意見反饋
義工

論盡家傭 今日: 8|主題: 126652

查看: 631 | 回覆: 2
臨別在即嘅工人好難頂


別墅

國民生產總值:805


發表於 10-3-26 16:49 |顯示全部帖子
我家姐姐自己比信辭職,4月頭走。佢而家話就話叫做有做下野,但係明顯求其左好多。同佢講佢又好似乍聽你唔到咁。佢又唔驚你話佢渦,因為佢拿拿林已經搵到工,留係度只係dum波鐘。試過我阿媽話佢,佢仲話你成日鬧佢不如攞把刀斬死佢渦。我老公話佢精神有問題,叫我唔好刺激佢由佢夠鐘走好了,免得發生意外。對住呢D人真係無附,有氣都只可以吞左佢,有怨無路訴,好慘。

王國熱話
求救! 默認地址寫咗順豐大陸倉地址!
那個集運不計体積,訂地墊,感謝
廚房水龍頭
有冇d 買左d 野好耐都未出貨?


伯爵府

國民生產總值:15505


發表於 10-3-26 17:06 |顯示全部帖子
原帖由 eatcookies 於 10-3-26 16:49 發表
我家姐姐自己比信辭職,4月頭走。佢而家話就話叫做有做下野,但係明顯求其左好多。同佢講佢又好似乍聽你唔到咁。佢又唔驚你話佢渦,因為佢拿拿林已經搵到工,留係度只係dum波鐘。試過我阿媽話佢,佢仲話你成日鬧佢不如攞把刀斬 ...


我都頂左隻甘荀印好耐至捱到佢尋日返歸喎~

自從佢一月中同我講要回鄉待奉老公,佢越做越hea,越食越多甘荀.....

有乜野惡得過唔撈丫,自己都係打工仔,佢地唔緊份工你又唔可以無左佢,真係吹佢唔漲。

甘荀印前日last day,見佢都做左咁耐,買個蛋糕同佢farewell......

忍唔住,我問佢點解佢個手提俾我keep住,仲可以早上發錯左短訊去我手機呢?(我知佢有部blackberry, 買左起碼兩個月, 但係我一直扮唔知, 我個囡可以證實工人日日有用.)

工人食住個蛋糕,同我講佢用新手提發出的。

我再問佢買左幾耐,工人答我買左一個星期

我冷冷的說: "講大話! 你都last day啦,就算講真話我都無你乎,點解你到依家都唔能夠講真說話?!"

再問佢買左幾耐,佢話買左一個月

我沒好氣: "同一屋簷4年多,你到依家都唔真心,算啦,我祝你日後生活愉快。 講大話係要好高技巧,起碼你要記住自己講過d乜,唔好當人地白痴~"

工人臨走,又撲過來熊抱我,一邊喊一邊同我講對唔住。。。

呢d咁感性既時刻,我呢個咁感性既太太,居然擠唔出半滴眼淚,只想呢個人快d出門口,唔好拖拖拉拉o係度做大戲!

我想拉開佢,佢又撓到實,唯有叫佢冷靜d,返屋企係開心時,日後仲可以電郵聯絡....(廢話啦~)

4年喇,對住呢d工人真係心都淡,你果個重要係搵到老闆等走,咁既表現真係差唔多的了,忍得就忍埋佢啦~


男爵府

國民生產總值:6788


發表於 10-3-26 17:08 |顯示全部帖子

回覆 1# eatcookies 的文章

係呀, 我之前個工人又係咁...放假仲好遲先番屋企, 沖涼沖勁耐, 叫佢做野, 佢叫我等陣先...


© Baby-Kingdom.com Limited. All rights reserved.