意見反饋
義工

影視娛樂 今日: 4|主題: 13973

查看: 1307 | 回覆: 0
12年生唔出 柴九嫂大爆性生活


水晶宮

國民生產總值:54909

wyeth冷知識勳章 好媽媽勳章 醒目開學勳章 畀面勳章 環保接龍勳章


發表於 09-12-11 16:43 |顯示全部帖子
入行25年的黎耀祥,上週五(4日)一口氣掃走台慶頒獎禮三個獎,眾望所歸拎埋視帝,冇人敢同柴九爭。
45歲黎耀祥,97年與第二任太太Julia梁耀蓮奉子成婚,如今囝囝已12歲,但至今未有第二胎。一向相夫教子,近來出鏡勁密的「黎太」,更兼任老公經理人一職,公私行孖咇。台慶頒獎禮中,黎太興奮得又喊又笑,最後忽然向記者真情流露,話想送大禮畀老公:「我好想同佢生個女……唔知咩事真係生唔出!」
週一記者再致電柴九嫂追問生B一事,從容不迫嘅佢,與女記者大方暢談與柴九嘅性生活。44歲柴九嫂咁識做人,唔怪得柴九話:「太太對於我好重要!」
《巾幗裊雄》男女主角都贏得視帝視后,不過兩人同樣冇簽無綫經理人合約。雯女就話:「我o依家個經理人好好,點都唔會轉。」
全城等睇柴九同四奶奶攞視帝視后,台慶頒獎禮收視平均高收40點,比去年勁升10點。記者眼見頒獎禮當日,柴九攞視帝一刻,在台上多謝3個重要人物,包括阿媽、老婆和囝囝,台下的黎太Julia即場喊晒,事後又幫老公招呼無綫高層曾勵珍同記者,滿場飛儼如女主人。
拍戲無分貴賤,03年祥仔再拍社會敏感話題戲《私家秘密處女》,同自己養女搞埋一堆。
08年祥仔為美國牌子壯陽藥「立威大」影咗輯平面廣告,令人聯想是否與生B有關,祥仔坦白話:「佢哋係大藥廠,出品嘅藥好有用,但我嗰方面冇問題,所以冇試過『立威大』,係有諗過生BB,不過隨緣囉!」
45歲嘅祥仔最近幫MENCE拍咗個纖體廣告,收完錢仲變到有胸肌,瘦咗17磅,成個後生咗幾年。
「搞極生唔出」
柴九93年同拍10年拖嘅前妻阿麗(紅圈)結婚,不出一年離婚收場。
當晚記者問Julia送乜禮賀老公,佢突然好感觸咁話:「我好想同佢生個BB,不過等咗咁耐都冇,個仔都12歲喇!我哋好努力o架,我諗呢啲係緣分囉!」呢頭Julia話好想生,但黎耀祥又唔敢向記者認:「個仔咁大唔會再追」,唔夾口供喎!
其實45歲柴九黎耀祥,和前妻阿麗94年離婚後,97年同現任太太Julia奉子成婚,誕下現年12歲囝囝黎正橋,一家三口生活融洽。做咗視帝太,剛平復心情的視帝太太,週一(7日)對本刊說:「近排祥仔都係拍《畢打》同出吓活動,平時都好早返屋企,食完飯我哋會講吓笑、睇吓電視,成家好開心o架,不過想生個女陪吓正橋,唔知點解搞極都生唔出。」
「我哋不設防」
愈傾愈深入,大方柴九嫂連與老公閨房樂都與記者分享:「係呀!我不嬲都想生多個女(有冇睇過醫生呀?)我哋唔強求,隨緣啦,佢(祥仔)都係睇我同個仔嘅意思,我哋冇睇過醫生、又冇用過任何人哋講嘅生仔方法,我哋又唔係未生過,生理冇問題,咁耐以來亦冇避孕,我哋不設防o架,緣分未到啫!」
「追到收經」
不設防仍未有餡,不過Julia提到生B特別開心:「我會追到冇得生為止(係咪收經先唔追?)係囉,追到收經!(一個月行房都有三、四次o架?)冇數過,但兩公婆有默契想做咪做囉,冇話幾時嘅,如果真係冇都冇所謂啦,個仔都enjoy自己一個o架!」視帝,阿嫂恨生女恨到發燒喇,再加把勁啦!人生有幾多個十年啫!
當年有心有力
99年祥仔已同Julia抱着2歲大嘅乖仔正橋出席活動,相當幸福。
唔配合
台慶頒獎禮中,Julia向記者爆恨生B,但黎耀祥就答得似是而非。大丈夫,唔好意思認啫!
左:應該唔會再生喇!
冇刻意追,隨緣啦!
係有諗過生BB!
右:我都想生個女!
可能緣分未到啫!
不過生極生唔出!

做娛樂圈又要捱夜,食無定時仲不時要登台搵銀;冇時間兼冇體力,想生個B唔係話咁易。吳君如在鄭丹瑞主持嘅now節目《Home Sweet Home》亦講過生仔唔易,仲話之前趁陳可辛在上海拍《如果.愛》,特登上去晚晚做先有個女。47歲長毛真係有心有力。
捱足25年,做完二打六又去拍III級片,先有今時今日嘅風光,黎耀祥有話照直說:「我同TVB關係好,佢哋好照顧我,不過簽咗經理人約之後怕會太束縛,冇時間陪屋企人又做唔到其他嘢。」係囉,仲有簽畀無綫做經理人要抽15%佣嘅!

識黎耀祥時,做緊李麗珍助手嘅Julia對接job駕輕就熟,嫁咗畀黎耀祥後,做足背後女人應做嘅事,幫手接job又識傾生意,同無綫高層曾勵珍最熟絡(右)。
楊怡憑《宮心計》麗妃升呢做一線,同鄧萃雯爭視后,雖然最後輸咗,但有「安慰獎」:「我最喜愛的電視女角色」及新加的「最佳表現大獎」。獲無綫落重料安慰本來值得高興,可惜楊怡失視后始終心有不甘,最慘係喺七大巨頭投票當中,以7比0大敗畀四奶奶,輸足成條街,搞到楊怡台上台下都表現失控!
冇嘢呀!我好開心呀!真實對白
楊怡接受訪問情緒高漲,明明喊緊,仲特登拗腰想將眼淚倒流,仲話:「冇嘢呀!我好開心呀!」
呀!*我知你哋(記者)實有投我o架!你哋答我啦!真實對白
平時楊怡好斯文,點知當晚攞完獎入記者室,一上台即時叫囂。搞到台下班記者唔知畀咩反應!

阮兆祥聽到楊怡喺台上叫囂即上前安慰,醒目祥仔仲*實楊怡塊面,狀似勸佢冷靜咁款,費事再亂噏失控。
喺垃圾站等啦!真實對白
楊怡之前自爆被狗仔隊追訪到垃圾站避記者。當日攞完獎後,亦撩記者追逐一番。
當晚楊怡家姐楊娜擔任TVB8主持採訪頒獎禮,楊怡喺記者室見到家姐即上前捉實對方喊晒!
上週五台慶頒獎禮上,楊怡被司儀Do姐問到想唔想攞視后,楊怡:「如果雯女唔攞,我就參加遊行。」表現大方,但記者發現一向直腸直肚好夠格的楊怡,事後表現失控。當晚所有人都期待四奶奶攞視后,楊怡明顯冇得鬥,就連一手提攜佢嘅高層珍姐曾勵珍事後亦對本刊坦承:「佢(楊怡)未夠熟練!」楊怡上台攞「我最喜愛的電視女角色」後,即到二廠記者室接受訪問,她一上台即失控叫囂:「呀……!我知你哋有投我o架!係咪呀?話我知呀!」台後亂噏,台前楊怡亦出現「幻聽」,當雯女奪得「最佳女主角」及致謝完後,坐喺一邊嘅楊怡叻唔切向雯女示意:「你未多謝添哥呀!」搞到雯女一頭霧水。
雯女上台攞視后明明多謝咗添哥,點知一落台楊怡話佢冇喎!擺明冇心聽雯女講嘢啦!連坐喺後面嘅伍姑娘都忍唔住大聲駁佢啦!
鬧爆視帝五強
今屆頒獎禮視帝視后冇人質疑係祥仔、雯女?,反而最佳男主角最後五強人選,就惹來一眾網友炮轟,除?祥仔、陳豪、黃子華之外,其餘馬浚偉、黃宗澤入選即引起民憤,更替《烈火雄心3》?王喜唔抵。
王喜喺電視上已講出感受:「我都坐咗一半咯,唔爭在坐埋佢囉!」事後王喜透過經理人Carol表示:「王喜唔係有獎先出席,佢一心嚟睇柴九攞獎!」
黃宗澤入選「最佳男主角」被網友狂轟。不過當日電視畫面,所見就連黃宗澤自己入選都甚為愕然。
Walter Ma評三花:阿姐真係精采!
每年台慶頒獎禮,除睇邊個攞視帝、視后外,花旦鬥靚衫一樣精采。上年就有郭羨妮露34C迫爆大包贏晒,今年佢就攞唔到彩,反而焦點就落在視后鄧萃雯身上,因為有潮流教父Wyman幫拖,可惜一套自置紐約品牌MoniqueLhuillier令大家有少少跌眼鏡,着到四奶奶冇咗條腰咁。本刊找來時裝設計師兼喺《亞洲星光大道》出名批評參賽者形象嘅WalterMa(馬偉明)評吓老中嫩3位花旦,結果阿姐跑出,真係老薑都潮得起!
43歲 鄧萃雯
Walter Ma:「我覺得鄧萃雯佢恰到好處,Wyman冇令我失望喎!但如果瘦啲就仲好,因為佢欠咗高度,腰又短,所以出嚟效果就差少少囉。(點解唔遮住佢呢?)咁出席咁隆重場合,冇可能包到實喎!」

Wyman話四奶奶呢條命運之裙係「我們意見一致地揀了件『白色』的『及膝』的MoniqueLhuillier……鄧萃雯小姐一對着鏡子就不停轉圈,命中註定大概是這麼一回事。」如今評語好壞參半,相信Wyman都冇所謂,唔怕人鬧,最怕冇人講嘛!

攞完獎唧腩
雯女頒獎禮翌日出席活動,見佢贅肉唧晒出嚟,證明係佢條腰破壞咗件視后晚裝。
雯女喺《巾幗》慶功臨走前同攞金馬獎「最佳女配角」嘅惠英紅錫嘴。
識撈陳茵媺
陳茵媺奪得「飛躍進步女藝員」後,喺台上喊到收唔到聲。好多網友都話唔知佢講乜,不過佢最爆笑就係話:「係你哋(樂易玲)要我簽咁長嘅約……」
雖然陳茵媺當晚真性情表現討好,不過有不少網友都覺得佢唔應該攞獎。
完咗頒獎禮後,陳茵媺冇咩大肆慶祝,反而同珍姐去咗土瓜灣打邊爐,珍姐呢晚只係去咗佢嘅私人慶功宴,錫到佢o架。

王國熱話
請問最佳女配角可以點投票?想投艾妞
廚房星盤
電腦設計logo
手袋 請問邊個色好睇d



© Baby-Kingdom.com Limited. All rights reserved.