心聲留言 今日: 0 | 主題: 17312

積分: 7824

1^#

發表於 05-1-7 11:16 |只看該作者

生唔生bb, 好煩!!

我囡囡已經就快6yrs old. 前年我同老公已經決定要第2個bb, 但唔係好成功, 又因為一d屋企事, 跟住生bb問題就不了了之.
我知我老公好恨生多一個, 佢話生多一個可以陪下囡囡, 我都認同. 但前2年我都好想, 反而現在唔多想, 我覺得囡囡已經咁大個, 生多一個年齡相差都好遠, 我又好怕再湊bb, 又怕bb出世之後會嘈住囡囡做功課........好多負面野諗.

昨晚, 我老公又同我講呢個問題, 佢話我年紀唔細, 再老d先至生bb會好危險

, 佢話不如快d生多個.
我真係唔知點好, 其實我都想要多個, 不過bb頭o個2年, 真係好麻煩, 好惡湊

私人傳訊

wendy99

大宅

積分: 1268

2^#

發表於 05-1-7 16:05 |只看該作者

Re: 生唔生bb, 好煩!!

我都有這個問題,加上經濟問題,但我好想生多個

私人傳訊

Mrssslui

子爵府

積分: 10572

3^#

發表於 05-1-7 16:11 |只看該作者

Re: 生唔生bb, 好煩!!

winwin323,
我個人係好贊成多D兄弟姊妹既,比我都會生.
不過,你個女女已經6歲了,除非自己真係好想啦,又或一定要生個仔啦,否則相隔咁多年,我諗我唔會要啦!
This is my own opinion.

私人傳訊

fibe001

別墅

積分: 700

4^#

發表於 05-1-7 16:33 |只看該作者

Re: 生唔生bb, 好煩!!

winwin323,
如果經濟許可,真係可以生多個架.
也可以請個工人返來幫忙一下,就無咁辛苦了

:-D 幸福是當我擁有你 :-D http://tw.pg.photos.yahoo.com/ph/fibe001/album?.dir=/861c

私人傳訊

積分: 20300

5^#

發表於 05-1-7 16:49 |只看該作者

Re: 生唔生bb, 好煩!!

winwin323,

相隔6年都唔算好耐o者! 我同我家姐都係相隔6年, 同阿哥就相隔9年。

o個時我家姐6歲幾, 已經幫初生o既我沖涼、換片, 又同我玩, 雖然當佢讀中學, 我仲係讀緊小學o既時候, 我o地好似玩o既o野同講o既o野都唔係好o岩。佢出o黎做o野之後, 成日都買o野比我氹我開心, 又比零用錢我。到大個o左, 尤其係我出o左o黎做o野, 同佢o既思想都好接近, 我o地非常之friend, 好似好朋友咁! 7年前, 佢雖然移o左民, 但係我o地一直都保持緊密聯繫, 事無大小都會互通電話, 一傾就會傾成個幾鐘。所以話o者, 如果係同性的話, 年齡o既差距就根本唔成問題。

我知道呢個世界上, 最鍚我o既人係我家姐, 我真係好慶幸媽咪比o左個咁好o既家姐比我; 我家姐亦曾經講過：好彩媽咪o係生佢出世之後6年, 生o左我呢個妹妹比佢。

就算我同阿哥相差9年, 冇疑細個o既時候係唔係好o岩玩, 不過大家都大個o左, 唔同住之後, 一見到面都有好多共同o既話題, 次次同佢食飯, 都雞啄唔斷。最近媽咪有病, 我o地幾兄妹都一齊商量點樣幫媽咪同爸爸, 如果得我一個, 就會徬徨好多喇!

所以生唔生多個, 一定要睇長遠d, 第日自己兩公婆唔o係度, 有得兩個仔女的話, 佢o地都有個照應嘛!

私人傳訊

onon1022

子爵府

積分: 12519

好媽媽勳章

6^#

發表於 05-1-7 19:50 |只看該作者

Re: 生唔生bb, 好煩!!

你囡囡雖然6歲...但係我諗佢都好想有個細佬妹陪佢...有好多獨生女...都係覺得好寂寞...而且你老公都好想要...而你之前都生左個囡啦...咁你都有湊女經驗咯...今次都難唔到你啦...第一個係難湊d架啦...如果你唔想湊既...咪同你老公傾下囉...睇下請工人定點囉...

[url=http://lilypie.com][img]

私人傳訊

Almaz

子爵府

積分: 11741

7^#

發表於 05-1-7 21:57 |只看該作者

Re: 生唔生bb, 好煩!!

你可以問你囡囡想唔想要妹妹或細佬.我老公個同事都係咁.佢個囡囡都係6歲,問囡囡想搬新屋(買樓)定要個bb,佢答要bb,最後媽媽生咗個妹妹比佢.

私人傳訊

carol_kk

積分: 7375

8^#

發表於 05-1-7 22:28 |只看該作者

Re: 生唔生bb, 好煩!!

我讀中四時, 有位同學, 佢細佬剛出世咋~~~果時佢一放學就要返屋企幫手湊, 無得出街玩, 但佢都好開心~~~

另外, 我表弟讀完大學啦~~~但佢妹妹 (即係我表妹), 而家先讀小二咋~~~但我表妹都好鍾意佢哥哥喎~~~

所以你唔駛擔心呢個問題囉~~~最緊要係你自己點諗呀?!

私人傳訊

h.y.mama

洋房

積分: 346

9^#

發表於 05-1-7 22:31 |只看該作者

Re: 生唔生bb, 好煩!!

我媽咪成日都叫我生多個, 佢話第日有咩事都可以有商有量,
我都好同意, 好似我而家有咩事, 都可以第一時間搵我兄弟姊
妹, 又真係幾好架, 又可以互相照顧, 不過, 我自己就決定
只生一個, 因為第一是經濟問題, 我想將最好的比哂囡囡,
第二係湊bb真係好辛苦.
如果你之前都想生, 點解而家又吾想呢?
你經濟許可嗎? 還是只係驚年齡相差較遠?

開心只是一種態度, 一種睇法, 用不同的心態會有不同的效果, 朋友, 你是每事埋怨還是每事感恩? 快樂與否, 取決於你自己啦!!!

私人傳訊

積分: 7824

10^#

發表於 05-1-9 01:00 |只看該作者

Re: 生唔生bb, 好煩(Confirm)!!

好多謝各位回應

, 感激, 感激:cry: :cry: .

wendy99, 如果妳年紀不大, 可以再過幾年先諗, 因為我都屬於高齡

, 所以迫在眉睫:mrgreen: .

Mrssslui, 我想要多個, 都唔係話一定要生仔o既, 主要係想要多個小朋友, 生仔生女, 係天意, 隨緣

.

Hi~fibe001, 經濟上都可以容許我們有多一個bb, 所以我老公時時都諗住.

Hi~my_tabo, 妳個case好似我, 其實我識得有d朋友, 佢地d小朋友都係年齡相差幾遠, 最遠係12年, 但都好鍚細佬/妹, 所以年齡差距應該問題不大.

onon1022, 係呀, 第一個係真係難湊d, 我已經有經驗, 應該ok o既

.

Almaz, 我囡囡2年前知道我地準備做人時, 已經plan好左有個妹妹, 所以自己唔合穿d衫都唔肯送比人, 要留比佢"妹妹"

.

carol_kk, 嘩! 妳呢個case真係好利害, 都差成16-17年, 咁我呢個都係小問題啦

, 其實我都想有多一個小朋友o既

.

h.y.mama, 2年前, 我剛剛同老公plan開始做人時, 正是我媽媽病情惡化, 到我媽媽過身後, 自己身體&精神都好差, 瘦左成10磅, 真唔適合有bb. 到而家真係年齡問題, 我老公話再唔生就唔好生, 怕我有危險. 經濟上還可以比我地有多一個bb, 係我自己無信心又行多一次(湊bb+囡囡).

各位, 正如my_tabo所講, 我老公就係怕我地2個都唔o係度時, 起碼有多個人, 多個照應<<呢一點係最重要.

呢2日我都同我老公傾過呢個問題, 佢見我又摷番出黎講, 諗住我已經應承, 就即時搵番之前個婦產科醫生咭片比我, 真比佢激死:-| .

不過算啦, 生多個都係>利多於弊, 而且唔止我老公, 我囡囡都成日話想要妹妹, 成日問幾時有呀? 一大一細咁夾攻, 都無得反對啦

. 但係我老公唔鐘意有工人o係屋企, 如果有多個bb, 我奶奶就會過我地度住, 其實我唔多想

, 不過都唔諗咁多, 到時先算.

BK真係好一個好地方, 聽完各位媽咪同我分析, 我輕鬆晒啦, 可以準備生bb啦

, 最怕係生完後又要減肥

.

多謝各位

私人傳訊

積分: 20300

11^#

發表於 05-1-9 23:56 |只看該作者

Re: 生唔生bb, 好煩(Confirm)!!

winwin323,

你已經決定o左就好喇! 最緊要係唔好比自己日後有機會後悔同遺憾。其實除o左你話你屬於年齡之外, 其餘各方面都唔成問題o丫! 你先生唔想有個工人o係屋企, 你奶奶又肯過o黎幫你手, 咁就可以幫輕你好多。

到時有好消息記得上o黎報喜喎!

私人傳訊

積分: 7824

12^#

發表於 05-1-10 09:55 |只看該作者

Re: 生唔生bb, 好煩(Confirm)!!

多謝妳~my_tabo,

其實我自己都好想有多個小朋友, 仔女都無所謂. 正如妳所講, 我都唔想日後會後悔同遺憾, 襯而家重未算好高齡, 快快生多個.

同妳地講完之後, 唔知點解, 成個人都輕鬆晒. 同朋友講, 佢地都唔係好明白我, 因為我大部份朋友都係唔要小朋友, 如果我今次又生多個, 實嚇親佢地 :mrgreen: .

本來新年我地已經決定唔去旅行, 而家要襯未大肚, 新年假帶囡囡去玩玩啦, 如果唔係~又要等好耐先可以再去旅行 :-|, 玩完先開始做人大計

.

我老公昨日好好笑, 問我想要雞bb或是狗bb, 我答"[狗]好, 利阿囡", 跟住我老公就話"咁耐呀, 都係[雞]好d"

, 比佢激死.

私人傳訊

mrs_chan

大宅

積分: 3544

13^#

發表於 05-1-10 11:35 |只看該作者

Re: 生唔生bb, 好煩!!

生啦, 難得你老公叫你生.....

我就唔同你......我老公話冇錢養唔生住.......

winwin323 寫道:
我囡囡已經就快6yrs old. 前年我同老公已經決定要第2個bb, 但唔係好成功, 又因為一d屋企事, 跟住生bb問題就不了了之.
我知我老公好恨生多一個, 佢話生多一個可以陪下囡囡, 我都認同. 但前2年我都好想, 反而現在唔多想, 我覺得囡囡已經咁大個, 生多一個年齡相差都好遠, 我又好怕再湊bb, 又怕bb出世之後會嘈住囡囡做功課........好多負面野諗.

昨晚, 我老公又同我講呢個問題, 佢話我年紀唔細, 再老d先至生bb會好危險 , 佢話不如快d生多個.
我真係唔知點好, 其實我都想要多個, 不過bb頭o個2年, 真係好麻煩, 好惡湊 .

加加加大碼網上時裝店

私人傳訊

積分: 20300

14^#

發表於 05-1-10 15:10 |只看該作者

Re: 生唔生bb, 好煩(Confirm)!!

winwin323,

睇來你囡囡真係仲心急過你o地喎! :mrgreen:

你o地趁新年出去散o下心, 一家人開心一下, 話唔定仲可能有意外收穫添!

私人傳訊

積分: 7824

15^#

發表於 05-1-10 16:02 |只看該作者

Re: 生唔生bb, 好煩!!

mrs_chan 寫道:
生啦, 難得你老公叫你生.....
我就唔同你......我老公話冇錢養唔生住.......

mrs_chan, 唔緊要, 遲d再諗, 總有機會

my_tabo寫道:
睇來你囡囡真係仲心急過你o地喎!
你o地趁新年出去散o下心, 一家人開心一下, 話唔定仲可能有意外收穫添!

Hello~my_tabo,
係呀! 我老公&囡囡做咩事都係"慢3拍", 我就係心急人, 但對於"做人"一事, 佢2位真係好心急, 攪到我唔知點好

.
多謝妳, 承妳貴言

私人傳訊

積分: 20300

16^#

發表於 05-1-10 16:26 |只看該作者

Re: 生唔生bb, 好煩!!

winwin323,

不過有d事情真係急都急唔o黎...佢o地雖然心急, 不過都要靜候佳音喎!

私人傳訊

積分: 7824

17^#

發表於 05-1-10 17:01 |只看該作者

Re: 生唔生bb, 好煩!!

my_tabo,

呢2日confirm生bb一事, 洩露口風比囡囡知道後, 佢以為生bb會好快, 問我妹妹幾時出世

, 重有一大堆我都唔識答o既問題, 好鬼煩

.
而家又要plan新年去旅行, 本來諗住唔去, 而家又要再去旅行社睇睇, 搜集下d資料, 又有野做啦.

不過呢2日, 唔知係咪心理作用

, 屋企好似彌漫著一片特別開心o既氣氛

私人傳訊