吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› 求救! BB 食飽左但係一訓上床就喊

母乳餵哺今日: 0|主題: 85693

收藏本版

回覆發帖

返回列表

跳至頁

樓主: catmom29

求救! BB 食飽左但係一訓上床就喊

stliu

大宅

積分: 2647

發表於 09-10-21 08:56 |顯示全部帖子

All,

我覺得我地好犀利架喇! 可能日頭要返工或在家做家務, 又要照顧初生兒...
我自己都試過, 大仔出世冇耐, 半夜我一個在廳餵佢, 佢食完又唔瞓, 搞到我都打左佢pat pat一下, 之後又係勁後悔.

同大家分享個好得意的片段, 之前唔知係咪都有mami post過, 係令嬰兒不器的方法, 好意架... 有時間去睇睇.我試過, 真係得, 但要不斷整果D聲, 自己個口都好攰! 哈哈.

http://www.youtube.com/watch?v=w26O3z7IEH0

原帖由 catmom29 於 09-10-21 08:34 發表
新的一天, bb又喊啦...不過我今日會嘗試用唔同心態去面對...又要從bb角度去諗下....抱就抱啦!
多謝你kristinecheng, stliu and 咁多位!

私人傳訊回覆引用

crystalpui

伯爵府

積分: 18286

好媽媽勳章醒目開學勳章畀面勳章

發表於 09-10-21 10:04 |顯示全部帖子

我try過
唔得呀

私人傳訊回覆引用

kristinecheng

大宅

積分: 1805

發表於 09-10-21 10:52 |顯示全部帖子

Rilley, Catmom, Winnie：唔使客氣，你地經歷緊既嘢我都仲記憶猶新（我個b先得4個半月咋），我當時都冇法想像1﹑2個月後既今日，我會咁enjoy湊b

其實，正常黎講，bb狂喊既情況係會慢慢好轉，因為：

1. 佢會慢慢識得用唔同既「叫」法去表達自己唔同既需要。我記得阿b大慨2個半月至3個月到，就開始唔會用「喊」黎表達要求（當然如果佢叫完都冇人理佢行動昇級就另計啦）。

開頭我地都好困擾，唔明佢想要咩，不過佢越大你就會越識得分辨，宜家連我老公都識分。例如最近我阿b厭奶，我奉行少食多餐，不過啲時間打亂晒，有時見佢開始忟忟憎憎，都唔知想點，佢忟憎一陣好快就會行動昇級（叫），我地發現如果佢係想食既，會叫得燥啲，如果想瞓既，就冇咁燥（因為仲拖得），就係憑著呢啲少少既分別，trial & error，慢慢你就會同你bb建立一套獨有既溝通語言。

其實bb喊（尤其係初生），都不過係佢暫時唯一識得同你溝通既方法，有邊個想咁晒氣力去喊吖。佢大啲，識得其他方法，喊絕對唔係佢首選既手段。

2. 佢大啲，當佢越適應呢個世界（例如佢交感神經開始成熟皮膚已經可以調節溫差），佢就會越少喊。個人既生活舒服咗，係唔會冇啦啦喊，你要知道，喊都係一種好晒氣力既活動。

不過有一點要留意，唔好「縱」bb。細細個（一歲前）冇錯係唔識咁有機心特登用喊黎扭計。不過你諗吓，如果呢一年佢都可以用喊黎達到佢既生理要求，到佢識得扭計，佢會用咩嘢手段黎達到佢既「心理要求」吖？

所以當bb大啲（過咗初生1-2個月到），我地要主導番，開始「教育」bb。首先我覺得bb喊，大人係一定要立即response（我家姐嗰時兇我一定唔可以理bb，佢話由佢喊一個鐘嗰套我係唔buy既），因為我睇過書咁係會影響佢心理發展。大人回應bb既喊，係一種信任既建立，要佢知道，佢唔係孤獨一個，爸爸媽媽係會係佢身邊幫佢。But，唔代表我地要用bb想既方法去幫，我地係要用對bb好既方法去幫。點解唔可以抱咁多bb，除咗因為大人辛苦，最緊要係會影響佢development。有個姑娘同我講，點解宜家啲bb普遍唔可以好似以前啲b咁「3仆6座9扶籬」，就係因為俾人抱得多。所以重點係我地要立即response bb既訴求，不過如果bb單純只係想要安全感同扭瞓，我地可以先試其他方法，抱係最後一項先用既方法。而且，每個試既方法都係要有耐性，唔好以為一次就得，要知道，你係教緊一個完全冇「做人」sense既生物，佢好可能要你repeat起碼10次，先知你想做咩，總之搵啱你bb buy既方法，就一直follow住做，即使有某幾次唔work，都唔使灰心，佢總會習慣的。

我嗰時因為手碗骨膜發炎，唔可以成日抱佢，冇辦法，只可以試其他方法settle佢。可能由我駝佢開始我成日唱歌俾佢聽，到佢扭計想抱既時候，我會唱歌，唔work，加埋跳舞，都唔work（有時喊到咪實眼都唔會望我），就同佢按摩大比仔先，咦，work喎，就打蛇隨棍上又跳番舞同唱歌，到玩咗一輪，佢開始攰，又喊我先抱佢，一抱就瞓著，起碼慳番好多抱既時間。

另外就係佢大個啲，同佢set日常生活既時間表，都係好重要，不過呢環急唔黎，要慢慢set，如開頭我想set佢3小時食一次，就試吓feed on schedule，唔work既話，唔迫得，因為阿b未ready，咁就要還原feed on demand。不過唔work唔代表你唔繼續試，你諗吓，人既生理時鐘構造既原理就係要有規律性，bb都有自己既schedule，唔迫得，但你可以引導。當然越細個開始可以協調到一個共同既schedule就越好。如我個b，係佢自己主導幾時開始3小時食一次，幾時4小時食一次，不過每次改變之間，我地都會引導，唔work，就按bb想既時間表，不過唔可以放任。如最近阿b厭食，我只會係某一兩餐佢厭得好離譜我先會feed on demand，其他餐數，只要佢食多過一半，我都會按schedule餵，因為我唔知佢幾時過咗厭奶期，如果過咗我唔知仲由佢唔按規律飲食，對佢既成長係冇益的。

嘩，好長氣，要back to work啦﹗下次再分享。

私人傳訊回覆引用

jenniecatcat

水晶宮

積分: 56409

發表於 09-10-21 12:29 |顯示全部帖子

係呀, 我們要話俾自己知我們好叻架, 又要反工/做家務, 又要照顧BB, 仲要餵人奶.

關於抱BB這問題真係要媽媽自己行量. 好多人都會叫你唔好成日抱慣BB, 又要BB自己瞓, BB做到當然最好, 但BB既野好難講, 唔抱喊到拆天, 唔通唔抱? 所以MAMA要自己行量. 我就係由得BB呂自己喊同自己辛苦D之間選擇左抱佢, 所以BB好痴身.

我的最愛: 老公, 仔仔, 同來緊既女女, 老豆

私人傳訊回覆引用

kiko_mami

水晶宮

積分: 51690

2018復活節勳章 wyeth冷知識勳章好媽媽勳章醒目開學勳章畀面勳章

發表於 09-10-21 23:36 |顯示全部帖子

我bb8個月又係成日中2叫同講d我唔明既野
不過喊少左真係舒服好多

各位媽咪加油呀!!!

原帖由 kristinecheng 於 09-10-21 10:52 AM 發表
Rilley, Catmom, Winnie：唔使客氣，你地經歷緊既嘢我都仲記憶猶新（我個b先得4個半月咋），我當時都冇法想像1﹑2個月後既今日，我會咁enjoy湊b

其實，正常黎講，bb狂喊既情況係會慢慢好轉，因為：

1. 佢會慢慢識得用唔同既「叫 ...

感激遇上你~

私人傳訊回覆引用

catmom29

複式洋房

積分: 344

發表於 09-10-22 14:15 |顯示全部帖子

嘻嘻...呢兩日我放開心情, 學你地話齋, 從bb 的角度諗下...原來佢係要安全感...
好啦, 我俾d安全感佢啦....
按摩下, 陪佢傾下計, 望下佢笑, 同佢講 ungugu (阿b佢呢排好多野講)...原來真係唔係要扭抱。

我都係要多多學習...

尋日"好似"d奶多返少少, 不過今日下午又跌過...

私人傳訊回覆引用

大蛇小蛇

複式洋房

積分: 117

發表於 09-10-22 16:34 |顯示全部帖子

我個仔現在 5 week了, 呢一個星期開始, 一飲完 12:00 個枝奶, 就眼仔 look look, 唔訓, 跟住就勁喊, 抱咗成個鐘都係喊, 換片啦, 換衫啦, 咩嘢都做齊, 唔 work 最後我放棄了由得佢係床仔度喊, 佢喊多半個鐘再抱起佢, 居然可以即刻訓, 但已經是三點了

大家有咩方法可以幫下我, thanks!

私人傳訊回覆引用

kristinecheng

大宅

積分: 1805

發表於 09-10-22 16:57 |顯示全部帖子

catmom29 ：心情好影響奶量架，迫自己放鬆啲（我知好難），絕處係可以逢生既﹗

大蛇小蛇：同我個b當時一樣，佢3wk開始就係咁，係要去到3點左右先會瞓。不過由得佢喊會唔會慘啲呀？我嗰時會同老公分上下更抱佢，即使佢喊，都不斷同佢講嘢或者唱歌，間唔中都work，再唔係用包被包實佢啲手腳，有時都okay。不過最後我發現係個nipple最work，一啜就收聲﹗

私人傳訊回覆引用

carlyli

別墅

積分: 569

發表於 09-10-22 18:31 |顯示全部帖子

我唔記我個大仔幾多個月開始晚晚兩三個鐘就喊,唔係要抱,要水,我試過比奶佢,佢都係兩三個鐘就喊,咁我梗係比幾啖水佢好過啦,飲幾啖就收聲, 但八個月大都係咁,我己經八個月每晚起幾次身,仲要返工,就來崩潰,最後醫生話喊45鐘是可以接受,我地好忍心咁比佢喊,其間走埋去同講,快d訓,無水水,45鐘至收聲,訓著,個晚無醒,第二晚同樣時間,但喊左15分鐘收聲訓著,個晚無醒,大家都有覺訓,真係好開心,當然成長中一定會久唔久醒喊,但唔係晚晚就好好多,我唔知對佢有無影響,但佢訓得好左,大人訓得好左,情緒都好d,但我知唔係人人都得,我個二女就唔得,好彩好少喊,細仔喊一陣自己收聲.

私人傳訊回覆引用

catmom29