Re: 我朋友係呢間銅鑼灣LB公司做, 中晒毒.....
哎呀,呢d公司真係呃人架~同一些用層壓式推銷既公司一樣,坦白講,有冇咁筍唔洗返工,唔洗做就有錢收咁大隻蛤蜊隨街跳呀,咁好唔搵埋自己老豆老母做~開頭就比少少甜頭你,之後間公司摺左就真係血本無歸喇
我睇電視講過,一些類似既公司,係叫你落街同人做問卷調查,話自己搵過萬一個月,靠咁樣介紹人入會,每介紹到十個人就會有錢收,而呢十個人每介紹到一個人,你又會有錢收,咁樣就會賺好多喇.. 但其實咁樣間公司係一定會爆破既,d高層一搵夠就走架喇,等你地d人仲辭埋份工同佢做....
你睇下可唔可以同你朋友既父母講,叫佢地勸下佢...唉,佢拎左成6萬幾蚊買貨,你而家講乜野大道理佢都聽唔入耳架喇~你朋友都冇晒理性,仲以為自己將會發達,其實呢d用常理都諗到係呃人 你一係同佢講囉,香港地有一樣野會係唔洗做都有錢收,就係係幕後搞"毒",你賣白粉就真係唔洗做喇,仲幾日唔埋就有千千聲咁收返黎 :exclaim: 你咪問
下佢囉,佢而家賣咩野咁巴閉??唔洗做有過萬銀收??發緊夢呀 ?-( 你賣個d野,係咪人地用少陣會死架??會上癮架??如果佢唔聽都冇計,佢而家都已經比人呃左(佢個6萬4,唔洗旨意賺得返 )到佢等極都冇錢收,佢就會醒架喇...... :-|
過去的留不住,
未來的難預測,
守住現在,當下即是~