意見反饋
義工
查看: 1009 | 回覆: 16
[2008年] 阿女不聽話


別墅

國民生產總值:960


發表於 10-3-26 18:45 |顯示全部帖子
我的女兒一向多手,近來重利害,一出到客廳見到櫈要爬,見到枱上的東西要伸手取,見到所有櫃門要打開,總知見セ玩乜。但只是拿一件好普通的東西時,如墊煲用的,我99,叔仔一家人等常大呼小叫,"喂!唔準!"不可以!"去邊呀"聽到我好煩,因我知這是幼兒的好奇心,我也寬容些,只要不會傷害到BB我也會由得佢。事後我會教他把東西放回原位的,我同老公都講好多次,他屋企人都知道我的想法,但情況沒有改善。今天發生了一件事,我的女兒在樓梯頂上附近,我立刻喝止他,但他沒有理我,好在我手快捉實他才沒事,事後我心想是否個女己聽慣了家人當禁止他的說話,我的說話己變得無意思了嗎?

王國熱話
人生苦短,為何總看不到盡頭
c6望電話多過自己
溝通的重要性
跟女下屬的晚餐(下)


大宅

國民生產總值:1271


發表於 10-3-26 19:23 |顯示全部帖子
我囡囡都係咁呀,我有我SAY NO,佢有佢照玩,如果唔係危險野我都會由佢,因為點足得咁多喎.但如果出街我就一定會捉實佢,因為分分鐘隨時唔知發生乜事.


原帖由 sasa0625 於 10-3-26 18:45 發表
我的女兒一向多手,近來重利害,一出到客廳見到櫈要爬,見到枱上的東西要伸手取,見到所有櫃門要打開,總知見セ玩乜。但只是拿一件好普通的東西時,如墊煲用的,我99,叔仔一家人等常大呼小叫,"喂!唔準!"不可以!"去邊呀"聽到我好煩,因我 ...


大宅

國民生產總值:2551


發表於 10-3-26 21:48 |顯示全部帖子
呢個就真係無辦法,呢個時候每個小朋友都係咁,因為佢地都對每一樣野都好好奇!所以只可以睇實佢地,同埋慢慢教!


男爵府

國民生產總值:5861


發表於 10-3-26 21:54 |顯示全部帖子
我個女都係越叫 NO 越做, 做完又係度笑, 仲笑得好甜tim... 佢最like將自己set 枱同chair全部反轉晒, 我都好怕佢kick倒整親!


公爵府

國民生產總值:25436

認識瑞士牛牛第二回 好媽媽勳章 畀面勳章 BK Milk勳章


發表於 10-3-26 22:57 |顯示全部帖子
阿女都係超百厭呀,佢而家已經識自己爬上床同埋落床喇(我地大人床),有時真係唔看得佢幾多,唯有教佢最安全既上落床方法啦,佢而家仲成日爬上個玩具膠箱上面玩呀,咁我地咪將個箱打側放唔俾佢爬囉,佢就即刻發脾氣,係咁搖個箱撞落地下,好嘈,屋企又唔係大,又冇其他地方收埋個箱,真係搞佢唔掂


複式洋房

國民生產總值:353


發表於 10-3-27 01:25 |顯示全部帖子
我個囡已經識得「琴」CHAIR再「琴」上檯。
周圍行周圍玩。
但當我地講「No Good」「NoNoNo」既時間,佢會知道唔可以再做,當時會停。(但第日佢都會繼續玩。)
會唔會可以令bb習慣聽到某一句媽咪講既說話就停?


大宅

國民生產總值:1524


發表於 10-3-27 12:24 |顯示全部帖子
我又係好怕D親戚架, 又話唔好俾佢郁喇, 乜咁百厭架, 唔好俾佢咁咁咁, (有時重會整喊佢) 我真係好想答D人架, 妳估我想架咩, 妳估我唔想坐係到飲啖茶架咩, 小朋友呢D時候, 實會周圍攪周圍郁架喇, 咁可以點啫.....


大宅

國民生產總值:2551


發表於 10-3-27 12:37 |顯示全部帖子
呢舍問題對大家來講,都係好難,因為大家成日都想去控制小朋友,但係小朋友就點都唔會聽架!因為佢知道父母錫佢。

有時BB唔聽話我會話佢,佢係會知道,因為佢會避開大人的眼神,但係過左一陣(1分鐘都無),佢就會偷望你,之後同你笑,只要佢見到你都同佢笑,佢就知道你無事,會繼同你玩(佢一同你笑,真係好難忍,因為佢真係笑得好SWEET)。但係如果再唔聽話,我就會捉住佢係自己腳到,唔準佢走去第二到,每次都係30秒左右,因為對佢黎講,30秒唔準佢「旭」,佢已經唔開心,不過呢個方法都係一時時得,不過最後都要再同佢講,點解會訓佢,要佢下次唔好!
但係小朋友好動都唔係一件壞事,所以佢唔係太過份我都唔會點講佢,最緊要係自己睇多眼!


男爵府

國民生產總值:5861


發表於 10-3-27 22:28 |顯示全部帖子
原帖由 loklokhui 於 10-3-27 12:37 發表
呢舍問題對大家來講,都係好難,因為大家成日都想去控制小朋友,但係小朋友就點都唔會聽架!因為佢知道父母錫佢。

有時BB唔聽話我會話佢,佢係會知道,因為佢會避開大人的眼神,但係過左一陣(1分鐘都無),佢就會偷望你,之後同你笑,只 ...


係個仔同我個女一樣, 又係做完衰嘢對住我甜笑, 我一笑佢又以為無事! 我依家會靜靜地望住佢, 唔出聲, 佢就知衰, 跟住又係度叫"媽咪媽咪"咁, 又話"媽咪嬲嬲", 有時就走來kiss下你或say "sorry", 通常我到咁上下就叫佢唔可以再做.. 真係唯有不停咁repeat教佢咋! mouth:


子爵府

國民生產總值:10556

好媽媽勳章


發表於 10-4-8 17:36 |顯示全部帖子
不如試下佢做d危險ge野時~就罰佢坐定定冇得玩~之後解釋佢聽唔可以咁做~如果唔係又會要坐坐~我囡囡都係咁~但我試下呢個方好左好多~但真係開頭要用多d時間同耐性同佢一齊坐~同喊都有得佢喊~唔好心軟~之後佢知道喊冇用就會收聲


大宅

國民生產總值:2551


發表於 10-4-9 14:30 |顯示全部帖子
我似我現在同BB講,如果你唔聽話就要「罰罰」,佢知道架,佢會馬上「另」頭,之後我話咁要聽話好唔好,佢就會係咁點頭,不過,過左一陣,佢都係繼續咁玩 ,所以急唔黎,要慢慢教!


男爵府

國民生產總值:9430

好媽媽勳章


發表於 10-4-9 17:48 |顯示全部帖子
我估吾係聽慣左人say no 而無反應吾理你
我估大部份bb而家發展都會係咁架啦..
一般野我會由佢琴.. 間吾中知會跌小小. 我會由佢.. 因為.. 吾痛吾知驚.. 係我預計到既情況我會由佢.. 但. 會好金的. 我更係會飛身救b啦... 探索對bb發展係好既.. 你最好陪佢.. 係旁邊教佢.. 咩係ok. 咩係吾ok..
例如熱熱地既水. 我會比佢feel. 佢自然會縮手.. 凍又比佢feel.. 撞到頭又教佢要小心.. 吾係會趺趺...

小朋友. 係跌撞中. 先快大架..

但我地要小心控制囉. 吾係一次趺金左.. 都驚架...


別墅

國民生產總值:959


發表於 10-4-12 08:40 |顯示全部帖子
我都係啊 勁煩了!!!
我既女係超百厭啊,成日琴高琴低,最喜歡係去整翱神台上d野, 又勁喜歡拿d香去丟,每次嬲完都唔聽,一到晚飯時間仲煩,,我地大人食飯時,我既b就會成日琴尼度,琴果度,一係丟野,d家人成日話, 小心啊 唔好比佢整到啊, 睇住佢啊, 真係勁煩架,因為我地一家人太多人了= = 搞到每次食飯都覺得勁煩--
但我既b又唔聽,
其實好難架,每次我罵我既b.家人即時呵護,咁佢就唔理了....


複式洋房

國民生產總值:460


發表於 10-4-13 13:50 |顯示全部帖子
抄B好累呵,這幾日,無知是天氣不好仲麼原因,我個B女夜晚好夜色都不訓,又撓計搞得我的真是死想訓,她日頭又好精神,,點算好


大宅

國民生產總值:4656


發表於 10-4-13 19:26 |顯示全部帖子
我個女都係好百厭, 又係會做d曳嘢, 跟住好甜咁對住你笑, 故意引你注意, 我諗呢個階段係咁, 所以如果無危險, 我都會俾佢周圍玩, 因為我想佢有好奇心係好事!!!

如果真係有危險或者唔想佢咁做, 我會大聲同佢講, 仲有唔笑, 俾佢知道我係認真, 佢一見到我唔笑, 通常都會識得唔再做.....咁我就即時讚佢做得好 (當然唔係次次佢都咁乖啦! 如果佢唔聽我會即刻過去阻止佢, 由佢喊一陣, 等佢知我係認真, 喊都無用~)

我都好同意唔可以時常乜都唔俾佢哋做, 因為你講得太多no no .....佢就會習慣咗, 唔再理你 (我見有d小朋友係咁, 你講得太多no, 佢都唔當係一回事~)


伯爵府

國民生產總值:15999


發表於 10-4-14 22:56 |顯示全部帖子
my B also super 百厭. each time she did smthn wrong i wld scold her and said no no very loudly. she wld either stop the 百厭 action OR cried loudly. my maid or HB wld be the good guys carrying her when she was crying. but later she wld come back to me and 'tum' me.


男爵府

國民生產總值:5861


發表於 10-4-17 17:50 |顯示全部帖子
Today my B cried so much and didn't want to sleep by herself and always wanted us to carry. My HB scolded her very hard the first time since she's born. Then she stopped... Dunno why it's because she's got a fever yesterday after the injection.. Hope she doesn't need us to carry ALL THE TIME to sleep!!


  • 搜 尋
  • APP
  • 網 站
© Baby-Kingdom.com Limited. All rights reserved.