母乳餵哺今日: 0|主題: 85693

收藏本版

回覆發帖

返回列表

跳至頁

查看: 1336 | 回覆: 4

點睇bb係想食奶?~佢越大我越唔識分...點算?? [複製鏈接]

米雪兒1101

大宅

積分: 2054

1^#

發表於 05-1-22 20:05 |只看該作者

點睇bb係想食奶?~佢越大我越唔識分...點算??

all,

我好想問下大家點衡量你地既bb要食奶?...係用時間定睇佢既舉動?...因為我個仔佢已經有三個半月大...我都真係唔知佢幾時真係要食...佢不嬲食野都好唔定時...食既時間又耐...而家有時要成個鐘...一時又可以食40mins...一時又可以半個鐘...又時15mins又得...有時更可以食5mis又唔肯食...佢細個出世個陣已經係訓著食...同埋食得好慢...閒閒定食成二個鐘...最多試過食三個鐘先飽唔哭...咁係我座月期間...因為我媽咪咩都唔俾我食...而攪到我自己都冇營養...所以有個半月到係要補奶粉俾佢...但後來bk既媽咪教左我好多既方法...令我可以有足夠既奶俾佢而家唔再需要補奶粉...但係最近佢好鐘意食手指...係咁係度食...有時佢可以食到奶都唔食...所以好多時我都唔知佢係唔係要食奶...加上佢而家又唔肯食我泵出黎既奶...一定要埋身食...但有一樣野我好唔明...點解佢食泵出黎既奶...好似飽好多...食完就會訓...但埋身食就唔係...好多時都唔會訓...好難先食完即刻訓...但我估佢係食到唔餓就算...之後又餓又再食...所以攪到佢可以一個鐘食幾次...仲有好多時食食下就會哭...我都唔明點解...佢咁樣食法我真係俾佢攪到冇晒時間...咁我就見佢咁...迫佢個頭埋我身要佢再食...之前都可以迫到...但有次我都係咁迫佢埋黎...點知佢個次就好惡係度哭...之後就唔肯再食...仲要唔再望我...好似嬲左我咁...我係咁同佢講返野...佢先再肯食咋...所以我而家都唔敢再迫佢...但我真係越黎越唔識點餵佢...自從個次之後...佢就好似冇再咁鐘意我...我抱佢都會哭...佢daddy抱就冇事...攪到我好唔開心...仲好想哭...好心痛...所以我都唔知應該點樣...我真係覺得好大壓力................... :cry:...你地可唔可以教下我...thx!

[size=small]Mason is my life! :-)[url=http://www.babyhome.com.tw/bb/56857][size=small]

私人傳訊回覆引用

hybb

大宅

積分: 4929

2^#

發表於 05-1-22 23:34 |只看該作者

Re: 點睇bb係想食奶?~佢越大我越唔識分...點算??

米雪兒,

雖然我bb都係得4個半月大, 但係我睇完你既情況, 我覺得你bb係為左安全感多於肚餓而想食奶!

我亞仔佢平時係放係育嬰院既, 佢明明5點半先食完奶, 我未6點半左右去接佢, 佢一見到我就做出一個好想食奶既樣! 但係我無比佢食, 跟住佢又無野啦! 我亞仔如果真係想食奶既話, 你餵遲一陣佢都會發晒脾氣, 係咁喊! 若果只係想啜住nipple訓教, 佢既喊聲係會唔同!

你不如試下如果bb好似想食奶, 你用其他野引開佢, 或者唔好將佢個面向住你心口! 你bb3個幾月大, 你應該慢慢知道佢真係想食奶係點~

至於你話點解食泵出黎既奶會飽d, 而埋身食食好耐, 係因為埋身食, 佢食下訓下, 所以食得唔多, 但係奶樽唔同, 奶樽唔駛咁用力氣去食, 又食得快~

我覺得你唔駛迫佢食, 佢係想食, 肚餓就會喊, 因為餵人奶既bb係 feel on demand而唔係一定計住食幾耐或者係幾多個鐘一次~

至於食手指問題, 呢個時期既bb實會食手指, 我亞b食手指都食得好開心ga, 不過佢食手指唔代表佢係肚餓

多口問一句, 你係全職媽媽定係要返工ga? 如果係全職媽媽我覺得你可以唔駛佢一喊就比佢食, 因為我亞仔都係咁, 佢有時喊, 啜我件衫, 可能係扭眼訓, 想食住奶奶訓, 你要記住, 若果佢真係餓, 你唔比佢食, 佢一定會喊, 但係扭眼訓, 扭得2扭就會訓左, 你要比d時間去捉摸下你亞b想點, 如果唔係真係幾惡攪

私人傳訊回覆引用

米雪兒1101

大宅

積分: 2054

3^#

發表於 05-1-23 00:01 |只看該作者

Re: 點睇bb係想食奶?~佢越大我越唔識分...點算??

hybb,

首先好多謝你咁用心答我既問題...thx! :-P ...其實佢食奶既問題真係好多時令我好困擾...正因為佢食得咁慢...我身邊幾乎冇人support我餵人奶...而家佢地更加係覺得我自己一手造成...自己搵黎辛苦...所以我真係好大壓力...加上bb佢越黎越唔合作...成日食食下又哭又發脾氣...所以好多時佢食唔夠5-10mins就哭縮開左...攪到我d奶成日係咁流到周圍濕晒...真係好'文'...好啦...之後佢又要再食...真係俾佢玩到我暈...我有一排都試過又佢哭...點知佢真係哭成個鐘...後來仲哭到聲都沙埋...過左成個星期先好返...但好多時佢係食完冇耐...好喇再俾佢食...佢又係食食下...就邊訓邊食下...慢慢黎咁...所以我都唔知點好...佢出世冇耐就係因為食唔夠而退唔到黃...體重又唔夠...所以我而家好怕佢唔生肉...同埋我而家已經因為餵佢食奶...而攪到雙手都有幾嚴重既骨膜炎...所以見到佢有時咁唔鐘意我餵佢食奶...同埋佢好似嬲左我既時候...真係好心痛...好想哭...我真係唔知自己仲可以頂到幾耐...點解我好似做錯野咁??...我身邊既人都唔明白我...就連老公係咁...個仔都好似唔鐘意咁?...唔通我真係錯??