意見反饋
義工

單親天地 今日: 3|主題: 17207

跳至
查看: 7548 | 回覆: 130
終於開始左啦!!


大宅

國民生產總值:2326

好媽媽勳章


發表於 09-10-24 22:11 |顯示全部帖子
因為 C6 有第三者, 我已經同佢分開左三個幾月~
我地有個兩歲幾o既仔仔~
大約兩個月前我申請左法援, o個邊o岩o岩批左我, 爭比分擔費佢地就可以開始搞~

o係呢件事發生後我o係網上識左個男仔, 都差唔多有三個月, 佢係一個好有思想, 而且事業又有成就o既男仔~
我地見過八次, 當中有去過迪士尼 (黑色世界)、海洋公園 (哈囉喂)、國慶睇煙花、中秋節點燈籠...

當初o係我最唔開心o既時候, 佢o係 msn 度同我分析, 叫我應該放棄呢段婚姻 (因為 C6 係三番四次有第三者)~
其實之前係有機會o係佢面前, 但佢無借機做o的乜野, 我反而覺得佢係一個值得信任o既男人 (唔會乘虛而入)~

我唸自己已經不知不覺咁鍾意左呢個男仔, 而佢亦知道我o既過去, 表示唔介意~
到呢個 moment 我唔肯定佢係咪都鍾意我, 但佢陪過我去咁多地方、做過咁多野, 又試過送禮物比我... 同埋有時o的 sms 會不經意咁講左o的野, 對我下個月尾o既生日又好重視...

我覺得可能係因為我未搞掂離婚o既事, 所以佢唔會採取行動~
而我亦一直o係度唸, 究竟o係呢個 moment 我係咪唔可以同任何人拍拖呢??
可能佢唸住等我, 但係離婚呢o的野有可能會搞好耐, 我驚o係佢等呢段期間有變數, 咁我咪白白錯失左個大好機會囉?!

希望大家可以比比意見~

[ 本帖最後由 annieannieleung 於 09-11-2 23:04 編輯 ]

王國熱話
想問下你地有冇幫new born bb用沖涼液?
BB做左TEST對米敏感
送出多盒50-50濕疹潤膚膏
想問果D痴o係心口既章係咪有用??


珍珠宮

國民生產總值:45776

好媽媽勳章


發表於 09-10-25 03:12 |顯示全部帖子
我試過...不過, 因為仔仔反對而放棄.

信自己直覺, 如果你真係覺得同佢可以發展就唔好諗咁多.
感情嘅野真係可遇不可求.
但你要肯定你唔係因為一時失意而搵水泡.
同時要比佢知道你現時情況.(未辦好手續)

希望你找到真愛! (sorry~ 我好肉麻.. )

[ 本帖最後由 newbiee 於 09-10-25 03:13 編輯 ]


大宅

國民生產總值:1174


發表於 09-10-25 09:48 |顯示全部帖子
如果個男仔唔介意的話~你可以考慮接受他的~其實將來的事沒有人知道啦~珍惜眼前的人啦~~
不過你要明白自己不是孤獨而找個陪啦~
你背景不是問題~只是你們的感受~~


複式洋房

國民生產總值:138


發表於 09-10-25 13:51 |顯示全部帖子
人久見人心.俾d時間睇長d
因我地d單親媽咪好易俾人覺得好易呃,所以唔好一時想搵水泡.寂寞.想搵依靠而搵個男人
亦俾時間自己冷靜d感覺等自己清楚自己要d咩


大宅

國民生產總值:2326

好媽媽勳章


發表於 09-10-26 22:28 |顯示全部帖子
其實到底自己係咪想搵個水泡 or 搵個代替 C6 呢個問題, 我不斷都有問自己~
我好清楚我係對呢個人係有感覺, 係佢令到我淡忘對 C6 o既感覺, 令我o係痛苦o既日子企返起身~
因為有佢o既出現, 令我每日都過得開開心心, 反而仲比以前開朗左好多~
我份人對感情係好專一, 亦都唔容易同一個人熟, 更何況鍾意一個人~
本來以為同 C6 分開會唔開心好耐, 但係唔知點解o係我未見佢之前已經有一種好特別o既感覺, 見面後就覺得同呢個人相處好舒服, 唔知呢o的係咪就係緣份?!
記得未見面o個時我仲話自己離過婚, 又有個仔, 好難搵到個好男人, 佢仲安慰我呢o的事唔係我想, 總會遇到唔介意我過去o既人~
但係以佢o既條件, 有碩士學位, 又係軟件工程師, 年紀同我差唔多, 點解會搵我呢?! (好似對自己無乜信心咁)
雖然每日只係收到佢一個 sms, 但係已經心滿意足~
佢係完全知道我o既情況同進展, 宜家唔係我接唔接受佢, 而係佢無採取行動~ (只係默默咁支持我、關心我、對我好...)
我唔知係咪應該暗示比佢知我唔介意o係呢段時間開始一段新感情?!
但係o係未搞掂o的手續之前, 我又覺得自己咁做好唔o岩, 皆因咁樣佢都叫做第三者, 我唔想令佢受到傷害~
(但其實o係心靈上我都已經出晒軌啦!! 好似只差一步, 但呢一步就唔知幾時先行到?!)


珍珠宮

國民生產總值:45776

好媽媽勳章


發表於 09-10-26 23:37 |顯示全部帖子
原帖由 annieannieleung 於 09-10-26 22:28 發表
其實到底自己係咪想搵個水泡 or 搵個代替 C6 呢個問題, 我不斷都有問自己~
我好清楚我係對呢個人係有感覺, 係佢令到我淡忘對 C6 o既感覺, 令我o係痛苦o既日子企返起身~
因為有佢o既出現, 令我每日都過得開開心心, 反 ...


既然你自己都攪唔清係咪當佢水泡, 咁就唔好諗, 跟直覺行囉.

茫茫人海你遇到佢當然係緣份安排.
我以前識一個中年單親媽咪, 有二個仔女, 但佢男朋友明顯細佢10年8年, 睇落似二母子. 但個男仔對佢好好, 好錫佢同d小朋友, 呢d就係緣份.

起初我以為佢有表示, 猶豫嘅係你, 咁梗係想你抓緊, 但原來唔係........
佢無提出可能佢真係同你只係朋友?
又或者, 佢珍惜你, 唔想你覺得佢乘虛而入.



你未辦好手續有個心理包袱係度, 而佢又無表示, 我覺得你不宜主動, 怕佢以為你隨便.
不如順其自然, 咪當比多d時間大家瞭解仲好.

而家呢種互猜嘅心情, 我覺得有d似初戀....

[ 本帖最後由 newbiee 於 09-10-26 23:47 編輯 ]


大宅

國民生產總值:1174


發表於 09-10-26 23:53 |顯示全部帖子
其實你現在無必要採取任何行動~由朋友做起~慢慢進一步啦~你都話現在的感覺還好~咁咪留住這時候的日子~萬一採取任何行動的話~ 他說不接受~你又再一次受到傷害~倒不如等一個時機令他同你說啦~~我相信人久見人心的說話~~
不要想得太多啦~~放鬆一下~~~

[ 本帖最後由 bobby711 於 09-10-28 10:39 編輯 ]


大宅

國民生產總值:2326

好媽媽勳章


發表於 09-10-27 23:14 |顯示全部帖子
好多謝大家o既回覆~
可能我講得唔清楚啦!! 我知道自己唔係當佢係水泡~
你地講得o岩o既, 順其自然啦!! 太過急進未必係一件好事~
同埋始終覺得o係未得到之前, 男人先會對你最好呢!!
不過我地唔係成日都可以見面, 佢平時工作比較繁忙, 假期我又要湊 BB...

宜家o既感覺難以形容:
無見幾日會掛住佢, 但係又唔敢主動約佢~
有好多野想整比佢食, 但又唔想次次見佢都有野食~

就好似細個o個時暗戀人一樣...
又有o的患得患失o既感覺, 好驚會無疾而終~

o係呢段日子真係有o的煩, newbiee 講得無錯, 互猜o既心情...


珍珠宮

國民生產總值:45776

好媽媽勳章


發表於 09-10-28 08:22 |顯示全部帖子
原帖由 annieannieleung 於 09-10-27 23:14 發表
好多謝大家o既回覆~
可能我講得唔清楚啦!! 我知道自己唔係當佢係水泡~
你地講得o岩o既, 順其自然啦!! 太過急進未必係一件好事~
同埋始終覺得o係未得到之前, 男人先會對你最好呢!!
不過我地唔係成日都可以見面, 佢平 ...


你講起無疾而終, 令我諗起若干年前, 剛與ex分開,
認識左一個男朋友, 可能怕失敗, 或無信心, 總之好多顧忌, 又因對方係報館做, 經常日夜顛倒, 想打電話約佢, 又怕阻礙佢工作, 以為自己好細心, 就係咁你等我..我等你, 久而久之, 結果無疾而終......到而家都經常諗起佢.

相信無人知道對方嘅感情係咪真, 會唔會長久, 但, 如果比我再番轉頭, 我會積極一d去維繫, 唔一定要出街, 打電話傾下, 問候下, SMS都可以架!

不過, 未明朗化之前, 希望你唔好太投入, 我怕你會受傷.


大宅

國民生產總值:2326

好媽媽勳章


發表於 09-10-28 10:12 |顯示全部帖子
原帖由 newbiee 於 09-10-28 08:22 發表


你講起無疾而終, 令我諗起若干年前, 剛與ex分開,
認識左一個男朋友, 可能怕失敗, 或無信心, 總之好多顧忌, 又因對方係報館做, 經常日夜顛倒, 想打電話約佢, 又怕阻礙佢工作, 以為自己好細心, 就係咁你等我..我等 ...


你話唔好太投入, 我就唸返起大約一個月前, 有一晚佢無 send sms 比我 (平時佢每晚臨訓前都會 send 個 sms 比我), 搞到我成晚訓唔著, 第二朝好早就起左身 (好彩係假期)~
之後我就同自己講, 唔可以將呢樣野睇得咁重, 如果唔係自己會好辛苦~
咁到宜家如果佢臨訓前唔 send sms 比我 (因為太攰), 第二朝一早都會 send 返比我~ (我地每日就係用呢個 sms 黎維繫, 其實我覺得感覺都幾好o架!! o係 sms 度講o既野, 未必會o係電話度講出口o架嘛!!)
同佢相處o既日子尚淺, 我唔敢肯定佢個人係點, 但憑表面睇黎佢都好適合我~
將來係點無人知, 但至少我好想努力去維繫呢段關係, 唔好令佢無疾而終啦!!
你都努力呀!! 如果將來再遇到個機會, 記住好好把握呢!!


禁止訪問

國民生產總值:24347

好媽媽勳章 大廚勳章


發表於 09-10-28 10:32 |顯示全部帖子
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽


大宅

國民生產總值:1174


發表於 09-10-28 10:42 |顯示全部帖子
你令我想返我同前夫相戀的日子~
都係sms維持感情~不過結婚兩年後不是了~~
原帖由 annieannieleung 於 09-10-28 10:12 發表


你話唔好太投入, 我就唸返起大約一個月前, 有一晚佢無 send sms 比我 (平時佢每晚臨訓前都會 send 個 sms 比我), 搞到我成晚訓唔著, 第二朝好早就起左身 (好彩係假期)~
之後我就同自己講, 唔可以將呢樣野睇得咁重, ...


大宅

國民生產總值:1174


發表於 09-10-28 10:46 |顯示全部帖子
聽人講過~當幸福玻璃球跌落地上~有人會抓得少~有人會
抓得多~不過抓得多未必好~抓的時間會好短暫啦~因已經
撩傷了~
我地比人傷害過~亦都有個防範啦~~是嗎?
原帖由 dada~0w0~ 於 09-10-28 10:32 發表


係AR....唔好睇咁重, 唔好太投入AR


珍珠宮

國民生產總值:45776

好媽媽勳章


發表於 09-10-28 11:01 |顯示全部帖子
原帖由 annieannieleung 於 09-10-28 10:12 發表


你話唔好太投入, 我就唸返起大約一個月前, 有一晚佢無 send sms 比我 (平時佢每晚臨訓前都會 send 個 sms 比我), 搞到我成晚訓唔著, 第二朝好早就起左身 (好彩係假期)~
之後我就同自己講, 唔可以將呢樣野睇得咁重, ...


你收唔到佢SMS, 會唔會成日睇部電話, 睇下係咪無電或無訊號? 行去邊都袋埋, 慌死MISS左呀?

其實大家都知道愈投入愈容易受傷, 但係, 理智係控制唔到感情 ><"

我老喇, 唔諗LU~
你仲後生, 要好好珍惜, 但一定要小心.
加油呀!


大宅

國民生產總值:2326

好媽媽勳章


發表於 09-10-28 11:39 |顯示全部帖子
原帖由 bobby711 於 09-10-28 10:42 發表
你令我想返我同前夫相戀的日子~
都係sms維持感情~不過結婚兩年後不是了~~


o個時 C6 就係成日半夜三更 send sms 比我, 話好掛住我、好想我o係佢隔離...
就係咁樣, 比佢呃左, 我地拍拖幾個月我就搬左去佢度啦!! 跟住佢就開始變啦!! 唉~


禁止訪問

國民生產總值:24347

好媽媽勳章 大廚勳章


發表於 09-10-28 11:47 |顯示全部帖子
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽


大宅

國民生產總值:2326

好媽媽勳章


發表於 09-10-28 11:48 |顯示全部帖子
原帖由 bobby711 於 09-10-28 10:46 發表
聽人講過~當幸福玻璃球跌落地上~有人會抓得少~有人會
抓得多~不過抓得多未必好~抓的時間會好短暫啦~因已經
撩傷了~
我地比人傷害過~亦都有個防範啦~~是嗎?
...


我同 C6 結婚生仔, 只怪我太愚蠢啦!!
我地結婚前曾經因為第三者而分開過一段時間, 當一齊返之後我就好想幫佢生 BB~
結果結左婚之後咪有第四、五、六... 者囉!!

我今次傷得咁深, 只怪自己唔聽旁人勸告啦!! (o個時我媽咪仲叫我唔好要個 BB 都唔好同 C6 結婚)
我地宜家分開左, 其實身邊o既人完全唔覺得出奇, 原來爹地曾經同媽咪講過, 望我地離婚好過望我地發達呢!! 只不過佢地無唸過咁快o者!! (我地結左婚兩年幾)

經一事長一智, 除左有所防範之外, 我仲學識要聽身邊o既人意見, 仲有唔可以太過縱容另一半呢!!


禁止訪問

國民生產總值:24347

好媽媽勳章 大廚勳章


發表於 09-10-28 11:53 |顯示全部帖子
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽


大宅

國民生產總值:2326

好媽媽勳章


發表於 09-10-28 12:31 |顯示全部帖子
原帖由 newbiee 於 09-10-28 11:01 發表


你收唔到佢SMS, 會唔會成日睇部電話, 睇下係咪無電或無訊號? 行去邊都袋埋, 慌死MISS左呀?

其實大家都知道愈投入愈容易受傷, 但係, 理智係控制唔到感情 > ...


我地初初 send sms o既時候, 一日會 send 好多個, o個時真係會成日睇住部電話有冇 sms o架!!
不過我地係唔同台, 所以慢慢就變成一日一個~ (但內容就係幾個 sms o既容量)

自問自己o既 EQ 都幾好, 暫時仲控制得到自己o既感情~ 當初都係咁樣控制自己唔唸咁多 C6, 所以就算無佢o係身邊, 我都可以照樣咁返工、行街、湊 BB 呢!!


大宅

國民生產總值:2326

好媽媽勳章


發表於 09-10-28 12:45 |顯示全部帖子
原帖由 dada~0w0~ 於 09-10-28 11:53 發表
我地可能差唔多年紀
你d經歷....同我好似

我都覺得自己好低能....
我仲唔明why會同個咁低質既男人一齊...


我過多一個月就 27 歲啦!! 你呢?? 小朋友幾大呀??

雖然真係唔知點解自己當初會咁傻同左個咁o既人一齊, 但我都無後悔過, 因為我地曾經真心相愛過~
我地o係中四o既時候識 (同班同學), o個時都拍過下拖, 之後因為佢退學所以分開左~
相隔八年再重逢, 跟住再拍拖, 老土o的講句, 再續未了情o掛!!
再嘗試過, 雖然結果都係要分開, 但係我覺得今生無悔呢!! 如果無比我同返佢一齊, 我會呢世都咁掛住佢呢!!

人生每一個經歷都o係度吸取緊經驗, 今次咪當好好咁上左一課囉!!


1234567
跳至
© Baby-Kingdom.com Limited. All rights reserved.