意見反饋
義工
查看: 859 | 回覆: 12
[2004年或之前] 有無幫bb買保險


男爵府

國民生產總值:5488


發表於 05-2-15 00:42 |顯示全部帖子

有無幫bb買保險

你地幫bb買了乜保險?今日個sales建議我買儲蓄人壽,醫療同住院,加埋一年$14000...我想知點買先啱呢,你地又幫邊間買...我傾緊個間係寶城..
我的大寶貝喜悅晴朗  我的小寶貝光明喜樂
我的編織作品溫暖牌  


子爵府

國民生產總值:10537


發表於 05-2-15 02:22 |顯示全部帖子

Re: 有無幫bb買保險

smilesun:

我已經幫阿囡買左啦; 買左人壽, 住院, 危疾 (無買儲蓄)! 呢份供5年, 5年後唔駛再供, 保到阿囡70歲; 我主力買住院! 我幫AIA買架!

另外, 講到最大開資莫過於幫佢買另外一份 "讀書基金", 簡直就好似供樓咁供! 我選擇供10年, 不過我同老公係未有阿囡之前已經想幫銀行買基金儲錢, 而家阿囡做左我地個推動力, 終於買左lu!

至於醫療, 我唸住等阿囡讀書先考慮買, 因為我唸住佢番學多病d(大吉利是), 咁樣個陣開始買都未遲!
(不過有一點好矛盾, 如果買左醫療保, 阿囡去睇醫生, 要睇番保險公司on list既兒科醫生, 我係到唸... 小朋友睇醫生講夾架嘛, 我成日覺得保險醫生係麻麻地, 所以真係要唸一唸; 但若果唔買醫療保, 到時成日睇醫生條數有好"甘")


男爵府

國民生產總值:5488


發表於 05-2-15 10:08 |顯示全部帖子

Re: 有無幫bb買保險

yoyobb

你買左人壽, 住院, 危疾 (無買儲蓄) 供5年呢份,有無得攞番架,住院係實報實消,定係每一日俾一個固定金額呢?

我個sales建議我買一份人壽係儲蓄的,供十年唔駛再供,到佢十八歲可以另外派一個金額(佢話可以俾bb讀大學),同埋保證續保(佢話呢樣好重要).另外再加一份住院,原來小朋友同成人一樣價錢...

我聽完好似明又好似唔明...都唔知點買好!你有無問多幾間架?我又係唔係買多幾間好呢
我的大寶貝喜悅晴朗  我的小寶貝光明喜樂
我的編織作品溫暖牌  


大宅

國民生產總值:2623


發表於 05-2-15 10:32 |顯示全部帖子

Re: 有無幫bb買保險

我同囡囡買左2份保險,分別同A & B保險公司買(我唔想係度賣廣告,想知就pm問我啦),我個時比較左呢兩間公司,發覺A始終係一間歷吏悠久既大公司,好多細節都做得好過其他公司,同埋我睇番佢地前幾年既投資回報都唔錯,所以同佢買個份儲蓄成分較多;另B公司我就同囡囡買左份住院既,因為B係一間較新既保險公司,我發覺佢保費較平但賠償額較高,但缺點係一定要"lung"住人壽一齊買先可以咁平。所以我就將A個份既保額分一平同B買囉~ 咁樣分開買,唔單止保額無變,重每月平左幾十蚊添~

Prudence is my Treasure. She was born on 04 Nov 2004~ p:-Dq


男爵府

國民生產總值:5726

育兒性格勳章


發表於 05-2-15 11:10 |顯示全部帖子

Re: 有無幫bb買保險

我都幫阿b買左儲蓄。
本來想買醫療架,即係住院果d呢,佢話可以claim足喎,不過我諗黎諗去都諗唔到屯門有咩野私家醫院,最近都好似要去到荃灣,咁阿b有咩大吉利是野,緊係想快d睇架啦... 如果下下要出到去荃灣,好似唔知點咁.... 家陣都未決定到買唔買好。 ?-(


子爵府

國民生產總值:10537


發表於 05-2-15 17:00 |顯示全部帖子

Re: 有無幫bb買保險

smilesun:

我幫阿囡買個份保險無得攞番架, 純粹真係買保險架! 住院上限一次可claim $388,000, 按住院時, 醫院receipt照claim(即實報實銷); 我其實好著重買住院保障, 因為真係有用, 唔駛下下靠政府醫院, 慢十拍; 至於人壽和危疾我地買好細, 呢d等阿囡大個左覺得唔夠自己再買過啦!

另外, 我自己唔鍾意買保險買埋儲蓄架! 因為我自己本身份保險有買儲蓄, 每個月儲得小小錢, 但係每月供款又大左 , 等自己老左儲左係保險公司既錢又唔值錢! 靠呢筆錢, 不如自己儲好過, 我以前買就係唔識野, 而家覺得幫襯保險公司買儲蓄好搵笨! (呢d好個人意見, 可能其他人唔係咁覺得)

我自己一心都係唸住幫襯AIA, 所以無問第二間啦!

另外, 我覺得想比阿囡有錢讀書, 不如實際d買基金儲錢好過, 最小好似供樓咁比個期限自己, 我係度唸.. 有時既野話唔埋架嘛, 可能阿囡未到大學, 已經想比佢去第二度讀書, 要既係錢, 我唔想等佢18年呀, 所以我買10年基金, 不過我建議基金自己問下保險, 又問下銀行(我自己都問左AIA, 又問過三間銀行(HSBC, SCB & 上商銀行)! 其實買基金唔可以同保險一齊講, 因為基金純粹儲蓄, 不過叫做好息口d既儲蓄!

我個陣又好似妳而家咁煩, 左問人右問人, 不過最緊要自己兩公婆唸清楚要買d咩, 咩先係需要, 先叫保險agent出建議書, 從自己既決定為出發點, 先聽agent既建議呀! 咁樣會好d架!


大宅

國民生產總值:1368

好媽媽勳章


發表於 05-2-16 00:31 |顯示全部帖子

Re: 有無幫bb買保險

Smilesun,
我係買國衛,醫療同教育基金,醫療大約$2000一年呢o的唔claim就更係無得取回,教育基金做15年,送一世人壽,其實現在好多保險公司都係咁!一年total 大約$12000!(已計埋醫療)


大宅

國民生產總值:3610


發表於 05-2-16 01:57 |顯示全部帖子

Re: 有無幫bb買保險

to:yoyobb
我老公做保險o既,佢話醫療保險平d保少d,貴d就保多d,
一次claim38萬,唔算高額,因為裏面會每樣都有限制,例如每日房租.醫生巡房.每次手術費等,所以3萬醫院洗費,都有可能要自己倒貼幾千蚊,因為當中有可能有份部會超額,所以你要睇清楚自己份保單.

我老公話,平o既醫療保險有可能因為claim過或claim 得太多會於續保時加價,甚至唔續保,但貴d o既醫療保險就保證終身續保,不受claim多少次影響,所以希望你睇清楚自己份保單,以免將來claim錢時唔夠用,覺得俾人搵笨,始終係一分錢一分貨,平d就會有多d限制.

希望我老公以上俾o既資料可以幫到你啦.


to:smilesun
細路仔買醫療保險係好事,因為細路容易病,有事起黎靠政府醫院有排驚,檢查要排期,醫生又唔知有幾多經驗,仲有
好o既醫療保險,細個買左,將來無論身體有乜變化,都保證終身續保,因為醫療保險係會每年按情況續的.

另外,至於儲蓄或教育基金,就按你地能力同將來有幾多俾bb去讀書,現在供多d,第日就拿多d,始終第日多d錢,仔女讀書都可以揀去唔去外國讀大學,否則讀書唔好,中學畢業又冇錢供佢讀,又冇錢供佢去外國,到時就唔知有乜出路.不過,千萬唔好夾硬黎,供供下供唔起斷供就徙哂,蝕底,

我家有三個妹...


大宅

國民生產總值:2764


發表於 05-2-17 23:28 |顯示全部帖子

Re: 有無幫bb買保險

fostermak,

乜原來你老公都係做保險?咁啱嘅,我都係呀,唔知會唔會係我同事呢? ?-( :mrgreen:
沈師奶


版主

國民生產總值:132395

玩具勳章 趣教勳章 好媽媽勳章 醒目開學勳章 畀面勳章 叻叻勳章 有「營」勳章 版主 wyeth冷知識勳章 睛靈勳章 2011至尊種植勳章 環保接龍勳章 大廚勳章 遊學勳章 BK猜猜猜慶中秋 冬日勳章 春季勳章 炎夏勳章 秋日勳章 hashtag影視迷勳章


發表於 05-2-18 00:00 |顯示全部帖子

Re: 有無幫bb買保險

ivysum:

我姐夫都係喎... 佢O向P記, 你呢?
            


子爵府

國民生產總值:10537


發表於 05-2-18 11:48 |顯示全部帖子

Re: 有無幫bb買保險


CrystalMok:
國衛買教育基金有人壽送咁好既! 想請問妳地係咪買好大金額先有架???

fostermak:
多謝提點呀! 其實買保險真係好煩呀, 而家叫做買左, 係嘛阿囡有咩事, 就算陶銀包, 都唔駛咁傷!
我都好認同妳既講法呀! 我有個同事個囝番左學之後成日病, 佢話政府醫生做事好隱陣, 講到病情點點點嚴重...又成日靠嚇! 個囝又成日留院, 又要打鄺生素, 病左食藥都無用, 一定要打鄺生素, 打到佢個囝身體好弱, 無晒自己既免疫; 之後佢開始睇番私家, 佢都話完全兩回事, 所以佢都叫我計劃定阿囡讀書會病睇醫生既錢喎(大吉利是), 如果無保險真係好傷架!


大宅

國民生產總值:2764


發表於 05-2-22 15:20 |顯示全部帖子

Re: 有無幫bb買保險

小倩,

沈師奶


大宅

國民生產總值:1368

好媽媽勳章


發表於 05-2-25 00:14 |顯示全部帖子

Re: 有無幫bb買保險

yoyobb,
我買果個叫"全方位15"基金儲蓄計劃,每年供$8765.4,供15年!我怕自己搞錯我特登再問多次Agent,係真係送一世人壽!


  • 搜 尋
  • APP
  • 網 站
© Baby-Kingdom.com Limited. All rights reserved.