 |倒序瀏覽 |打印

我地決定買dslr，但老公就一d興趣都無，由研究買邊款好到出去買，我老公都唔參與，我今朝同老公講︰爸爸我今晚出去買，買左返來之後，你可唔可以認真d研究下部機，最起碼基本既function你都要知同識用，如果唔係，就只有我幫你同個女影，無人幫我同個女影！
點知佢一句得埋來︰咁我真係無興趣丫嘛！跟住我黑面，佢先好膚衍我咁話︰係喇係喇！我玩喇！玩喇，你買左返來咪玩下囉！

唉..........我都唔明，個個男人對機械既野（電腦 / 影相）都好有興趣，但我老公偏偏就一d興趣都無！究竟點樣可以提升到佢對相機影相有興趣呢？我唔想買左返來之後，淨係我幫人影，無人幫我影呀！張張相都無我份，怕囡囡第時大個問︰點解張張相都無媽咪份，媽咪點解你唔同我影相既？

** 其實由囡囡出世到而家，我為囡囡影過好多相（無一萬都九千張），但有我在內的只有好少好少（100張內），因為永遠只有我渣機做影果個！無人渣機幫我同個女影！

[ 本帖最後由 cat20 於 09-7-9 15:33 編輯 ]

0 0 0

私人傳訊

JoJo

王國長老

積分: 68775

好媽媽勳章醒目開學勳章畀面勳章王國長老

2^#

發表於 09-7-9 15:57 |只看該作者

cat20,

我想講有時興趣呢樣野真係有就有. 無就無. 除非佢掂完影完突然覺得好有滿足感. 而提升佢去玩部機.

分享下. 我老公佢都唔喜歡影相的. 但我沒有因為咁而唔開心.. 個仔由細到大都係由我去操機影個仔既.

我只係要求去d 開心既地方/旅行, 能拍下幾張家庭照. 那已很足夠了. 亦是一個好好的回憶嘛. 係未.

你打算買邊部呀. 用單反影出黎既相真係靚好多的. 影完出黎個份滿足感係好難形容呀.

我相信你老公都好錫你同個女, 唔係都唔會應承同你去買機啦. 笑返下呢.

又或者你放多d 毒相過佢望下.

話唔埋會增加佢去拎機影既機會呢

原帖由 cat20 於 09-7-9 15:28 發表
我地決定買dslr，但老公就一d興趣都無，由研究買邊款好到出去買，我老公都唔參與，我今朝同老公講︰爸爸我今晚出去買，買左返來之後，你可唔可以認真d研究下部機，最起碼基本既function你都要知同識用，如果唔係，就只有我幫你同個女影，無 ...

主愛我
生活世上幸福多，樣樣豐富主愛我；
天父造人像首歌，開心音符天天播。
星為我伴奏，風跟我握手；
天地海合奏，都表明主的愛。

私人傳訊

madmaclau

積分: 4689

3^#

發表於 09-7-9 16:07 |只看該作者

問佢有冇興趣影人體照 ...

私人傳訊

積分: 1045

4^#

發表於 09-7-9 16:20 |只看該作者

原帖由 JoJo 於 09-7-9 15:57 發表
cat20,

我想講有時興趣呢樣野真係有就有. 無就無. 除非佢掂完影完突然覺得好有滿足感. 而提升佢去玩部機.

分享下. 我老公佢都唔喜歡影相的. 但我沒有因為咁而唔開心.. 個仔由細到大都係由我去操機影個仔既.

我 ...

其實我都明白，興趣呢樣野好難講，但我其實只想佢用心摸熟少少部機，咁樣出到去玩時，都可以幫我同個女影幾張都好丫！我唔係奢望佢會突然好有興趣不停咁周圍影！

我都好認同你所講既野，一家人出去玩，其實都係一個回憶，但有時我地大人會記得呢d回憶，而小朋友三四歲前都無呢d記憶，我好想可以留住一d媽咪同佢一齊玩既片段，例如遲下我地會去海x公園，我好想留住呢d片段比囡囡將來睇，佢自己當時同爸爸媽媽係玩得咁開心既！

其實我老公之前都有講過︰囡囡成日郁都影唔一到既，唔影喇！比返你！所以我估之前DC機都有D影響啦，希望今次買左DSLR之後會增加佢少少興趣啦！

我有兩個打算
《一》 D5000 + 18-105mm鏡
《二》 D90 KIT SET

暫時未決定買邊部，我一陣出去試上手至決定！

私人傳訊

艾莉

積分: 14437

5^#

發表於 09-7-9 16:32 |只看該作者

其實無咩所謂喇..我老公都無興趣架..佢只鐘意俾人影....

100張可能有5張係我..可能更少架..

但佢都會影下既, 有時我話要同女玩咪叫佢影囉, 用AUTO /人像咪算, 叫佢當用傻瓜機

私人傳訊

clpapa

版主

積分: 34148

2018復活節勳章好媽媽勳章醒目開學勳章畀面勳章親子王國15週年勳章

6^#

發表於 09-7-9 16:32 |只看該作者

Nikon 比佢上網睇吓 digital tutorial 就得.

http://www.nikondigitutor.com/index_eng.html

其實佢唔想學係迫唔到, 試吓比個全自動佢幫你哋影, 用起來唔難自然唔會太抗拒, 之後半推半就......

原帖由 cat20 於 09-7-9 16:20 發表

其實我都明白，興趣呢樣野好難講，但我其實只想佢用心摸熟少少部機，咁樣出到去玩時，都可以幫我同個女影幾張都好丫！我唔係奢望佢會突然好有興趣不停咁周圍影！

我都好認同你所講既野，一家人出去玩，其實都係一個回憶，但有時我地 ...

私人傳訊

bobo-mammy

積分: 2617

7^#

發表於 09-7-9 16:34 |只看該作者

cat,

我老公都係呢類人, 唔like映相, 亦唔會主動幫我映,
D90好就好, 不過太重, 自己同個女出街一定唔得.

原帖由 cat20 於 09-7-9 16:20 發表

其實我都明白，興趣呢樣野好難講，但我其實只想佢用心摸熟少少部機，咁樣出到去玩時，都可以幫我同個女影幾張都好丫！我唔係奢望佢會突然好有興趣不停咁周圍影！

我都好認同你所講既野，一家人出去玩，其實都係一個回憶，但有時我地 ...

私人傳訊

chinghomama

積分: 10020

8^#

發表於 09-7-9 16:37 |只看該作者

樓主, 我情況同你有啲似架, 我老公5玩電腦, 5玩相机, 連同我影張相都5鈡意架....
記得當年結婚都係好艱難先影到一輯結婚相咋.... >.<
但自從我買左d90后, 跟手拎埋去旅行用, 佢開始有拎部機玩下啦, 雖然影得麻麻地, 但都好過佢完全5掂啦...
不過, 我都同意有啲人話, 興趣係無得迫架...
掉返轉, 如果你老公迫你做啲你無興趣既野, 你都5開心啦.....

私人傳訊

KnN

積分: 11973

好媽媽勳章

9^#

發表於 09-7-9 18:12 |只看該作者

我老公都無興趣影相, 而家係set 好晒比佢, 剩叫佢按shutter , 咁樣我都仔女都有相. 一個function 起碼有10-20張, 叫佢當傻瓜機咁用就得, 佢無咁大壓力.
反而我仔影得多, 有時都叫仔仔渣機多過老公.

但我老公就無阻止我買器材, 買到而佢半句都無話過我, 有時佢仲問我要咩, 佢送比我tim. 佢唔鍾意影都好, 咪尊重佢law. 好聲好氣同佢講你想要同仔女既相, 佢實肯影既.

私人傳訊

積分: 1045

10^#

發表於 09-7-9 23:44 |只看該作者

原帖由 clpapa 於 09-7-9 16:32 發表
Nikon 比佢上網睇吓 digital tutorial 就得.

http://www.nikondigitutor.com/index_eng.html

其實佢唔想學係迫唔到, 試吓比個全自動佢幫你哋影, 用起來唔難自然唔會太抗拒, 之後半推半就......

...

唉.....叫佢上網睇呢d野，佢一樣唔會睬我嫁，佢都唔鐘意對住電腦，佢只會用電腦來買六合彩 & 睇下股票 & check email，其餘時間就係煲《貓tv》（即收費電視）/ 睇佢缸魚 / 同瞓覺！

不過都thanks你，因為呢個website岩我睇！

私人傳訊

chloepapa

版主

積分: 43149

好媽媽勳章醒目開學勳章畀面勳章睛靈勳章

11^#

發表於 09-7-9 23:51 |只看該作者

一於用部機影囡囡同佢D 魚, 影得靚 D, 等佢知道有靚的囡囡, 靚的魚, 都要用部好機去留下美好時光

私人傳訊

積分: 1045

12^#

發表於 09-7-9 23:54 |只看該作者

唉........頭先終於出去買左d90喇，買到返來裝上鏡頭，就比老公睇下試下，點知佢拎上手好膚衍咁影左16張相就放返低喇！
我問︰唔影喇？玩下添啦？
佢話︰試左啦！有咩好玩呀？咁多mode咁多數字符號都唔知咩來既？
我話︰你可以睇下說明書嫁？
佢話︰嘩...........你睇啦，你學識摸熟教我咪得囉！

嘩.....我真係火都來埋呀！

我都唔明自己點解咁嬲，但呢一刻真係有少少覺得佢好廢！（唔知點解個腦會咁唸）

私人傳訊

chloepapa

版主

積分: 43149

好媽媽勳章醒目開學勳章畀面勳章睛靈勳章

13^#

發表於 09-7-9 23:59 |只看該作者

每個人的興趣唔同啫, 唔駛勞氣的

好似我老婆都唔鍾意影相, 我都唔可以迫佢同我一樣

興趣無分男女, 自己鍾意就得

私人傳訊

積分: 1045

14^#

發表於 09-7-10 00:00 |只看該作者

clpapa 版主︰

想問問頭先你比既website係英文版，有沒有中文版呢？

私人傳訊

KnN

積分: 11973

好媽媽勳章

15^#

發表於 09-7-10 00:04 |只看該作者

原帖由 cat20 於 09-7-9 11:54 PM 發表
唉........頭先終於出去買左d90喇，買到返來裝上鏡頭，就比老公睇下試下，點知佢拎上手好膚衍咁影左16張相就放返低喇！
我問︰唔影喇？玩下添啦？
佢話︰試左啦！有咩好玩呀？咁多mode咁多數字符號都唔知咩來既？
我話︰你可以睇下說明書嫁？
...

relax~
掉轉頭佢電腦壞左, 叫你睇說明書砌番部比佢, 咪好似你而家咁law. 我都覺得係應該你學左再同佢講點用, even 諗好晒點影set 好機, 當佢係識按快門既腳架就算喇~

私人傳訊

積分: 1045

16^#

發表於 09-7-10 00:07 |只看該作者

原帖由 chloepapa 於 09-7-9 23:59 發表
每個人的興趣唔同啫, 唔駛勞氣的

好似我老婆都唔鍾意影相, 我都唔可以迫佢同我一樣

興趣無分男女, 自己鍾意就得

唔同，可能女人喜歡男人各方面都比自己叻，自己唔識既野老公識會覺得佢men d ，而佢咩都唔識，腦海就浮現左一種《廢柴》既感覺，不過都係因為件事係岩岩發生，所以先咁慶，我都係呻下啫，希望呢種感覺好快會消失啦！

私人傳訊

積分: 1045

17^#

發表於 09-7-10 00:11 |只看該作者

當佢係識按快門既腳架就算喇~

絶句

私人傳訊

no32

別墅

積分: 999

18^#

發表於 09-7-10 02:03 |只看該作者

其實我以前都係唔鍾意影相架, 怕重同唔想攪咁多野羅, 所以連去旅行都唔想帶相機, 不過有一次我太太同我講話, 個女咁耐都冇一張靚相, 所以好唔開心... 咁我地開始相量買一部靚d既傻瓜相機, 開頭我都諗住預4,5千蚊, 點知聽下朋友意見, 同自己係網上睇下睇下就知道 dslr 同傻瓜機影既相係好唔同, 為左唔想太太唔開心, 於是就決定買部 dslr, 希望d相好d, 買左之後我自己都用好多時間研究同練習, 雖然影得有d生硬, 但太太都算收貨啦..
如果想提一下興趣, 我覺得最好由買機個時開始比佢做多 d research, 比佢參與多 d, 傾多 d, 咁投入多左, 興趣都會多 dd

-----------------------------------------------

私人傳訊

bosch

瑪瑙宮

積分: 128496

2024年龍年勳章 2024勳章 2023年兔年勳章虎到金來勳章開心吸收勳章

19^#

發表於 09-7-10 02:19 |只看該作者

呢d 野冇得計. 你三番四次咁迫佢, 佢只會更加抗拒. 佢唔鍾意咪算囉.... 你想有同小朋友既合照, 到時set 番auto/人像叫佢影啦, 你迫得佢太緊, 陣間佢連機都唔拎既話, 連唯一機會同小朋友影合照都冇呀.

我都係咁, 同阿仔影左萬幾張相, 我同阿仔既合照都唔知有冇20張, 呢樣我反而唔介意, 因為我自己唔靚, 有時個樣真係好殘時我都唔想影衰阿仔. 不過全家幅就真係得好少, 有次出街我話搵人渣機幫我地影, 但我老公就唔想叫人咁, 我冇迫佢, 但真係眼淚在心裡流....

我老公唔介意被影, 亦唔會反抗渣機, 只係好少主動拎部機去影相, 可能係因為呢邊既人唔興影相啦. 佢地寧願用眼睇用腦去記, 都唔會掛住影相影到發生左咩事都唔記得, 唔係冇道理, 但有時d 重要時刻搵人影下相都好o卦.... 真係去一個生日party, 可以冇人影相. 而家睇化晒, 最緊要都係影阿仔, 我自己唔響相入面都唔緊要.

私人傳訊

googoo