今晚才得閒上黎,週日早被迫帶埋2個仔到石崗軍營排隊羅飛,鬼叫我住附近咩!每年幫d親戚就係做埋呢d野,細佬又話首選昂船洲,其次無所謂,排咗2轉,羅咗成10幾張,點知細佬話佢老婆果邊d親戚話唔係昂船洲唔去,話石崗遠,真吹鬼漲,羅埋飛仲咁多要求,最後將d飛叫老公羅晒番公司睇吓有無人要?舊年咪又係幫阿嫂排隊羅飛,羅咗成10張,最後當天佢無去到,幾咁浪費呀~~~
依+隻6瞓咗覺唔知佢派晒比人未?等天光佢番工我問吓佢啦!
今年無咗赤柱軍營,反而多咗個新圍軍營地點近沙頭角!
除咗新圍果個我未去過外,咁多個都去過多次,以前邊有咁多人黎排隊羅飛,自有咗大欖隧道和西鐵後交通方便咗才多人貢入黎掛隊!
我剛摷佢個返工背囊數過有成10張飛係度,唔知佢有無留比人?真係待天光問佢!
大帽山下某條村落黃色的小屋,住有羊爸爸ammy、羊媽媽sandy、羊哥哥reego、羊細佬ricky!