我返親去奶奶屋企，都係見我奶奶煮飯，而佢就同BB玩，平時做吓一般嘅家務之麻，我奶奶成七十幾歲人又有糖尿病都係咁，佢做果d咁多嘅野都話辛苦。Agent仲叫我，同印印講：「你喺太太屋企唔駛做咁多野，d野留番太太自己做得la，太太唔想你咁辛苦呀。」我當時真係想 “小” 個
agent，我請個印印番嚟錫呀，俾佢歎世界呀，唔通佢抱住BB坐響度 un un腳，我就在佢面前做到PK呀？呢個agent就真係不知所謂。其實個衰印喺我屋企都係一星期做一次嘅家務，又唔駛煮飯，佢有時做野求求其其，我都唔出聲，仲想點呀。如果我真係蠢到聽晒agent講，咁個衰印咪得米，吓吓同agent呻就唔駛做，我真係唔得你死呀！我最近喺BK先知原來好多媽媽都唔請喺台灣做過嘅印印，因為佢哋歎慣架，而我個衰所以前喺台灣只係照顧個老人家咋，唔怪知得佢成日話好多野做啦。
！
，簡直黑仔！
connie31 寫道:
我嗰衰印嚟咗半年，就發覺佢越嚟越煩鬼煩，又斤斤計較，真係好鬼死憎佢呀！由於我老公長時間都在大陸做嘢，嗰時邊有咁多時間可以慢慢搵吖，而且我個BB就嚟出世，咁啱呢個衰印話有信心湊初生BB，因為佢有個13年歲嘅仔，而且曾經在台灣做過，咁又貪佢會講普通話方便同我奶奶溝通，所以就請佢囉。我老豆見佢第一眼都話呢條友唔簡單，應該幾古惑，依家就開始現形啦；我老豆睇人咁準，早知就叫我老豆去幫幫眼啦！
我去接個衰印時已經叫agent同佢講明平時就住係我奶奶度幫手照顧初生BB同做家務，假期就要跟我同BB返我屋企，佢當時猛話知知知，但依家就ah之ah draw。我講吓佢d古惑野俾你哋聽下 :-
1. 嚟咗一個月就話印尼新年要放假，佢同我奶奶講話阿朱 (指我奶奶個細新抱嘅印印) 同佢去玩，我奶奶就答ok，我放工上去奶奶度聽到後真氣頂，即刻省嗰衰印，問佢邊個出糧俾你呀，有乜事就同我講，佢跟住就話唔放假la。
2. 約在第二個月，阿朱講番俾我哋知，衰印話呢到好多野做、水又少，其實都唔知阿朱係人定係鬼。咁我咪忍住度氣同佢傾吓計，個衰印又話OK呀，廢鬼是理佢？
3. 在上個月，佢問我借一千蚊寄錢返屋企俾老公買階磚，我話仲有一個禮拜都出糧，咪遲d先寄錢囉，佢猛話想明天寄錢，咁我叫佢同先生講，跟住就話唔駛la，當無講過吖！
4. 到四月頭出糧俾佢，同佢解釋復活節唔係假期，到清明節先有，佢當時都話知道架，到俾$時佢夠膽死話我俾少$，我問點解，佢話今期糧有五個星期日，我當時啞咗唔識答，覺得佢咁Q串；第2日搵agent同佢講，agent同我講番已經解釋咗俾佢知一個月如有4個或5個星期日都係咁計，agent都話尼個印印都幾煩麻，叫我自己睇下值唔值得醒多一百蚊佢，唉，我見佢平時對我BB都算幾好，就事鬼但俾咗佢囉。Agent又話，印印問點解我無補復活節嘅錢俾佢，agent話亦已解釋俾佢知，佢哋自己都無假放，到清明節先至有。我真係想 “妖” 佢呀，咁係乜野態度，簡直當我流嘅！呢條友真係古惑，養唔熟架。
5. 在上個禮拜，佢又同我講：「做夠一年要放一個月假返印尼過新年，我老公好掛住我呀 (我真係唔信有咁恩愛，又唔係第一次出去打工，都唔知佢玩乜？)。」我答：「無可能，我要同先生和agent講。」我又要搵agent傾，agent話：「同印印解釋咗要完咗contract先可以放假。另外，佢話呢度有好多野做，假期又要返我屋企，所以做到好攰，又話少水。」講到佢自己幾咁委屈，我真係好想知道佢要做d乜野做得佢咁辛苦？！
仲有呀，個衰印又投訴我2個姑仔對佢好惡，我2個姑仔不嬲對任何人都咁惡嘅，唔該佢用吓個腦想吓自己有無做錯野先啦，人哋又點會無啦啦抦你吖！佢成日用佢自己嗰套方法湊我個女，我話佢唔啱，就黑住口面唔睬我，依家仲會駁咀呀﹐離晒譜！佢都死嘅，我在公司都唔會咁樣同老細講野啦。好彩我2個喺惡人谷出嚟姑仔可以食住佢啫！
呢條友咁多投訴，所以agent都問過衰印係咪想唔做，佢知道即走要補$就話考慮吓先。我姑仔叫我問佢仲做唔做，但我家姐就叫我唔好問佢，等佢自己出聲，點好呢？不過，我都唔會留佢。
我家姐都話呢條古惑友係挑通眼眉，知我個女肯跟佢，無佢唔得，咁咪同我玩野博俾多d $$囉。我睬佢都傻，咁快已經扭士忽花，幾時俾佢扭到contract完呀！我條氣好唔順架，佢喺我面前就扮若無其事，喺agent面扮晒野。我忍咗成個禮拜，聽日就放工上去剷佢鑊甘，然後再打埋俾agent捉住佢嚟抦。唔發火就當我好 “恰”
自問我哋成家人其實對佢都唔錯，有乜野都預埋佢，佢根本就唔心足，我哋對佢好嘅野唔見佢同agent講，正衰人。我第一次請工人就遇著呢種衰人
真係唔好意思，左咗你哋咁多時間。
發表於 
返回列表
