超正推介--佐敦亞龍咖哩~!!!
唔知大家有冇食過亞龍咖哩呢??
我老公第一次帶我去食簡直係驚為天人 真係好好食~!!
成日以為亞媽整個d咖哩已經好正,但原來仲有高手 佢既咖哩係巴基斯坦咖哩,係有大量洋蔥,少少辣(可要求加辣,不過真係勁辣,見人食到孖潤腸嘴),香到不得之了 :mrgreen: 佢有咖哩雞,牛腩,牛利,魚,魷魚,蟹...等等~不過基本上我去到淨係用汁撈已經食晒成碟飯喇~!!!!
亞龍咖哩係係佐敦吳松街,晚飯時間要等位架,不過最耐10分鐘已等到位~平均消費$40-$50,出面可泊車~一句講晒"唔試唔得"
過去的留不住,
未來的難預測,
守住現在,當下即是~