母乳餵哺今日: 0|主題: 85705

收藏本版

回覆發帖

返回列表

跳至頁

查看: 926 | 回覆: 3

準媽媽想問關於餵人奶既問題 [複製鏈接]

丘師奶

男爵府

積分: 6145

1^#

發表於 09-11-21 19:25 |只看該作者 |倒序瀏覽 |打印

因為毫無經驗，但又好想餵到人奶(希望至少餵到6個月啦﹗)，所以想向各位媽媽請教如何入手。

首先，我想講一講我有個既工具只係得一個Medela Harmony Breastpump (問人借架，但換晒D pump頭之類既野架喇﹗想confirm真係餵到先買電 pump)。

1. 咁我將會開刀生既，聽聞間醫院(養和)都幾suppoort媽媽餵人奶，咁我係咪都應該好似順產媽咪咁盡我能力內盡快抱BB埋身啜呢﹖如果啜唔到奶點算呀﹖

2. 如果之後(初生果一、兩日)真係啜到，但奶量勁少，咁點算呀﹖驚唔驚架﹖補唔補奶粉好﹖最壞既情況係幾時先應該補奶粉呢﹖我驚比姑娘or屋企人嚇兩嚇後忍唔住餵奶粉呀﹗

3. 如果真係上到奶喇﹗係應該點比阿B食架﹖係咪應該食完一邊，再比佢食一邊﹖但如果佢食完一邊已經飽，唔肯食，咁另一邊點算呢﹖

4. 聽聞好似餵完後，如果仲有奶的話，都要PUMP清佢架，係咪呢﹖如果唔係.. 係咪好易塞架﹖咁點先知道PUMP清呢﹖

5. 想問下關於儲奶袋既問題，咩情況下先要用儲奶袋呢﹖D儲奶袋係咪用完唔可以再用架﹖今日見到Medela 20個裝既儲奶袋都幾貴，要$140，如果想儲奶，係咪一定要用儲奶袋架﹖有無第d代替品，因我覺得唔化算，同埋好唔環保咁。

6. 我睇書話初生BB，會每2至3個鐘食一次人奶，咁如果佢瞓左唔醒，洗唔洗叫醒佢食呢﹖

7. 聽好多朋友講.. 佢地餵唔到人奶好多時都係因為個nipple比阿B啜到出血損晒，又或係點整都無乜奶，請問有無必成功既秘訣呢﹖

8. 最後，我想問.... 點先知個阿B食得飽或食得到呀﹖除左睇佢體重有無加之外，或一日有無濕6條片(是6條嗎﹖我都記得唔係好清楚，如有錯請更正)外，有無D較為即時知道既方法呢﹖

唔好意思，我都知自己太多野問喇﹗但我真係好想餵到人奶，可以的話，餵到一、兩歲都無問題，最多返工或出街麻煩D，但為著阿B好，若果可以，我會堅持的，只係想做定功課，等成功既機會大D。所以麻煩有經驗既媽媽多多指教啊﹗我真係乜都唔識，對餵人奶無乜概念的。thx a lot ~

0 0 0

私人傳訊回覆引用

ms_tea

大宅

積分: 1306

2^#

發表於 09-11-21 21:47 |只看該作者

1. 咁我將會開刀生既，聽聞間醫院(養和)都幾suppoort媽媽餵人奶，咁我係咪都應該好似順產媽咪咁盡我能力內盡快抱BB埋身啜呢﹖如果啜唔到奶點算呀﹖

我都係開刀，我一抱番BB就開始比佢啜，不過無上奶，所以最初幾日我都只好餵奶粉，後來上奶就全埋身啦。

2. 如果之後(初生果一、兩日)真係啜到，但奶量勁少，咁點算呀﹖驚唔驚架﹖補唔補奶粉好﹖最壞既情況係幾時先應該補奶粉比姑娘or屋企人嚇兩嚇後忍唔住餵奶粉呀﹗

我最初幾日係醫院都無上奶，一滴都無，都係比佢食奶粉。

3. 如果真係上到奶喇﹗係應該點比阿B食架﹖係咪應該食完一邊，再比佢食一邊﹖但如果佢食完一邊已經飽，唔肯食，咁另一邊點算呢﹖

初生BB應該食一邊就夠啦，我BB宜家七週大都係食一邊。

4. 聽聞好似餵完後，如果仲有奶的話，都要PUMP清佢架，係咪呢﹖如果唔係.. 係咪好易塞架﹖咁點先知道PUMP清呢﹖

我就無泵，因為差唔多都食到冧晒，不過個個人唔同啊。

5. 想問下關於儲奶袋既問題，咩情況下先要用儲奶袋呢﹖D儲奶袋係咪用完唔可以再用架﹖今日見到Medela 20個裝既儲奶袋都幾貴，要$140，如果想儲奶，係咪一定要用儲奶袋架﹖有無第d代替品，因我覺得唔化算，同埋好唔環保咁。

可以用儲奶杯或者樽，avent有雙杯都ok，或者用奶樽都得，而且有D奶袋唔駛咁貴架。

6. 我睇書話初生BB，會每2至3個鐘食一次人奶，咁如果佢瞓左唔醒，洗唔洗叫醒佢食呢﹖

我最初無叫佢起身食，我係feed on demand，佢想食我就餵啦。

7. 聽好多朋友講.. 佢地餵唔到人奶好多時都係因為個nipple比阿B啜到出血損晒，又或係點整都無乜奶，請問有無必成功既秘訣呢﹖

只要姿勢啱，係應該唔會損，不過我最初都試過損。

8. 最後，我想問.... 點先知個阿B食得飽或食得到呀﹖除左睇佢體重有無加之外，或一日有無濕6條片(是6條嗎﹖我都記得唔係好清楚，如有錯請更正)外，有無D較為即時知道既方法呢﹖

我見BB食完好安心咁瞓著我就覺得佢飽飽，因為有時佢唔飽，佢好快就會再想食架啦。

我都唔係好識架，因為我都係新手，只係分享一下經驗，如果有錯，請有經驗媽媽指正啊。

私人傳訊回覆引用

aprilthy

民房

積分: 29

3^#

發表於 09-11-21 22:47 |只看該作者

回答1: 盡可能早埋身會好d, 其實佢本能係會啜到的, 尤其你看完世界衞生組織既鼓勵母乳餵哺短片就知, 果個黑人女性一生完bb, 就俾個bb自己爬上去搵乳房, 你就知道本能係幾咁厲害. 只要做好準備功夫, 學啱姿勢, 佢無乜可能啜唔到的, 要有信心.

2. 基本上bb一出世既需求係好少, 而且bb自己都有存貨, 唔洗驚, 尤其係bb吸啜同奶量係有極大關係(吸得多,就奶多), 姑娘會同你講, 只要每天有5-6條濕重既尿片就是bb飲夠奶既信號(1條濕重的尿片大約等於三條乾片的重量). 最壞既情況係bb無咁多片之餘, 仲要俾姑娘話bb脫水(但這情況應該很少, 如片數不夠, 則要補奶粉) 但都係果句, 要有信心.

3. 睇你想要儲幾多奶喇, 因為bb食完一邊(即指一邊乳房鬆軟, 沒有硬硬/連氣球的感覺也沒有, 就是飲清), 仲想再食就當然俾佢再飲啦, 但如果唔飲喇, 你可以擠出來儲備(強烈建議), 擠出來亦可以俾個信號身體, 要多點造奶, 寧願多d, 好過唔夠.
(remarks, 如果飲清, bb仲要飲, 就繼續俾佢啜, 因為一定會長啜長有的, 要有信心)

4. 同上.

5. 我不嬲用開playtex(14個月全人奶(純粹分享之意), 平時返工覺得第二日都要轉用袋翻暖, 所以乾脆pump入奶瓶,唔用袋 ), playtex幾經濟, 如果要入冰格, 我先至用袋, 慳位, 但幾多錢就唔記得(果時人地送的), 好似玩具x斗城有得賣.... (唔肯定)

6. 千其唔好由佢, 初生bb最多4個鐘一定要飲一次奶, 尤其係頭一個星期, 一定唔可以俾佢瞓超過4個鐘. 因為佢既膽紅素可能會過高, 令bb好眼瞓, 因而飲得少, 飲得少又會令排尿少, 而進一步令膽紅素升高,(人奶有微量輕瀉, 有助排走膽紅素), 令bb黃, 黃得西利就要入院照燈嫁喇. 而且你都唔想佢輕磅嫁....

7. 一定要啱姿勢, 而損咗其實都可以餵(不過要你忍得痛), 都係果句, 要有信心... 加多句, 身邊既人要盡量支持.

8. 餵完1個小時內都豪哭緊, check完體溫/片濕/無咩令佢唔舒服, 就應該係肚餓, 就應該係餵唔夠飽.
我記得姑娘講過, 如果響寧靜既環境, 你係可以聽到佢吞嚥既聲音, 約吸3次, 會吞一次, 所以睇佢個咀郁3次就停一停, 就應該吸到嫁喇. 都係果句, 要有信心.

你要記住, 以前d人無奶粉都可以令人類大幅生產, 我地接受咁耐既遺全, 係無乜可能係餵唔到人奶(除非基因變異). 記住我地係哺乳類動物, 要有信心.

我都係第一胎, 如果有錯, 請更正.