原帖由 todiechan 於 09-9-23 20:55 發表
我想請曾經開刀生BB的媽咪分享下你的生產經歷丫~~
(1) 什麼原因令你選擇開刀呢?
因為我怕痛 (我好怕肚痛,因為以前試過痛到休克) , 怕唔知要痛幾耐, 如果痛左10幾20個鐘都係生唔到先來緊急開刀這樣又何苦呢 ! 又怕突然間bb要出世, 果d心理壓力, 所以我選擇開刀, 起碼可以預計到時間 !
(2) 老公有無陪你入產房開刀呢?
我老公有陪我入產房開刀
(3) 開刀過程大約係點呢?? 需時幾耐? 覺得恐怖嗎?
覺得開刀風險大嗎??
我果陣係 book 左 3:00pm 開刀, 2:30pm左右姑娘巳經幫我準備, 入手術時差不多 2:50pm, 麻醉師幫我麻醉之後下半身巳經冇 feeling 啦 ! 醫生 3:00pm到, 我bb係 3:15pm 出世, 我 4:30pm 巳返病房 ! 其實過程都好快 ! 醫生, 姑娘, 麻醉同我老公一齊傾計, 跟本都唔係想像中咁惡佈 ! 醫生幫我開左肚我都唔知, 係麻醉師講我同老公先知 ! 其實順產同開刀一樣都有唔同程度既風險 , 我就覺得開刀風險都唔算好大, 起碼 BB會安全D
(4) 開刀後幾耐先可以落床, 同 ...