意見反饋
義工
查看: 1217 | 回覆: 18
[2010年] 見紅幾耐先會真係生得ga?


男爵府

國民生產總值:5883

好媽媽勳章


發表於 10-3-25 22:24 |顯示全部帖子
我前日朝早(星期2)入左院...

事源果日凌晨02:48個肚有d痛加上同時間有宮縮,果次係我第一次有痛既宮縮...咁半個鐘之後我見冇再有d痛既宮縮,咁就訓著左喇

之後04:58醒左去廁所,又見有痛既宮縮,不過冇見紅冇穿水...之後再睇多陣,好似5-8mins一次...之後話左俾老公知,就換衫去左威院喇

去到check過話開左1度...之後過左陣,我覺得好似有d野流左出黎,同醫生講,醫生問係咩黎,我未睇...之後醫生同我一齊睇,原來已經見紅...

但好奇怪,d 5-8mins既痛維持左好耐......又冇咩進展...去左13:30度都係得1度...

就係咁,星期2就過左喇,都冇進展,係其間一直都有見紅...仲有懷疑過穿水,但醫生check過,話見唔到有水...

星期3有另一個醫生幫我照ultrasound,話仲有好多羊水,應該冇穿到,如果穿左既話,就唔會仲有咁多水...

果d痛o係每次我訓著左之後都唔係太感覺到,同埋訓醒之後都會隔耐d先痛一次..所以我懷疑果d係假陣痛...而唔係真既~~

星期3我問醫生,入左黎咁耐都未生得,係咪出得院ga?醫生話如果星期3晚成晚都冇痛就可以星期4出院...

星期4(即係今日),朝早醫生再黎問我有冇再係有規律咁成個肚痛,今朝已經冇喇,不過只係下腹有d扯住扯住既痛,而唔係成個肚...終於可以出院喇!!

聽人講,想易生d要行多d,但入左院之後淨係可以o係果層樓度活動...行黎行去都係果度,真係好悶...同埋每次我見到有人被人推落產房我都好羨慕... 好想快d到我.......

王國熱話
[求意見]月子餐懷月有x
大家點樣坐月??
唔好信曬陪月,一定要自己識
陪月一站請陪月質素好嗎?


男爵府

國民生產總值:6587


發表於 10-3-26 00:54 |顯示全部帖子
我上一胎係見紅先, 不過無肚痛, 入咗院3日個肚都係無痛, 之後俾人趕出醫院 (我嗰時已經過咗預產期, 等多幾日仲唔生我就要催生, 所以嗰刻真係好唔想出院, 想喺度等到生or催生為止)
跟住返咗兩日, 穿水~~ 但我都仲未肚痛, 經過見紅唔肚痛嘅經驗, 知道要肚痛先生得(當然穿咗水又唔肚痛都要一日內要生啦), 所以我慢慢食埋嘢先入院, 入院後就肚痛, 最後唔洗催生順利誔生


男爵府

國民生產總值:5883

好媽媽勳章


發表於 10-3-26 11:47 |顯示全部帖子
原帖由 阿紀 於 10-3-26 00:54 發表
我上一胎係見紅先, 不過無肚痛, 入咗院3日個肚都係無痛, 之後俾人趕出醫院 (我嗰時已經過咗預產期, 等多幾日仲唔生我就要催生, 所以嗰刻真係好唔想出院, 想喺度等到生or催生為止)
跟住返咗兩日, 穿水~~ 但我都 ...


原來有機會會見紅之後幾日先生得ga...好心急呀 不過唔知點解見左紅之後,而家就算已經冇晒紅色或者啡色野流出 黎,都仲係有好多分必物...未見紅之前冇咁多ga!!我上星期先做完陰道細菌測試,冇b鏈,得一種菌,係coagulase-negative staphylococcus species黎既,我check過呢個係vaginal normal flora,所以正常既~~不過唔知會唔會入院之後因為check左幾次宮頸開左幾多度而感染左其他細菌呢??希望唔會啦,醫院應該乾淨同衛生掛?!?!

希望真既陣痛快d黎啦~~因為入院之後check過bb size又正常,而家又足月啦wor,真係好想快d見到bb呀~~


男爵府

國民生產總值:7234

我的育兒心得勳章 hashtag旅遊勳章 DHA勳章 好媽媽勳章 畀面勳章 wyeth冷知識勳章 陪月勳章 環保接龍勳章 親子達人勳章 BK Milk勳章 hashtag影視迷勳章


發表於 10-3-26 14:20 |顯示全部帖子
好似好驚險咁~哈~可能你阿b都好快出世喇~但我都見有d人話見紅左一個星期都未生得
你果5分鐘痛一次係點痛法呀??
我呢排都係成日下腹扯著扯著咁痛~但係我記得生果陣唔係呢隻痛~無扯著痛~上次我檢查都有問醫生~佢話bb落左盤骨所以會咁


男爵府

國民生產總值:5774


發表於 10-3-28 10:05 |顯示全部帖子
我頭先係8:15am起身小便見紅, 有少許血塊, 但唔多, 連護墊都一d都無野, 又一d都唔痛.見妳地遘咁講"我都仲未肚痛, 經過見紅唔肚痛嘅經驗, 知道要肚痛先生得", 我重新檢查一下走佬袋, 同煮落飯, 我都係瞓多陣先啦! 瞓醒有飯食! 呀B要平安健康誕生呀!!!


別墅

國民生產總值:712


發表於 10-3-28 13:11 |顯示全部帖子
今朝起身去尿尿,條褲仔有一個1元大的血水漬......咁算唔算見紅呢???????

但e+又乜都無,但lee幾日個肚都有時陰陰痛,期待中........


男爵府

國民生產總值:6587


發表於 10-3-28 14:06 |顯示全部帖子
原帖由 lasan 於 10-3-28 10:05 發表
我頭先係8:15am起身小便見紅, 有少許血塊, 但唔多, 連護墊都一d都無野, 又一d都唔痛.見妳地遘咁講"我都仲未肚痛, 經過見紅唔肚痛嘅經驗, 知道要肚痛先生得", 我重新檢查一下走佬袋, 同煮落飯, 我都係瞓多陣先啦! 瞓 ...

雖然以我嘅經驗係未肚痛就未生得, 但呢D嘢因人而異, 有咩都係check吓好!! 食飽飯好去喇~~


男爵府

國民生產總值:5774


發表於 10-3-29 02:38 |顯示全部帖子
哈哈! 我整天都無痛過, 只係有d黎野咁樣唔舒服, 成日都叫老公聽住呀B的心跳, 係朝早個次的血, 期後都無再出現, 另外呀B都有郁, 所以都係無入院, 我怕入院不是入產房, 老公又唔陪得.我寧願放鬆d心情係屋企等可以開得好d.呀B要平安呀!


男爵府

國民生產總值:5774


發表於 10-3-29 02:39 |顯示全部帖子
Amytell, 妳同我都係見紅呀!


別墅

國民生產總值:712


發表於 10-3-29 10:01 |顯示全部帖子
咁就係見紅啦?????但我到今朝又乜都冇呢!!!!
但行路就又辛苦咗了,行行吓有d抽抽地痛,但我照"蟻冷"咁行,因為成日坐係屋企等好悶.
希望大家都順順利利!!!!

原帖由 lasan 於 10-3-29 02:39 發表
Amytell, 妳同我都係見紅呀!


男爵府

國民生產總值:5883

好媽媽勳章


發表於 10-3-29 10:18 |顯示全部帖子
其實今次見左紅,到真係生得時係咪應該唔會再有見紅架喇??


見左紅咁耐都未生得,我有d懷疑係入院佢幫我check開左幾多度時整到我見紅ga~~haha

希望大家都可以順順利利生呀b出黎啦~~~


我已經好心急喇!!


男爵府

國民生產總值:5774


發表於 10-3-29 18:07 |顯示全部帖子
經過昨日(1次見紅)及今日(3次見紅),仲有間唔時就有黎野既痛(只係痛少少), 轉頭都係要入院check下啦! 唔知會唔會比人趕返出黎呢?! 定係呀B會健康出黎見我地呢?!


複式洋房

國民生產總值:476

畀面勳章


發表於 10-3-29 18:49 |顯示全部帖子
Good luck, every mommy! Wish all of u can have a quick & smooth labour!


男爵府

國民生產總值:5883

好媽媽勳章


發表於 10-3-29 22:39 |顯示全部帖子
原帖由 Amytell 於 10-3-29 10:01 發表
咁就係見紅啦?????但我到今朝又乜都冇呢!!!!
但行路就又辛苦咗了,行行吓有d抽抽地痛,但我照"蟻冷"咁行,因為成日坐係屋企等好悶.
希望大家都順順利利!!!!

...


見紅個量唔係好多架ja...
我果次連續兩日都有,不過都係得少少ja,但醫生睇過都話係見紅黎o既~~


別墅

國民生產總值:712


發表於 10-3-30 11:24 |顯示全部帖子
零晨三點開始個肚作m咁陰陰痛,痛一陣就唔痛,大約一個鐘痛醒一次,到今朝都有痛但就係去廁所嗰d痛.....真係有得去大大但份量少少,已經去咗3次了,今次去完仲有d陰陰痛......
不過lee個星期都有陰陰m痛,然後就要去大大但又係少少少咁......
但今日就痛得密咗,但又無再見紅了
總知就好似以前黎m咁痛,我以前m前都會肚痾的
今晚仲約咗人食飯....唔知個肚會唔會痛落去,好痛就話出唔到啫,陰d陰d咁,真係唔知點好!?!?


男爵府

國民生產總值:5204


發表於 10-3-30 13:01 |顯示全部帖子
原帖由 Amytell 於 10-3-30 11:24 發表
零晨三點開始個肚作m咁陰陰痛,痛一陣就唔痛,大約一個鐘痛醒一次,到今朝都有痛但就係去廁所嗰d痛.....真係有得去大大但份量少少,已經去咗3次了,今次去完仲有d陰陰痛......
不過lee個星期都有陰陰m痛,然後就要去大大但 ...


我都係尋晚兩點幾見肚痛(肚臍上面胸落D), 以為要去小便, 去完都仲痛, 但又唔係幾分鐘痛一次, 所以觀察左一陣都仲見痛就叫醒左老公, 話同我去醫院, 但果種痛又好似想去大便, 所以又去坐厠所, 又真係有得疴喎.....但其實我尋日已經去左兩次, 去完厠所仲有少少痛, 但都唔係好犀利, 所以照訓, 一直到今朝訓醒雖然仲有D痛, 但我都係觀察中呀.....


別墅

國民生產總值:712


發表於 10-3-30 13:10 |顯示全部帖子
我上網睇好多媽咪話陣痛都會好似去大便咁架!生嗰時好似肚痾去唔出咁!!!!!!但我哋都真係有得大大......唔知生個時會唔會一路大大一路生亞b呢?!?!


原帖由 lulub2010 於 10-3-30 13:01 發表


我都係尋晚兩點幾見肚痛(肚臍上面胸落D), 以為要去小便, 去完都仲痛, 但又唔係幾分鐘痛一次, 所以觀察左一陣都仲見痛就叫醒左老公, 話同我去醫院, 但果種痛又好似想去大便, 所以又去坐厠所, 又真係有得疴喎.....但 ...


男爵府

國民生產總值:5204


發表於 10-3-30 13:56 |顯示全部帖子
原帖由 Amytell 於 10-3-30 13:10 發表
我上網睇好多媽咪話陣痛都會好似去大便咁架!生嗰時好似肚痾去唔出咁!!!!!!但我哋都真係有得大大......唔知生個時會唔會一路大大一路生亞b呢?!?!


上次醫生同我check宮頸位之後作陣痛(醫生話正常, 會維持一陣), 果一陣真係連腰都痛埋, 同埋好似好想肚疴但我叫姑娘比個兜我又真係疴唔出, 所以尋晚肚痛, 但又唔係陣痛果種痛, 我就無入到院囉....

不過, 我剛剛去完wc, 又見啡喎......唔知點好....


別墅

國民生產總值:712


發表於 10-3-31 11:30 |顯示全部帖子
今日情況如何?

原帖由 lulub2010 於 10-3-30 13:56 發表


上次醫生同我check宮頸位之後作陣痛(醫生話正常, 會維持一陣), 果一陣真係連腰都痛埋, 同埋好似好想肚疴但我叫姑娘比個兜我又真係疴唔出, 所以尋晚肚痛, 但又唔係陣痛果種痛, 我就無入到院囉....

不過, 我剛剛去 ...


© Baby-Kingdom.com Limited. All rights reserved.