意見反饋
義工

嬰兒醫護 今日: 1|主題: 77656

查看: 648 | 回覆: 5
好擔心...亞囡連續兩日都流鼻血 :-?


男爵府

國民生產總值:8888


發表於 05-2-15 00:17 |顯示全部帖子

好擔心...亞囡連續兩日都流鼻血 :-?

囡囡4歲幾大,咳咗4日,第一日醫生未開工(新年)第二日睇咗私家,話感冒同少少喉嚨發炎,夜晚高燒39.8度,第二日喉嚨腫晒,一起身就咳到唔停兼流鼻血,再去醫生到攞咗支消炎藥,食咗兩次都無轉好到 :-( ,瞓覺又一路咳一路瞓,第三日起身都係勁咳,跟住又流鼻血,頂唔順去睇醫院急症,醫生睇過肺同氣管都好清,話係上呼吸道感染,喉嚨仲有d腫,話係傷風可能會引致流鼻血,但亞囡無流鼻水,呢幾日又食咩嘔咩,成個人都輕咗,頭先啱啱又無啦啦流鼻血,要瞓低成5分鐘先唔再流,而且今日成日都燒,維持係38.x度,食咗藥都無退,個咀邊出咗好多粒粒,唔知係咩,隻手仔都有d紅點,但唔癢同個身都無,我好擔心,如果佢聽日再流鼻血,我帶佢去睇街症要求驗血or同個鼻檢查,得唔得嫁?定一或入私家醫院同做全身檢查好(有保險),但一入院要夠過夜,怕個細仔唔見姐姐同媽咪會好唔開心 :-( :cry: :cry:
sorry.好長氣,希望各位可以比d意見我!


大宅

國民生產總值:4169


發表於 05-2-15 01:06 |顯示全部帖子

Re: 好擔心...亞囡連續兩日都流鼻血 :-?


睇街症要等好耐喎,你想要求驗血or同個鼻檢查,除非你個仔的病症好嚴重又或者個醫生好好人啦(而家都無乜會見到咁好的街症醫生囉!) 你都唔駛諗.

我覺得你應該再同仔仔睇醫生, 因為你個仔好似無乜好到, 又成日發燒, 又出"疹"(我估架咋, 不過好似聽人講過發燒犀利都會身上出現好多點), 加上而家d病菌好犀利, 尤其是呼吸道感染及傷風, 我個囡試過比超過3種病菌"前後夾攻"互相交义感染變種, 又係成日發燒, 塞肛退燒都無用, 差d要打退燒針, 最後醫左成兩個月, 佢食藥食到"落晒形", 我同老公睇都好痛心 :cry:

所以我明白你而家的心情, 我覺得你最好同仔仔再去醫院睇急症又或到私家醫院睇多一次, 務求check清楚係乜野病菌令個仔病成咁. 希望你仔仔快d好. bless you.


男爵府

國民生產總值:8888


發表於 05-2-15 01:37 |顯示全部帖子

Re: 好擔心...亞囡連續兩日都流鼻血 :-?

tpy,
多謝你既回應同分享,今日急症個醫生睇症都幾細心,但問佢嘢時就答得好"拿西",不過佢都叫我有咩隨時返去睇,我都唔係好想去睇街症,係因為諗住平d咋!聽你咁講我都要諗清楚d先好:-( :-( 唉...真係好怕對仔女病 :-( :-( 又心痛又無奈 :-(
p.s 係我囡囡病,唔係囝囝


水晶宮

國民生產總值:51159


發表於 05-2-15 08:42 |顯示全部帖子

Re: 好擔心...亞囡連續兩日都流鼻血 :-?

boey

你囡囡流鼻血唔好比佢瞓低,要個頭向前少少傾,如果你比佢瞓低,鼻血會流去個喉嚨到架,我覺得你去再睇多一次醫生會好d!希望你囡囡快d好番啦!
boey 寫道:
囡囡4歲幾大,咳咗4日,第一日醫生未開工(新年)第二日睇咗私家,話感冒同少少喉嚨發炎,夜晚高燒39.8度,第二日喉嚨腫晒,一起身就咳到唔停兼流鼻血,再去醫生到攞咗支消炎藥,食咗兩次都無轉好到 :-( ,瞓覺又一路咳一路瞓,第三日起身都係勁咳,跟住又流鼻血,頂唔順去睇醫院急症,醫生睇過肺同氣管都好清,話係上呼吸道感染,喉嚨仲有d腫,話係傷風可能會引致流鼻血,但亞囡無流鼻水,呢幾日又食咩嘔咩,成個人都輕咗,頭先啱啱又無啦啦流鼻血,要瞓低成5分鐘先唔再流,而且今日成日都燒,維持係38.x度,食咗藥都無退,個咀邊出咗好多粒粒,唔知係咩,隻手仔都有d紅點,但唔癢同個身都無,我好擔心,如果佢聽日再流鼻血,我帶佢去睇街症要求驗血or同個鼻檢查,得唔得嫁?定一或入私家醫院同做全身檢查好(有保險),但一入院要夠過夜,怕個細仔唔見姐姐同媽咪會好唔開心 :-( :cry: :cry:
sorry.好長氣,希望各位可以比d意見我!


男爵府

國民生產總值:8888


發表於 05-2-15 11:29 |顯示全部帖子

Re: 好擔心...亞囡連續兩日都流鼻血 :-?

HIN_bb ,
多謝你!
原來唔可以瞓低嫁 ,尋日因為仰起頭都不斷流,咪叫佢瞓低,我下次唔會嫁喇!頭向前少少傾係唔係積係好似有少少向前彎腰咁? 佢今日無咳咁西利喇!不過就流鼻水,我再觀察吓,如果佢晏d重有流鼻血,我就同佢入院全身檢查 :-| :-|


水晶宮

國民生產總值:51159


發表於 05-2-15 11:49 |顯示全部帖子

Re: 好擔心...亞囡連續兩日都流鼻血 :-?

boey

你認唔認得我呀,我地係小龍會聖誕節party見過啦!
係呀!流鼻血要向前彎腰唔好個頭向上,希望你囡囡快d好番啦!

boey 寫道:
HIN_bb ,
多謝你!
原來唔可以瞓低嫁 ,尋日因為仰起頭都不斷流,咪叫佢瞓低,我下次唔會嫁喇!頭向前少少傾係唔係積係好似有少少向前彎腰咁? 佢今日無咳咁西利喇!不過就流鼻水,我再觀察吓,如果佢晏d重有流鼻血,我就同佢入院全身檢查 :-| :-|


© Baby-Kingdom.com Limited. All rights reserved.