大仔大女媽媽會 今日: 0|主題: 177853

祝大家bb快高長大先~

事原係咁既...琴日年30去奶奶到食團年..都冇野既...頂又要人地初一早上7點幾8點過到佢到...過去食湯丸喎= =跟住就睇佢d親戚係到打馬吊..(咁不如走)..但夜晚又話要過去食飯..都未完呀..到初二老爺生日擺酒..又話去飲(年年都係咁)
明唔明點解我唔開心呀...老公又要返工..得我一個帶住bb周圍走= =....我唔係話唔想去老爺到飲....因為個個仔都比左錢..今年3000蚊(only比擺酒錢)..
奶奶仲要想話叫咪我亞媽去..ja係點？= =......我亞媽係唔想去..因為去到d人又唔識..又要派利是..大佬唔識都要派？我亞媽新年又要返工唔通仲去咩...又要比人情...錢就佢地收曬..擺酒就我地出...真係好唔開心..我嫁左後就冇做野...亞媽到就少左錢..而家仲要佢大出血..我真係做唔到law...
仲要年初一..二都唔可以返亞媽到拜年..因為要去奶奶到...唔通初三先去咩？初四打後我又覺得太遲...唉...好煩..好唔開心 :-(
上年我就係初一跟左奶奶佢地...又唔比人走...睇住佢地打馬吊.... ?-(
琴日團年都嬲到我爆..亞b想訓...奶奶又唔比佢訓仲要抱住佢食飯...d汁又整曬落亞b d衫到 :evil: ..跟住仲要大大聲話買新既比你law....咩意思呀？跟住佢又話佢餵亞b食奶...點知食完又唔掃風...

同同:
點解大家都有呢個問題存在, 係咪一定唔去唔得呢!
我地去食團年飯時, 我地年初二先去拜年, 佢己經講定要BB四圍去逗利是喎! 大老個o的人你識, 我又唔識, 去到成村人都要派, 包幾多先夠呀! 就算包幾錢一封都要我地聽, 話呢個買個尿片比BB(一包半包咁大把)比佢一百一封佢對仔女(2人), 總共四百, 比姑奶(未婚)又話要至少都係一百一封, 最好五百咁話, 咁即係點, 我成個月人工比佢好冇......
而家同老公講緊, 去拜年最多逗留兩三個鐘, 仲要唔比佢帶BB走圍去, 希望到時過得快o的啦!
p.s. 食完團年飯, 仲話不如我地留係度過夜, 我打死都唔濟架啦! 直到永遠永遠都唔濟

我都祝咁多位bb 快高長大, 最緊要健健康康!

我今年既新年都好唔開心呀, 因為老公唔響香港囉, 離開成十幾日咁多. 呀b 第一年過新年佢都唔響我地身邊... :cry:

我同bb 今日簡直係虛脫呀. 當然今日又要去奶奶屋企啦, 聽日都要呀, 話開年喎... 我奶奶又係好似同同奶奶咁, 小b 好眼訓, 佢有意無意攪醒佢, 又抱住佢食飯... 其實呢d 事情我開始都習慣啦, 因為獲獲上親奶奶屋企都係咁架.

係呀, 我奶奶又係爭住餵奶架. 今日我冇泵奶出黎, 下午要同奶奶飲茶, 飲飲下bb 餓, 當奶奶知道我冇泵奶出黎比佢餵佢都有d 唔高興, 跟著我話去育嬰室餵佢, 佢居然話"唔駛啦, 響道(成圍人面前)餵咪得囉, 用條巾遮住". 我采佢都有味啦!

同同& fion,

我唔係幾鍾意我老公o既6叔。記得結婚后第1年去拜年，老爺已經捉我地倆公婆晨咁早由東九龍去上水。 (我老爺最大，唔明做乜要先去佢細佬度拜年)去到o個位亞叔仲同周公傾緊計。

入到佢屋企，好似要我地 "查找不足"咁，一味 " e e 鵝鵝''。心諗：哎丫！同你唔係好熟，一來到就係咁比你 "um''，真係唔係幾順氣。

男人老狗一見我地就想下馬威，我地做後輩o既，唔會即刻反臉，但以後佢想我恭恭敬敬對佢就好難。

大年初一咋！
唔好唔開心啦！！

今年雞年，我地猴年的小BB健康會差ｄ架！
不如姊妹們大家一齊focus on我地個寶貝
唔好理ｄ乞人憎的麻煩友啦！！