意見反饋
義工

母乳餵哺 今日: 0|主題: 84758

查看: 806 | 回覆: 11
Urgent!! 唔知點解好痛...


子爵府

國民生產總值:12328


發表於 05-1-25 19:26 |顯示全部帖子

Urgent!! 唔知點解好痛...

今日唔知點解,左邊乳房非常痛。
今日lunch因出了街,比平時遲了兩個鍾頭泵奶,未返到屋企已覺得好痛,原諗住泵清會唔痛,但都係咁,仲要係一路泵,一路痛,似酸痛的感覺。我按過乳房,係無硬塊的...現在輕輕碰到都痛,甚至係舉起左手都覺痛(因為痛處在外側靠下位置)...點解會咁?今朝餵阿b同泵奶都無事的...

有無需要睇醫生?各位有無相熟且支持母乳的醫生可以介紹?請PM我just in case, 香港九龍區都得...Thank you!

另外,我冷敷熱敷都試過,都唔可以舒緩痛楚,有無其他方法?


別墅

國民生產總值:794


發表於 05-1-25 19:53 |顯示全部帖子

Re: 唔知點解好痛...

看看pm吧!


子爵府

國民生產總值:12328


發表於 05-1-25 22:03 |顯示全部帖子

Re: 唔知點解好痛...

慘了....剛剛泵奶, 發現痛o個邊泵出來的奶唔同o左色呀!係唔係乳線炎呀?d奶係咪唔要得?變了色係咪因為有膿呀?
死啦...咁我下午泵o個支奶係咪都要掉了佢?當時我無留意d奶有無變色呀,同埋兩邊泵所以唔覺...
[size=x-large]點算呀???


大宅

國民生產總值:1210


發表於 05-1-26 10:02 |顯示全部帖子

Re: 唔知點解好痛...

有可能係乳腺塞左(未必已去到乳腺炎咁嚴重),不過如果情況冇改善就最好睇e生喇!如果唔係真係變左乳腺炎就麻煩...
我都試過類似情況,最好keep住泵奶,多d按摩,令佢唔好塞得更嚴重。用暖袋熱敷或用沖涼時用花灑(熱水)沖下乳房都好有幫助。
如果真係變色最好唔好要啦,你都唔想bb食d血/膿落肚仔啦


大宅

國民生產總值:1210


發表於 05-1-26 10:06 |顯示全部帖子

Re: Urgent!! 唔知點解好痛...

重有呀,我試過淋巴核發炎都係舉起手都覺痛(外側靠下位置)
ga!我初時都以為係乳腺炎


子爵府

國民生產總值:12328


發表於 05-1-26 10:14 |顯示全部帖子

Re: Urgent!! 唔知點解好痛...

katieman,
若淋巴核發炎,要點處理呀?我摸過,係無硬塊的,點解會痛?
我打了電話去醫生度,醫生未返到診所,但話fully booked,要遲d先覆到我有無得睇...
妳有無醫生可以介紹呀?我而家連行路都覺得痛呀...


大宅

國民生產總值:1210


發表於 05-1-27 01:22 |顯示全部帖子

Re: Urgent!! 唔知點解好痛...

如果淋巴核發炎,都係要食消炎藥喇!所以最好睇左e生,知道係咩reason好d...
其實冇話咩e生好,任何家庭科e生都可以o既,爭在你怕唔怕男e生睇乳房...唔知你今日睇左未?
你餵人奶的話,無論係咩原因都要keep住泵奶,如果d奶冇問題的話(無血無膿),都可以直接比bb啜(其實bb啜就係最好o既通乳腺方法 )痛都冇計架喇,都要keep住泵/餵奶呀!
唔係就重嚴重呀


子爵府

國民生產總值:12328


發表於 05-1-27 11:24 |顯示全部帖子

Re: Urgent!! 唔知點解好痛...

謝謝咁多位媽咪關心!!

我昨日最終去了QE,醫生開了一星期抗生素給我,至於原因,就真係唔知道...姑娘話可以無特別原因而患乳線炎。而姑娘同我檢查,都認為我無塞到,因她幫我擠奶留作檢查時,奶都出得好順利,亦沒有發現硬塊,只係好痛,痛的地方紅了一大片...所以講唔到係乜原因。
擠出的奶,姑娘及醫生都見到黃色,奶中有沉澱,但認為仍可給阿b飲。但我見到d奶變了色(啞色及濁o左)都唔敢餵阿囡,但有keep住泵奶。
今朝起身仲係痛呀,仲未完全退紅,食了止痛丸好些,但泵出來的奶好似又無乜變色,所以留起了,心思思諗住俾阿b食埋佢...唔好浪費呀,成4安奶..., 昨日前日共倒了15安奶呀...好心痛
希望快d無事啦!


複式洋房

國民生產總值:118


發表於 05-1-27 11:33 |顯示全部帖子

Re: Urgent!! 唔知點解好痛...

helen,

希望你快d無事啦... 保重呀


大宅

國民生產總值:1210


發表於 05-1-27 11:49 |顯示全部帖子

Re: Urgent!! 唔知點解好痛...

希望你好快好返啦
我都試過d奶有少少血(可能擠奶時擠傷左)醫院d姑娘都係話可以照比bb食...不過我都係唔係好敢^^我地大人大姐有得揀,都唔會食有血o既奶啦,bb冇得選擇,而自己又比佢食...好似好衰咁 :mrgreen:
當然你宜家冇事就可以比佢食啦
早日康復


子爵府

國民生產總值:12328


發表於 05-1-28 09:25 |顯示全部帖子

Re: Urgent!! 唔知點解好痛...

我見泵出來的奶無沉澱,已照常餵阿b了,仍然是沒有塞沒有硬塊,但仲係痛及紅呀...

其實患乳線炎,紅腫的部位幾時會退呢?今日已第三日,但痛的地方仍未退紅,仍然係痛(但比之前好些),似針拮似的。仲要痛多幾日呀?


複式洋房

國民生產總值:201


發表於 05-1-28 17:32 |顯示全部帖子

Re: Urgent!! 唔知點解好痛...

我都曾經患過一次乳腺炎, 今個月連續兩次乳房塞咗, 琴日姑娘先醫好我. 我覺得你嘅情況應該是塞咗, 可能你和醫生都唔識摸, 例如以下徵狀:

媽咪的乳房:
1) 奶變黃色可能是膿;
2) 乳房感覺棘痛和漲痛;
3) 乳頭有損傷, 有一塊白色嘅幕;
4) 有硬塊, 可能係好深的地方, 要有經驗先摸到;

BB:
1) 冇大便, 因為乳腺塞咗食唔到後奶;
2) 食時不停喊, 好似食唔到奶一樣;
3) 好快就肚餓, 食得好密;

我都曾經睇過醫生, 食過抗生素都冇用, 因為要將乳腺塞咗D奶揸出嚟先可以好.

首先, 你今晚用熱敷你覺得痛嘅地方(一定要用熱水和毛巾, 因為我試過用花灑水唔熱), 然後用好似英文字母C字的手型揸往乳房, 輕輕力用母指由上至下推, 推到乳頭附近用陰力一下一下按落去, 睇下有冇奶出, 如果冇就搵附近其他地方或者可能係乳房中間, 直至按到為止, 但不要太耐, 因為越按得多會令乳汁增加, 令你原本塞的地方因按不出奶而越來越塞. 其實乳房的組織好複雜, 乳線分佈不同的位置, 有時唔係一定係直線, 可能是曲的, 所以要在不同方向推和按, 如果方法是得, 你就每日做一次, 每次最多10分鐘, 唔好令佢再塞. 其實是好難講,希望你明白啦, 因為我都試過好多次都唔得,最後都要搵姑娘幫我.

如果你真想搵人幫, 你就PM我介紹姑娘給你啦! 希望你早日康復, 不要唸放棄要堅持落去呀!

你需要登錄後才可以回帖 登錄 | 註冊

© Baby-Kingdom.com Limited. All rights reserved.