自由講場

跳至

首頁

尾頁
   0


大宅

積分: 1623


發表於 09-11-26 01:07 |顯示全部帖子
我有個22個月大既女,未生之前我係諗住生兩個,事關覺得如果得一個,個一個就會好悶,冇人陪!但係由我生左我女個刻我就同我老公講生一個唔生喇!

我係開刀既,冇錯,睇到BB出世真係好開心,但係開完刀之後痛到我死,郁都郁唔到,要打止痛針先訓到覺,不過其實打完都係咁痛,只不過打完會眼訓!

同埋我個陣陣痛只係3-4度左右,但係我已經覺得好痛,真係好難想像10度會係點!!

生完呢個之後我真係怕怕喇,唔敢再生,可能有D人會覺得我咁既諗法好自私,但係我真係冇恿氣再生......

你地係點諗法呀??


珍珠宮

積分: 42413

好媽媽勳章


發表於 09-11-26 01:22 |顯示全部帖子
ME~我生左啊仔頭1年,你既原因亦都係我唔會再生既最大原因,但慢慢生仔果種痛苦開始淡忘,反而浮現另一種令我決心唔再生既原因,教同養,照顧佢,教好佢一d都唔易,令我更加唔想生,而家佢都5歲半喇,唔再生喇,收工


伯爵府

積分: 15373


發表於 09-11-26 01:25 |顯示全部帖子
生大仔時超痛,痛左成差唔多19個鐘都係開得5度 最後要開刀生,個傷口又鬼死咁痛,比我想像既痛得耐...果時真係有諗過唔再生,不過之後又有左老2....到作動等生果時咪又係諗起,點解又要"羅"苦黎申呀,明明上次生阿大話左唔再生架喇...依家又要痛多次,所以果次生老2,我一落到產房就不停咁吸笑氣同要求打止痛針,好在順產個傷口無咁痛又快好....生左2件都有個好處架,依家到佢地大左d,2兄弟自己玩唔洗成日煩住我,我先叫做多d時間做自己野咋~大b返左學,細b就會煩住我架喇..所以有個伴比佢都好既~到依家我就黎生老3又諗起,次次生仔時都痛到飛起,話唔生到最後又生 我依家都開始驚緊到時會好痛!!!
大b駿逸細b駿晞


男爵府

積分: 6746

好媽媽勳章


發表於 09-11-26 01:29 |顯示全部帖子
遲D你就會唔記得咗痛GA啦!因為我都係怕痛,所以揀咗開刀,開頭係幾痛的,但唔知係咪醫生手勢問題!好快我又覺得唔係咁痛,我冇食到止痛藥呀!所以如果我再生,我都可能都係會揀開刀.因為我好驚唔知要痛幾耐嗰種感覺.


珍珠宮

積分: 42413

好媽媽勳章


發表於 09-11-26 01:29 |顯示全部帖子
原帖由 藍藍 於 09-11-26 01:25 發表
生大仔時超痛,痛左成差唔多19個鐘都係開得5度 最後要開刀生,個傷口又鬼死咁痛,比我想像既痛得耐...果時真係有諗過唔再生,不過之後又有左老2....到作動等生果時咪又係諗起,點解又要"羅"苦黎申呀,明明上次生 ...
真係要比個服字你.....自問真係無能力做到,無論係精神上同肉體上


子爵府

積分: 13525


發表於 09-11-26 01:32 |顯示全部帖子
原帖由 susi1024169 於 09-11-26 01:22 發表
ME~我生左啊仔頭1年,你既原因亦都係我唔會再生既最大原因,但慢慢生仔果種痛苦開始淡忘,反而浮現另一種令我決心唔再生既原因,教同養,照顧佢,教好佢一d都唔易,令我更加唔想生,而家佢都5歲半喇,唔再生喇,收工 ...

我同你一樣~~!雖然我之前無幾耐就有左個bb~不過係意外但係又意外地無左心跳~~更加令我下定決心唔生喇~雖~我c6好想生多個~but我真係有感教同養真係好大既問題!而且阿囡都已經差唔多6歲喇~我唔想隔咁耐~而且我個人真係好講求公平~我唔知我自己會唔會偏心~同埋我覺得如果為左等頭一個小朋友無咁悶~而去生第二個既話,對第二個係好唔公平~呢個世界係無人係陪襯品呢樣野架!!


大宅

積分: 4329

好媽媽勳章


發表於 09-11-26 03:07 |顯示全部帖子
教同養真係令我唔想再生二個原因, 我覺得生得佢出唔好話要培養到十項全能, 起碼都要做個有用既人, 年紀大再分唔到心教第二個.


水晶宮

積分: 55550

2020勳章


發表於 09-11-26 05:29 |顯示全部帖子
過一排就唔記得啦...有第二個BB之前我都系怕到C...衣家有左...反而好期待呢...如果可以換間大D既屋住...我諗生第三個我都會肯...
少奶奶的身份,丫頭的命...


珊瑚宮

積分: 123032

2020勳章 好媽媽勳章 醒目開學勳章 環保接龍勳章


發表於 09-11-26 06:09 |顯示全部帖子
如果唔洗我生,我都想有多兩個....

我既原因都係同樓主一樣...開刀開得唔好...好鬼痛....仲要有發炎..到40日個修口先話好d...但坐車'鄧'都會痛.......

不過都想生多個既....而家個女岩岩兩歲...無話陪唔陪襯品,我一定會公平,家姐有既野,細b一定會有...不過d玩具會share玩囉...咁樣先可以學到點同人sharing,因為我個女而家好霸道....


等待驗證會員

積分: 3775


發表於 09-11-26 07:12 |顯示全部帖子
阿仔未出世前都諗過生兩個, 等阿仔有個細佬/妹妹, 有個伴.
我都係開刀生阿仔, 但因為我冇經過陣痛, 開刀之後又好快復原, 所以我唔係比生產過程嚇到唔敢再生.
而係因為阿仔出世之後太難湊, 晚晚喊到天光, 身体又差, 成日都要睇醫生同入醫院, 果時我係working mom, 又冇工人, 真係晚晚都冇得瞓
到佢再大d, 容易d照顧, 我就諗: 我嘅愛 、時間、錢都係得1份, 我唔忍心去分薄阿仔, 我想將全部最好的, 都比哂阿仔
所以決定唔再生, 只得阿仔一個law


水晶宮

積分: 50305

好媽媽勳章 醒目開學勳章 睛靈勳章


發表於 09-11-26 08:20 |顯示全部帖子
我都係生一個就夠,,呀囡依家3歲啦,,!!
我覺得湊BB太辛苦,太勞氣,,所以一定唔
會再生!!


珍珠宮

積分: 38676

2020勳章 好媽媽勳章


發表於 09-11-26 08:53 |顯示全部帖子
我開刀生後都好痛, 好痛, 但這種感覺會隨著時間而淡忘, 唔記得有幾痛.

不過我都支持一個夠哂數, 湊bb太勞氣啦, 特別我阿仔食飯和訓覺都好差, 湊一個還可以, 兩個嘛, 真係投降. 如果生兩個, 要想清楚家人是否有support, 或有無足夠錢請工人, 因為小朋友病的話, 照顧兩個是很辛苦的, 你帶細的睇醫生等一個鐘, 大那個要訓晏覺鬼殺咁嘈, 都幾煩架.

我在這裡睇到唔少媽咪留言, 都投訴老公幫唔到手, 湊兩個令佢叫救命, 唉, 如果老公唔上心, 自己湊一個勉強可以, 兩個嘛, 真係心力交瘁.


男爵府

積分: 5180

醒目開學勳章 畀面勳章 環保接龍勳章 BK Milk勳章


發表於 09-11-26 08:54 |顯示全部帖子
我一直都諗住生一個就夠mouth:mouth:" /> mouth:mouth:" />
C6就成日都得個講字...話想生多一個
點知今個月遲左黎..
以為係意外果一刻我都想生
點知C6到佢唔想
好彩唔係...遲左一個星期黎左

[ 本帖最後由 cherry_hang 於 09-11-26 08:55 編輯 ]


大宅

積分: 3657


發表於 09-11-26 09:10 |顯示全部帖子
我都係開刀, 意外有ge,真係覺生一個好啦,我唔係怕傷口痛,不過平時一放工就要返去, 假日都係比晒個女,自己的時間好少,想返夜學又冇錢(湊女開支都好大eg. 食,用,工人). 同埋愛心同時間比一個女都有晒,點再分比另一個~


琥珀宮

積分: 196893

2020勳章


發表於 09-11-26 09:29 |顯示全部帖子
有BUT點知意外就生咗第2個了.


珍珠宮

積分: 48835

2020勳章


發表於 09-11-26 09:44 |顯示全部帖子
我有1個女, 依家9 yrs, 係順產. 亦唔打算生多個, 生果野既痛只係少事, 我頂到, 忍到. 但教養佢條路好漫長, 用既$$$ 亦好多, 真係心力交碎. 同埋唔想分薄晒比亞女既資源, 所以最後唔打算生多個 !


水晶宮

積分: 51073

至尊種植勳章 醒目開學勳章 畀面勳章 環保接龍勳章


發表於 09-11-26 09:48 |顯示全部帖子
我第二胎都係開刀,無第一胎咁痛,生完第二日可以落床,第4日出院時已經可以唔食止痛藥。

怕陣痛,就約38週開刀
識網友只限吹下水、交換下資訊、發揮網力,邊個認真就邊個輸。


子爵府

積分: 10525


發表於 09-11-26 10:02 |顯示全部帖子
我反而係一個都唔想生....唔想個小朋友出黎受苦


禁止訪問

積分: 81485


發表於 09-11-26 10:20 |顯示全部帖子
提示: 作者被禁止或刪除 內容自動屏蔽


水晶宮

積分: 62484

2020勳章 畀面勳章


發表於 09-11-26 10:24 |顯示全部帖子
同我諗法一樣, 我都係一個仔, 今年10歲


..........

原帖由 Kittymummy 於 09-11-26 09:44 發表
我有1個女, 依家9 yrs, 係順產. 亦唔打算生多個, 生果野既痛只係少事, 我頂到, 忍到. 但教養佢條路好漫長, 用既$$$ 亦好多, 真係心力交碎. 同埋唔想分薄晒比亞女既資源, 所以最後唔打算生多個 ! ...

首頁

尾頁

跳至
熱門主題