香港18區媽媽會 今日: 2 | 主題: 156864

積分: 5339

發表於 09-9-9 13:55 |顯示全部帖子

原帖由 琛妍媽咪 於 09-9-8 09:46 發表

開頭返學係咁架....比d時間佢啦......

我女返學話...無小朋友同佢玩....
其實係佢唔識同小朋友玩.....
佢鐘意同D大哥哥姐姐玩...有人帶住佢
今班佢算係"大女", 3歲3個月
可能大部份都細過佢啦...佢唔識同佢地玩...

hello, 我叫澄澄yubi, 2009年5月29日出世 ^__^

私人傳訊

積分: 3551

發表於 09-9-9 17:27 |顯示全部帖子

大家都收到學校張茶點通告..
都知佢地食d乜..

琴日食薩其馬..
我就同阿囡講..明日(星期一講)食馬仔做茶點喎..

私人傳訊

積分: 3551

發表於 09-9-9 17:29 |顯示全部帖子

我個女算係細女..
佢今個星期六先夠3歲..
前兩日係屋企開左兩次生日會..

我主要同佢講..就快係學校開生日會..
今次佢有份...

私人傳訊

hello77

民房

積分: 114

發表於 09-9-10 17:28 |顯示全部帖子

我囡囡都開始適應啦,不過搭校車仍然唔成功,因為佢知要搭校車,就喊晒口,求嫲嫲帶佢返學,所以而家都搭唔到,遲d希望有同學一齊搭會好d啦

私人傳訊

積分: 3551

發表於 09-9-10 22:57 |顯示全部帖子

其實有辦法.
就係要恨心...
你比佢喊一兩次...
佢就知道喊係無用...
無就會唔喊架啦..
因為佢喊..所以你心軟..
咁你就唔駛旨意搞得掂...

私人傳訊

積分: 5339

發表於 09-9-11 07:55 |顯示全部帖子

今日最後一日帶亞女返學. 下星期開始坐校車...個傻女一起身又喊又叫..唔返學...我當聽唔到...佢自己又收左聲...一陣又會再嘈過....

之前返都無事...自從病完就係甘...

hello, 我叫澄澄yubi, 2009年5月29日出世 ^__^

私人傳訊

積分: 3551

發表於 09-9-11 10:14 |顯示全部帖子

可能未病好..
我囡咪又係...
個人一累就成日發忟憎..發脾氣..
我就會做D 野引開佢注意力..
同佢講下笑..
好似朝早咁..同佢刷牙時..
佢都未訓醒..
咪係度同佢唱..刷牙歌...
佢係學校唱「你又刷..我又刷」..
我就唱成「你唔刷..我唔刷」跟住又話..
下「唔刷」?? 佢就醒D...跟住又笑...
跟住我又講話...老師唔係咁唱架喎..
記住係「你又刷..我又刷」..
我驚佢返到學校又唱「你唔刷..我唔刷..」哈哈..
玩完都要及時糾正返佢...
哥哥係度都好醒..佢又跟住唱..同埋跟住笑..
其實都係諗辦法整醒佢兩個...哈哈..

私人傳訊

積分: 5339

發表於 09-9-14 08:45 |顯示全部帖子

想問下大家, 如果小朋友每朝叫起身都喊唔返學, 校服又唔換, 早餐又唔食...朝朝好似打仗甘先出到門口....有咩辦法??

亞女話想我送佢返學, 送佢入課室, 但大家都知, 依家學校係唔比家長入, 送到門口! 而且我地同學校好遠, 坐校車方便D...佢又驚又喊

[ 本帖最後由傻太太於 09-9-14 08:46 編輯 ]

hello, 我叫澄澄yubi, 2009年5月29日出世 ^__^

私人傳訊

littbaby

別墅

積分: 847

好媽媽勳章

發表於 09-9-14 10:07 |顯示全部帖子

其實真係要比D時間佢適應,最主要係小朋友離開親人,覺得無安全感~
我對呀仔都無咩辦法....佢有時唔肯換衫出門口.....一出門口又話要去廁所(係度拖時間)比佢激死!入返屋去一去都15分鐘,有時唯有搭的士返學

今日返到校門前,同佢講"乖乖返學既話,放學就帶你去婆婆家(佢好鍾意婆婆GA),MAMI又會買糖糖接你放學,鍚曬你"最後同佢加多句......."唔乖,唔返學,喊...就咩都無,返屋企訓覺"
佢今日比我咁講一講,又OK WOR....其實都預左佢喊曬口,摟MAMI,最後會比老師抱入去GA,BUT出奇WOR........我送入門口時,如常用眼尾望下佢,見佢想回頭望我,已急急腳想走人......BUT佢一回頭,竟然同我講左句"BYE BYE MAMI",拖住老師隻手入左去......

你小朋友有無咩特別鍾意GA?用黎氹下佢可能好D....其實小朋友如果真係唔太適應既,都係自己接送,小朋友會安心好多GA.....

原帖由 傻太太 於 09-9-14 08:45 AM 發表
想問下大家, 如果小朋友每朝叫起身都喊唔返學, 校服又唔換, 早餐又唔食...朝朝好似打仗甘先出到門口....有咩辦法??

亞女話想我送佢返學, 送佢入課室, 但大家都知, 依家學校係唔比家長入, 送到門口! 而且我地 ...

私人傳訊

積分: 5339

發表於 09-9-14 10:57 |顯示全部帖子

其實佢開頭時都幾好架, 有我帶住..佢有安全感D掛, 我都知甘會好D..不過又真係好遠....依家諗住睇定D, 比一個星期時間睇下佢點, 如果都係好不安, 甘再考慮好唔好自己接送, 見佢甘樣, 我都好心痛....

每朝最難係要幫佢著校服...真係著唔到, 佢發晒癲甘喊又扭又逃走, 好似我要捉佢去賣甘

仲有, 朝朝都唔食野唔飲奶, 掛住喊邊有時間食呀...見到就慘!

今日出動左出鐘意食"出奇蛋"...話佢乖乖返學, 接放學會買比佢, 不過都係一樣..."出奇蛋"佢要...學佢唔要返...

[ 本帖最後由傻太太於 09-9-14 10:59 編輯 ]

hello, 我叫澄澄yubi, 2009年5月29日出世 ^__^

私人傳訊

hello77

民房

積分: 114

發表於 09-9-14 11:18 |顯示全部帖子

原帖由 傻太太 於 09-9-14 08:45 發表
想問下大家, 如果小朋友每朝叫起身都喊唔返學, 校服又唔換, 早餐又唔食...朝朝好似打仗甘先出到門口....有咩辦法??

亞女話想我送佢返學, 送佢入課室, 但大家都知, 依家學校係唔比家長入, 送到門口! 而且我地 ...

傻太太我同妳一樣,見到佢咁扭都唔忍心要佢搭校車,(因為搭校車佢7點7就要上車,實在太早啦)而家呢個月交惟有只比佢試下搭放學個程,朝早辛苦d帶佢返學,希望下個月有同學仔同佢一齊搭會好d啦,仲有小朋友唔肯換衫呢d問題,妳可以買一本細細地的年曆簿,然後每日記低佢有咩乖的事情畫一粒星星,同時又要記住佢唔乖的事情,每日我都會同佢講佢有咩係有星星的,以前我囡囡唔係好肯自己行返學,而家用了呢個方法我或好好帶佢返學,佢都會自己行,有時儲夠幾粒星星我亦應承假期帶佢去唔同地方玩,所以我覺得都幾有用

私人傳訊

積分: 5339

發表於 09-9-14 11:28 |顯示全部帖子

原帖由 hello77 於 09-9-14 11:18 發表

傻太太我同妳一樣,見到佢咁扭都唔忍心要佢搭校車,(因為搭校車佢7點7就要上車,實在太早啦)而家呢個月交惟有只比佢試下搭放學個程,朝早辛苦d帶佢返學,希望下個月有同學仔同佢一齊搭會好d啦,仲有小朋友唔肯換衫呢d問 ...

哇, 7點7就要上車, 甘真係好早下喎! 真係唔忍心呀@@
我都有諗不如送佢返學, 放學坐校車...但依家都唔比送入學校, 係門口就走人, 佢都係驚, 於是無補, 只好硬起心腸, 得閑去接下佢放學囉, 等佢開心下!

都唔知呀, 比佢試下一排, 再決定黎緊點啦! 晚晚都見佢發惡夢, 又緊張, 又唔開心, 食又食唔落...真係好可憐呀!

其實今日上車, 佢都無喊; 平時入校門都無喊
只係係屋企發癲, 一發癲就講咩都聽唔到...又喊又叫又嘔..

返到學校只係C忍住咋; 返黎問佢咩都唔提, 日日話無野發生, 等放學; 我都估到佢係點, 坐定定發愁個隻........希望佢快D適應啦!

貼星星一直有用, 不過係用黎獎佢自己食飯呀甘...好有用...
但用落返學....佢話...唔要星星喎

hello, 我叫澄澄yubi, 2009年5月29日出世 ^__^

私人傳訊

積分: 3551

發表於 09-9-15 19:35 |顯示全部帖子

傻太太 ~~

打去學校搵下班主任...
了解一下佢係學校的情況..
多數老師會放學後...中午食飯時或下午班放學後覆電話比你...
你了解在小朋友的情況...
跟住搵個時間同佢講..
有兩個講法︰
(1) 你可以同佢講...(X老師<==班主任)話你上堂時..
好乖喎..食茶點又快.等等...
或者..就咁話...x 老師話你好乖..係學校好靜..好專心聽老師講...佢地依家多數係唱「跑步跑」..x老師都話你識跟住做動作喎...諸如此類..

(2) 當你神通廣大...唔係學校...都知佢係學校點樣...
即係唔話比佢知...你同老師通過電話...
慢慢引起佢注意...(建議用呢個方法)

我估當佢知道你唔係學校都知道佢的情況..
佢會有D 興趣...跟住你就吊佢胃口..
你同佢玩...你明日返學...我再估你係學校做D乜...
咁到訓之前都提下佢...明日玩呢個遊戲..
到第二日食早餐時、換校服時、又提住...
送佢出門口/上校車時..不停咁提住..
到講拜拜時..就話...一陣放學..
睇下我知唔知你係學校做左D 乜...
放學後...你咪同佢玩...咪是旦講一D 出來..
如︰「你係學校唱「小弟弟、小妹妹」」..
「今日茶點食腸仔包? (你有點心通告..你咪講個錯的答案..等佢講番個O岩的比你聽囉..)
你又可以話...唔得..我聽日要講中...」諸如此類...
**呢個方法未必個個小朋友o岩..
但因為最清楚你小朋友的人係你...
你嘗試將類似的野代入去...提高你小朋友的返學興趣..**
我個女..因為有哥哥返學...表哥返學...
所以佢好想返學...
佢見哥哥有功課做..佢都好想有功課做..
上星期五有一張工作紙..
話做功課時..開心得佢個樣..
真係..d 表哥聽到做功課想喊..
係得佢會笑...真係比佢笑死...

**平時多同佢講學校的情況..
你都知邊個係佢班主任..
咪成日提住 X 老師...**

祝你好運...

私人傳訊

mandylaw

積分: 1313

發表於 09-9-18 22:54 |顯示全部帖子

呀囡9今個星期只係返咗兩日學,星期三返咗一日後,又開始咳,係勁多痰個隻,但又咳唔出,跟住去余仁生買咗兩樽猴'早'末,食咗一樽,但半夜又開始發燒,第二朝即刻同佢睇謝建華,話可能係肺炎,個肺好多痰,食咗兩日藥,已再冇發燒,咳和痰也少了很多,希望星期一可之返學.而班主任今日都有打電話黎問佢情況.佢係返上幼二,冇返幾日,都唔知學校的情況如何,可有bk mom報告一下.

私人傳訊

積分: 5339

發表於 09-9-19 10:31 |顯示全部帖子

我女都係上幼二架
其實都無咩野, 係尋日收左張通告關於公益金服飾日, 生日會同買冬裝校服既安排, 仲有張WORKSHEET

公益金服飾日係9月30日
生日會係9月25日-10:00至12:00
買校服日係9月26日-9:30至11:00

詳情通告老師會派番比你!
我女返黎問佢學校既事, 咩都唔講, 所以其他我都唔係太清楚

希望你仔仔快D好番啦, 真係好多人病呀, 好多小朋友放假!

[ 本帖最後由傻太太於 09-9-19 10:32 編輯 ]

hello, 我叫澄澄yubi, 2009年5月29日出世 ^__^

私人傳訊

積分: 5339

發表於 09-9-19 10:39 |顯示全部帖子

原帖由 lkfkitty 於 09-9-15 19:35 發表
傻太太 ~~

打去學校搵下班主任...
了解一下佢係學校的情況..
多數老師會放學後...中午食飯時或下午班放學後覆電話比你...
你了解在小朋友的情況...
跟住搵個時間同佢講..
有兩個講法︰
(1) 你可以同佢講...(X老師 ...

我女點問都唔采我, 真係比佢激C:loveliness:
算啦, 只要佢乖乖返學, 希望等佢投入學校生活到時會肯同我分享學校既事啦

我依家出左本薄仔, 比佢CHOP KITTY印, 每日乖乖返學就有一個印, 佢自己CHOP, 習齊5個, 我會帶佢去玩, 見佢呢兩日好開心甘, 雖然一樣要半推半就先換到校服, 去到門口一樣扁晒咀, 不過都算有DD進步啦:loveliness:

hello, 我叫澄澄yubi, 2009年5月29日出世 ^__^

私人傳訊

mandylaw

積分: 1313

發表於 09-9-19 20:23 |顯示全部帖子

Thank you very much!我的囡囡已好得八八九九,星期一應該可以返學,希望返學後冇事啦!

原帖由 傻太太 於 09-9-19 10:31 發表
我女都係上幼二架
其實都無咩野, 係尋日收左張通告關於公益金服飾日, 生日會同買冬裝校服既安排, 仲有張WORKSHEET

公益金服飾日係9月30日
生日會係9月25日-10:00至12:00
買校服日係9月26日-9:30至11:00

詳情通告老 ...

私人傳訊

積分: 3551

發表於 09-9-20 00:05 |顯示全部帖子

mandylaw ～～

加油呀。。。小朋友病。。。大人仲辛苦。。。
你都要保重呀!!!

私人傳訊

mandylaw

積分: 1313

發表於 09-9-21 11:52 |顯示全部帖子

lkfkitty,
Thanks for your encouragement. She is much better today and she can go to school la. She is very happy this morning.

原帖由 lkfkitty 於 09-9-20 00:05 發表
mandylaw ～～

加油呀。。。小朋友病。。。大人仲辛苦。。。
你都要保重呀!!!

私人傳訊