自由講場

跳至

首頁
12

尾頁
   0


子爵府

積分: 12065

2024年龍年勳章


發表於 09-10-24 10:50 |顯示全部帖子
尋日係地鐵係汽水機買野飲, 老公拍咗兩次都無反應, 咪即刻手快快用我個張拍囉, 好彩係隔離見到部查數機, c9性格發作行埋去o都下, 之後一睇原來兩張卡都同一時間過咗數


大宅

積分: 1428


發表於 09-10-24 11:14 |顯示全部帖子
我聽過巴士司機講可以退番的,因為有一次個乘客上車時司機話佢無拍咭,司機叫佢再拍,佢之後拍咗兩次,共拍三次,問個司機點退錢,個司機話可向巴士公司追回,巴士公司會查八達通機的記錄,然後報告給公司,再退錢給乘客.
如果你打去部汽水機間公司講番正確時間地點同八達通咭的號碼就可以查番,然後會退回給你.


子爵府

積分: 10135


發表於 09-10-24 12:37 |顯示全部帖子
我老公都試過~~按維他水無出水,因果日係同個女睇急症,仲要半夜~~有排等~,佢有個電話打去問~~無聊就打去~~點知半夜都有人聽,仲比左個地址佢,話會退返D錢~~點知...佢真係寄返5.5硬幣來,最攪笑係一年后...八逹通又寄返張5.5的票來~~都唔知攪咩~~
不過呢件事我話比朋友知~~比佢地話~~邊有人咁得閒打去~~仲話無水出,最多咪踼二下部機就算~~哈~~~我話我老公係C文人~~用正確方法解決~~哈~~
^0^


象牙宮

積分: 223604

2018復活節勳章 醒目開學勳章 15週年勳章 親子王國15週年勳章 親子王國15週年勳章


發表於 09-10-24 12:39 |顯示全部帖子
我試過2張八達通放埋一齊, 扣咗2張數.


王國長老

積分: 13011

好媽媽勳章 王國長老


發表於 09-10-24 14:18 |顯示全部帖子
唉,我都試過呢個情況
原帖由 DoReMi媽媽 於 09-10-24 12:39 發表
我試過2張八達通放埋一齊, 扣咗2張數.
個性固執,熱情(愛結交朋友),愛和平(不喜爭執),頭腦靈活,做事欠勇氣及信心(所以較容易放棄機會),要學習加強主動性喺做事方面、加強表達力及疑心(易相信別人)。


禁止訪問

積分: 10576


發表於 09-10-24 14:29 |顯示全部帖子
提示: 作者被禁止或刪除 內容自動屏蔽


水晶宮

積分: 63548

好媽媽勳章


發表於 09-10-24 15:08 |顯示全部帖子
我女張八達通搭小巴試過扣左4次數...
果次上小巴個司機話阿女冇拍卡,叫我再拍,佢話拍左一次再拍就唔會再扣,於是我咪拍多次law...點知又扣左,之後我唔忿氣拍多次比個司機睇又扣多次,我再同個司機理論又再拍多次,最終扣左我女張卡4次....跟住個司機話下次搭呢條線講返拍多左3次就唔洗再拍.
有時真係唔知卡壞定係機壞...
「知足者,常樂也;不知足者,富亦憂。」


子爵府

積分: 12065

2024年龍年勳章


發表於 09-10-24 20:51 |顯示全部帖子
原帖由 patpat234 於 09-10-24 15:08 發表
我女張八達通搭小巴試過扣左4次數...
果次上小巴個司機話阿女冇拍卡,叫我再拍,佢話拍左一次再拍就唔會再扣,於是我咪拍多次law...點知又扣左,之後我唔忿氣拍多次比個司機睇又扣多次,我再同個司機理論又再拍多次,最終 ...


吓~我仲大安旨意以為同一張咭搭車一定要唔知過咗幾多分鐘唔可以再過數, 所以耐唔中搭小巴會拍多次驚自己失魂無比到錢, 咁我咪比咗好多冤枉錢, 唔怪之我d八達通自動增值快到好似倒水咁啦, 嗚嗚~


複式洋房

積分: 310


發表於 09-10-24 22:19 |顯示全部帖子
我今日岩岩又發生相同情況
無為意銀包內有兩張八達通,搭巴士時,一拍兩張一齊嘟
唔知九巴有無退款服務呢?


複式洋房

積分: 310


發表於 09-10-24 22:23 |顯示全部帖子
原帖由 patpat234 於 09-10-24 15:08 發表
我女張八達通搭小巴試過扣左4次數...
果次上小巴個司機話阿女冇拍卡,叫我再拍,佢話拍左一次再拍就唔會再扣,於是我咪拍多次law...點知又扣左,之後我唔忿氣拍多次比個司機睇又扣多次,我再同個司機理論又再拍多次,最終 ...


吓?乜第二、第三、第四個司機會肯相信同接受呢個情況咩?!
mouth:


禁止訪問

積分: 29218

畀面勳章


發表於 09-10-24 22:33 |顯示全部帖子
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽


複式洋房

積分: 430


發表於 09-10-24 22:43 |顯示全部帖子
其實點解八達通吾可以出statement,好似銀行月結單咁清清楚楚列出銀碼,特別係自動增值的咭,我同老公一個月用八達通要成3仟多元,仲之可用的地方就會用佢黎比錢,我成日叫老公去查一查有無扣多數,佢就成日都吾去查,我都好懷疑有無吾小心扣多左錢。
之前係屈x氏買嘢就重覆do了,好彩那次我特然心血來潮走去mtr check一check,跟住叫屈x氏的職員一齊去睇,佢地就退回多扣的錢給我,成佰幾元架。好彩發覺得到,吾係真係白白買貴一倍。:;pppp:


複式洋房

積分: 310


發表於 09-10-24 22:49 |顯示全部帖子
原帖由 天下無雙 於 09-10-24 22:43 發表
其實點解八達通吾可以出statement,好似銀行月結單咁清清楚楚列出銀碼,特別係自動增值的咭,我同老公一個月用八達通要成3仟多元,仲之可用的地方就會用佢黎比錢,我成日叫老公去查一查有無扣多數,佢就成日都吾去查,我都好懷疑有 ...


咁如果間屈X氏唔近MTR點算?


大宅

積分: 2128


發表於 09-10-24 22:52 |顯示全部帖子
以前我有類似經驗, 不過就唔關八達通事. 話說有一次阿女響商場玩個D入硬幣0既機動遊戲, 點知我地入左5元後(5元一局), 部機無反應, 但阿女就喊晒話要玩, 所以我地再次入多一個5元, 今次就正常玩到, 正當我響到等待阿女玩完之際, 比我發現機身有個電話號碼, 咁我即刻打去, 我同佢地講左響邊個商場部遊戲機入左錢唔玩得, 咁佢地過幾日真係寄番個5元返來...^V^

原帖由 567 於 09-10-24 12:37 發表
我老公都試過~~按維他水無出水,因果日係同個女睇急症,仲要半夜~~有排等~,佢有個電話打去問~~無聊就打去~~點知半夜都有人聽,仲比左個地址佢,話會退返D錢~~點知...佢真係寄返5.5硬幣來,最攪笑係一年后...八逹通又寄返 ...
~只要有夢想,凡事可成真~


大宅

積分: 2068


發表於 09-10-24 23:12 |顯示全部帖子
前排同呀女去McDonald就2張八達通放埋一齊, 我想已扣咗2張數。我想知點check單!
有時同小朋友一齊搭車,不能確定佢地張八達通是否已扣咗數!
我一個月用八達通要成3仟多元,其實點解八達通吾可以出statement,好似銀行月結單咁清清楚楚列出銀碼,特別係自動增值的咭?


大宅

積分: 2068


發表於 09-10-24 23:15 |顯示全部帖子
上網check單可以嗎?


公爵府

積分: 27851

醒目開學勳章 畀面勳章


發表於 09-10-24 23:40 |顯示全部帖子


我對尼間公司失去晒所有(本來只有小小)信心


男爵府

積分: 7720

好媽媽勳章 醒目開學勳章 BK Milk勳章


發表於 09-10-24 23:45 |顯示全部帖子
一定可以拿得返既但勁煩.我試過啦.


男爵府

積分: 5784

睛靈勳章


發表於 09-10-25 00:15 |顯示全部帖子
我用八達通抽扭蛋,拍咗3次都冇蛋出,部機有個 no.打去,佢問我八達通咭no.&地址,話check到就寄返d扭蛋比我,1星期後佢真係寄返3個無蛋殼既扭蛋比我喎.


珍珠宮

積分: 33731

熱血金章


發表於 09-10-25 00:59 |顯示全部帖子
原帖由 Syl1026 於 09-10-24 11:14 發表
我聽過巴士司機講可以退番的,因為有一次個乘客上車時司機話佢無拍咭,司機叫佢再拍,佢之後拍咗兩次,共拍三次,問個司機點退錢,個司機話可向巴士公司追回,巴士公司會查八達通機的記錄,然後報告給公司,再退錢給乘客.
如 ...

我的親身經歷.
2個人搭綠van, 只得1張八達通. 1個上車時嘟左; 唸住費事用cash, 另1個係15mins後再嘟, 唔用得. 司機話係同一程車, 同一張八達通係唔可以用2次喎.
同你個case剛好相反, 係咪收費部機可以調較架?
我的格言:  冇記性, 唔緊要. 可以唔記得的, 即係--唔係好緊要既野.
唔係好緊要既野, 咁! 唔記得都唔緊要!!!

首頁
12

尾頁

跳至