吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 好唔捨得個工人

論盡家傭今日: 8|主題: 133703

收藏本版

發帖

返回列表

跳至頁

樓主: DWC

好唔捨得個工人 [複製鏈接]

小恐龍

別墅

積分: 687

21^#

發表於 05-2-14 14:44 |只看該作者

Re: 好唔捨得個工人

雖然我賓賓仲有大半年先完約，但我已經開始煩而個問題，佢係我第一個工人，到完約已經做左四年，佢又係一個字….懶，佢對我仔仔幾好，我仔都好跟佢，好似上星期初一二三工人放假，呀仔朝朝一起身第一句唔係講早晨，係問”姐姐係邊”，有時食食下晚飯佢都問點解姐姐未返…..，我唔係想慳長期服務金，如果佢做得好，我真係唔想請新工人，又要由頭教佢，適應過，但係佢實在太懶，摺衫摺一個鐘，廚房d廚櫃門、抽油煙機頂、窗口、地下油淋淋，雪櫃你唔叫佢一定唔會抺，真頭有血水係到唔會抺，都唔知佢係有老花睇唔到定懶，支豉油可以”痴”塊菜葉係度，我最唔明係個水龍頭，佢日日用都可以油淋淋，廁所又係，我放左都幾多化妝品、lotion、香水等物品係枱面，但永遠係佢自己d用品就冇塵好乾淨，我同呀仔d就污穢到死，d lotion/梘液可以流晒出黎都唔洗洗佢，d香水我幾個星期冇用就”痴”晒塵，總知你眼見就覺得ok幾乾淨，但係你睇真d，真係以前未生仔未有工人只係自己星期日放假做半日，都仲要好過佢多多聲，我每晚放工都會check電話紀錄，佢每日必定有傾幾個電話，但我個電話冇時間睇到，其實我都冇所謂，你做得晒屋企野唔過份我唔理，但佢最唔要得係我話極佢都係成日開電視比我仔睇，個仔企到好似聞電視咁佢都唔理……我真係要求唔高(唔係佢都唔會做到四年)，佢冇打斧頭，錫我仔仔，唔駁咀，不過佢都幾唔識做，我一有朋友來佢就走入房唔出來，連茶都唔比杯人飲…….其實有冇人可以話我知究竟請到好工人既機率有幾高??? 我真係好驚下一個仲惡頂…….

私人傳訊

DWC

別墅

積分: 698

22^#

發表於 05-2-15 01:09 |只看該作者

Re: 好唔捨得個工人

個工人終於都走左.佢做到最後一刻.1d手尾都唔留下.洗晒全部衫/床單,連新工人將床都舖埋.佢一路做一路係咁喊,見我個女走,仲喊得勁.到執包服時又喊到隻狗咁,好似比人趕走咁.個情境真係好慘,我覺自己唔請佢,好似好衰.都搞到我係咁喊.
今日係第一晚冇舊工人,個心情好複雜,但慶幸新工人都搞到bb,bb肯比佢抱 & 同佢玩,但唔比餵/換片.但都算係一個好開始,我岩岩搞掂bb訓,暫時都好彩,佢冇提起過個舊工人,不過唔知過2日會點?因專家話bb's 掛念情緒會過2日先出來.
我琴晚忍唔住,同老公都有話佢.我對佢講:你係我地面前真係做足200分,但背後真係令我一次又一次失望.你唔好以為我地唔知,只係想比機會你炸. 叫佢好好地做新工,唔好再做衰野,唔係冇乜邊個好似我咁傻,實聽返印都得啦. (我諗佢聽得明我地講乜掛??)

小恐龍,
你個心情同我當時一樣,心情好矛盾,驚一個比一個衰,但最後都決定換個新,比自己/bb一個機會.唔好再委曲求全 :evil: e+都叫同佢好頭好尾,比佢完約,我對佢都係咁啦.不過係佢自己唔識珍惜.e+就算佢肯改都太遲啦.其實佢本性都唔係咁差.希望佢可以去新僱主到做番個好工人,生生性性啦.

私人傳訊

YuYuMother

水晶宮

積分: 59592

hashtag影視迷勳章畀面勳章 BK Milk勳章

23^#

發表於 05-2-20 07:36 |只看該作者

Re: 好唔捨得個工人

我好明白你地既心情........我個印印今朝飛啦, 佢係我第一個工人. 我個女好鍾意佢, 佢做家務好掂, 咩都幫我攪掂曬, 我完全唔需要擔心.

我都想同佢續約, 不過佢老公要佢返去生仔, 所以要走. 我呢兩日自己諗起都眼濕濕, 好唔捨得佢. 女女都知姐姐要走, 因我之前已同佢講左. 呢幾日佢成日都叫姐姐唔好走, 叫姐姐係我地屋企生BB......而家個女仲訓緊, 不過我估佢訓醒見唔到姐姐一定喊, 希望過幾日就無事啦!

新工人前幾日已到, 我個女暫時都接受到佢, 不過因為舊工人仲係到. 今日開始舊工人走, 唔知佢會唔會抗拒新工人呢?? 唉~~~希望一齊順利過渡啦! :cry:

私人傳訊

DWC

別墅

積分: 698

24^#

發表於 05-2-21 00:47 |只看該作者

Re: 好唔捨得個工人

yuyumother,
努力d啦,好快涯過

你個女幾大呀?
我工人走左1星期.頭3日我就2公婆簡直想死,bb半夜係咁喊,我地要輪流企係到抱到佢天光,佢又唔跟新bun,痴到我連toilet都去唔到.個舊印打返來,我地真係一齊係到喊.我同老公都諗住如果真係頂唔順,諗住炒左個bun,要番舊工人.不過好在個bun好掂,佢try her best去照顧我bb,仲叫我地訓覺/去街,就算bb喊,都比佢試搞,好在bb喊住都肯跟佢.雖仍有一點抗拒,但總算係一個新開始.新bun的工作能力真係一流(同舊印比),佢每日都比驚喜我地,會主動做野,全自動波.係同bb的相處差小小,但我諗時間耐左一定冇問題.佢仲會train/敎我bb,唔會好似舊印咁"種/就"晒bb.所以現在我個心先叫定下來,唔駛咁擔心.叫做請到個好bun.希望佢一路好落去啦 :mrgreen:
今日我地同舊工人見面(其實好多人都叫我唔好咁做,做新工人都係咁講,但我真係忍唔住.),bb係咁痴住佢,一定要佢餵/抱,我同老公可以食番餐安樂茶飯.佢仲買左個琴比bb.見到bb呢個week都未試過咁開心,真係又有小小心酸 :cry: 好彩大家的心情已平伏.臨走時都冇好似last day咁激動.bb都係樓幾下,要佢一齊返家,不過好彩最後都冇事炸

我諗暫時真係唔可以比佢地見面,唔係個新工人所盡的努力就會白費

私人傳訊

YuYuMother

水晶宮

積分: 59592

hashtag影視迷勳章畀面勳章 BK Milk勳章

25^#

發表於 05-2-21 10:21 |只看該作者

Re: 好唔捨得個工人

DWC,

我個女3歲半呀, 返緊K1.

我工人尋日走, 我都有係房喊到豬頭0甘. 我個女有問姐姐去左邊. 我話佢返左屋企, 佢話唔係呀, 姐姐去左買野之嘛, 遲d會返, 我真係覺得心酸, 直頭想抱住呀女一齊喊.......

我又唔高興個新工人手腳慢, 我老公已經叫我唔好成日比較, 盞自己唔開心....頭先同我媽咪講開, 直頭即刻喊. 一來好掛住舊工人, 二來真係好擔心新工人搞唔掂.

佢每日要揹我個仔帶大女落樓搭校車, 我個女換校服又扭擰, 如果佢攪唔掂我個女就好易遲, 校車唔等就要行路返學校. 雖然唔係好遠, 但係我唔想工人揹我個仔帶佢行返學. 好天都話丫, 如果落雨就麻煩啦. 佢今朝同我個女換衫好慢, 差d遲到. 我同佢講, 你遲d仲要揹埋細佬, 唔快手d點算??

我係咪太緊張? 我應該比幾多時間佢習慣? 如果攪唔掂, 我係唔係應該換人? 但係換人我又要請假再train.....真係好煩呀!!!

舊工人臨走時我都有同佢講, 如果第時想返黎香港做就搵我. 不過我諗都無機會囉, :cry: :cry: 因為佢老公係印尼做生意, 叫做有d錢......所以先叫佢返去生仔, 唔好做.

私人傳訊