論盡家傭

跳至

首頁
12

尾頁
   0


別墅

積分: 698


發表於 05-2-8 10:07 |顯示全部帖子

好唔捨得個工人

琴晚同工人及囡囡去買年貨,老公抱住阿囡,見唔到個工人,就即係條街大叫工人個名,到一見到佢,就笑到心花怒放.個刻我見到咁的情境,真係又忍唔住喊左出來.
重有幾日個印就完約.呢幾日個心真係好唔捨得,個感覺好強烈.成日不其然一諗起或同人講起就會流眼淚.自己都控制唔到.我都唔敢想像阿女到時會點??因佢真係痴得佢好實.唉...如果...如果...個工人係肯做好少少,我都真係情願同佢續約,都唔想換工人,搞到過年,大家都唔開心.我咩都可以忍,但掛住煲電話粥唔理阿女唔餵阿女,就真係冇計,為左阿女,佢唯有冇得留低.其實我見佢都唔捨得我地,有時一望阿女都眼紅紅.點解佢地的本性咁差,明明想打工都唔做好些,真係令我失望又心痛.
我家姐上星期都換左個工人,佢個仔都好樓計,好唔開心,好掛住個工人(又係做得唔好,偷錢..等),家姐之前都好嬲,想快d完約換工人,但佢都估唔到個工人做左咁多衰野,佢都係會喊會掛住佢.
唉....希望呢個唔想面對的時刻快d過去,我同女女可以快d接受新bun啦.但畢竟佢係我第一個工人,我真係當佢係親人多過工人,所以e+好似有個親人就快離開咁,特別傷感.你地可能話我傻,我都希望對新工人唔會咁感情用事,可以當番佢係一個工人.我唔想將來佢走,我又會好似e+咁.


伯爵府

積分: 18057

好媽媽勳章


發表於 05-2-8 10:14 |顯示全部帖子

Re: 好唔捨得個工人

DWC

佢唔識珍惜都冇辦法, 你現在最緊要係同囡囡做好心理準備, 對佢既情緒多D注意, 多D包容同耐性, 咁好快就可以過度喇.
該用戶已被刪除

發表於 05-2-8 10:45 |顯示全部帖子

Re: 好唔捨得個工人

提示: 作者被禁止或刪除 內容自動屏蔽


大宅

積分: 4221


發表於 05-2-8 10:52 |顯示全部帖子

Re: 好唔捨得個工人

DWC,
可以理解你的不捨之情.
我對工人都情同親人.
將來如果她要走,相信我都會捨不得.


別墅

積分: 698


發表於 05-2-8 11:47 |顯示全部帖子

Re: 好唔捨得個工人

各位媽咪,
真係多謝你地的回應.係到呻下,個心情都輕鬆d.同老公講,佢話我自己拎來煩 :evil: 佢話最緊要bb好,其他咩都唔會理.我都知啦,但感情的野,邊個可以控制 ?-(

P&J-MA,
你孖b現在幾大呀? 咁呢2日佢地有冇樓計要
該用戶已被刪除

發表於 05-2-8 12:10 |顯示全部帖子

Re: 好唔捨得個工人

提示: 作者被禁止或刪除 內容自動屏蔽


洋房

積分: 150


發表於 05-2-8 12:22 |顯示全部帖子

Re: 好唔捨得個工人

我下個月都要"炒"印印, 我個囡都係好有性格, 姐姐指定做mud, 媽媽做mud, 爸爸做mud, 其他人做左, 都唔得, 要repeat過. 但佢只有18months, 激死人!

所以請分享下, 有mud 要注意.

tks
pckc


別墅

積分: 698


發表於 05-2-8 12:30 |顯示全部帖子

Re: 好唔捨得個工人

p&j-ma,
hehee...我囡囡下個月也是2歲 :mrgreen: 我同你一樣,咩都交晒比工人做,e+真係唔知到時自己搞唔搞得掂??
你阿媽都叫勁丫,可以搞得掂你孖b,我阿媽係成日來,但因年紀大,只係陪佢玩下,其他野都係工人做.不過好彩我都請左2星期假.學你話齋,家務是小,囡囡與姐姐陪養感情是大.

pckc,
家姐的經驗,bb初頭1,2日都冇乜點,因佢以為工人放假.所以都肯比新工人餵食/陪訓/玩,但後來發覺唔對路,就一見新工人就喊,唔采佢,係咁痴住家姐.尤其是當佢想訓/訓醒/想食野..呢d時刻,bb真係唔想見個工人.所以家姐好辛苦,做左阿四.我諗我到時都會係咁.d導師話小朋友係咁,初初冇野,但過幾日d情緒就會出現,最緊要我地留意佢地多d.之後就會冇事架啦.


伯爵府

積分: 17559


發表於 05-2-8 12:52 |顯示全部帖子

Re: 好唔捨得個工人

買定d cheap cheap小禮物可以係食、玩ge!俾新工人俾小朋友,當然係乖致送啦!我仔仔兩星期度,俾新工人收買左啦! 睇下work 唔work!


大宅

積分: 1033


發表於 05-2-8 14:02 |顯示全部帖子

Re: 好唔捨得個工人

Dear all,

I got similar experience a year ago when my bun bun refused to continue the second contract since her sister can find another job for her. So I decided to get another one - Yan Yan. My twins need to take around 3 months' time to get along with this new Yan Yan and right now they love her very much. She is young and patient to play with my boys (next month - 3 years old. I still remembered the harsh time to go through the first 3 months. Even though our old bun bun visited us later and my twins didn't recognised her already. Kids at younger age can adapt new life easily.

Twinsbb


別墅

積分: 894


發表於 05-2-8 14:29 |顯示全部帖子

Re: 好唔捨得個工人

我真係唔明白點解會有咁複雜既情緒, 唔捨得到要流眼淚, 但又要炒佢?
如果新工人黎, 會唔會考慮唔好咩都交晒俾佢, 盡量可以自己揍B就自己揍B, 工人只做支援協助既角色, 工人始終唔係家人, 餵食陪訓沖涼甚至教育咩都交俾佢, 俾BB當工人係亞媽, 但係可能因為種種原因, BB要經歷多次同呢d亞媽(工人)分離, 對BB既成長真係唔太好.
唔好意思 呢d意見都係出於好意.


洋房

積分: 579


發表於 05-2-8 15:54 |顯示全部帖子

Re: 好唔捨得個工人

Hello

I can understand your mixed feelings - even though there is still at least one year before my maids' contracts finish and I hope to renew their contracts for at least one more time, I sometimes think about how we can cope without our maids as they love our daughters very much and treat them very well


伯爵府

積分: 18372


發表於 05-2-9 00:02 |顯示全部帖子

Re: 好唔捨得個工人

始終有一段時間過到, 可能1個星期, 又or 2個weeks, 1 mth, 我過多3個月左右都會換工人, 到時阿女3歲, 都吾知會點.


洋房

積分: 228


發表於 05-2-9 15:38 |顯示全部帖子

Re: 好唔捨得個工人

I have this experience now. I felt very hard especially when my BB looks emotional. Although he didn't tell me but I felt that he is very missed the yan yan.

However, I felt closer with my BB. Sometimes I thought that BB could not differential from me and my yan yan. Maybe he takes yan yan as his mother sometimes. But after this seperation, he is sure that I am his mother. :lol: :lol: :lol:

Let's experienced with him and took the chance to get closer with him.

Good luck for every mummy!
Happy Chinese New Year! :-P :-P


別墅

積分: 698


發表於 05-2-11 00:27 |顯示全部帖子

Re: 好唔捨得個工人

琴晚開始同bb一齊訓,等佢可以習慣我照顧佢.我聽到工人係床喊.今朝佢都同我講,好唔捨得bb,所以琴晚成晚訓唔到,佢也擔心新工人唔知會否鍚bb/打bb??今日我同老公幫bb沖涼 (因平時佢做開),也見佢眼紅紅.BB呢幾日仲好"痴"工人,要佢抱住佢,但要我同老公同時拖住佢隻手,好似我地三個為一體咁,我個心真係都好難過.仲有3日..... :cry: 我真係成日係到諗,究竟換工人係岩定錯呢 但佢真係唔珍惜我一而再,再而三咁比機會佢改 (日間煲電話唔理BB/唔餵BB/落街...等),話佢佢又唔認,話冇.仲話呢D野係唔岩,佢一定唔會做,咁我可以點??佢真係當我同老公傻架 :evil: 可能佢真係好鍚BB,但lazy/講大話係佢的天性.所以唯一希望bb可以盡快適應新工人啦.


大宅

積分: 4221


發表於 05-2-11 02:04 |顯示全部帖子

Re: 好唔捨得個工人

DWC,
既然決定了,便不要再想.
買份小禮物給工人.好頭好尾.
交換聯絡地址,過節寄卡表心意.
將來也可以教孩子寫卡寄給曾經湊過他的姐姐.

你們對工人都有情有義,相信新工人都會感受到.


洋房

積分: 228


發表於 05-2-11 14:57 |顯示全部帖子

Re: 好唔捨得個工人

尋晚我個仔流鼻水,瞓唔到覺,我個新工人瞓到好似死豬咁,個仔喊到拆天她都聽唔到,都唔知佢係扮野定係真係咁懶瞓!嗰時我真係好掛念個舊工人,如果佢喺到可以幫手抱下,我同老公都冇咁辛苦! :cry: 而且個仔跟慣佢,以前仔仔半夜醒來,都要我抱一抱他,待他安靜下來,再交給工人抱他睡,他很快便會睡着。但就...... :cry:
唉!好辛苦!都唔知幾時才可放心放手給新工人!
無論如何,都冇可能返轉頭!點辛苦都會捱完的!
係佢錯在先(又偷錢、又借錢、又懶、又黑面.....)我唔炒佢已經仁至義盡! 所以就算幾唔慣,佢都係無得留低!
奸爸爹!各位媽咪,唔好比啲工人咁得戚!


別墅

積分: 698


發表於 05-2-13 00:47 |顯示全部帖子

Re: 好唔捨得個工人

pc9 & christinatse,
多謝你地的支持

christinatse,
你都要努力努力 為左我地的bb,點辛苦我地都會頂得住 只不過係e+有些唔慣,過一排一定冇事.佢呢幾日真係好好,係咁抺野,仲成日喊. 唉....仲有一日.... 其實我心諗究竟佢知唔知衰乜我唔同佢續約架?我真係好想話比佢聽,但...算啦,好頭好尾.


男爵府

積分: 8191

牛年勳章 美好大世界2017勳章 好媽媽勳章 醒目開學勳章 畀面勳章


發表於 05-2-13 22:57 |顯示全部帖子

Re: 好唔捨得個工人

DWC,

睇完後, 真係好 touching, 唔知點解我仲喊了出來. 可能我都是第一次請yanyan, 而我自己都有個囡囡, 依家一個月大. 下個月我就放完產假, 要返工了. 其實我成日都有點唔開心, 因為怕我的囡囡跟工人多個跟我, 所以bb剛出院頭幾天本來是跟工人一起睡的, 後來我決定將bb床擺番係我自己房. 因為我唔想我的bb時時都跟著工人. 同時, 亦都唔想佢持住有我個囡囡做皇牌.....

其實最初, 我的工人來時, 我當佢似朋友多個工人. 但後來, 佢來了兩個多月, 我發覺佢開始懶惰. 所以我同自己講, 一定要保持賓主關係, 好個將來感情用事, 唔開心.... 唉! 算la~ 其實我都唔知自己講緊mud..

不過, 最後希望你的囡囡可以快o的適應新來的姐姐, 忘記舊姐姐.


別墅

積分: 698


發表於 05-2-14 13:06 |顯示全部帖子

Re: 好唔捨得個工人

mummy_cherry,
其實換工人應該係好平常的野,不過係我眼淺姐.不過真係,唔好對工人太好,唔係佢會變衰,呢個係我的經驗.我個工人開頭都好好,但我比佢出左mobile後,佢就開始變.

首頁
12

尾頁

跳至