跳至

首頁
45678...9

尾頁
   0


大宅

積分: 4856

好媽媽勳章


發表於 10-7-2 04:11 |顯示全部帖子
但如果埋身3HRS先俾其實會唔會隔太耐?2.5HRS會唔會好D??THX

原帖由 angelsnowy 於 10-7-2 01:02 發表
餓d食都ok呀, 我bb都係...喊先食會落力d食~ 如果未夠鐘, 一係餵下水先, 可以暫時滿足到佢, 拖延少少時間~

但你要留意返如果3個鐘先食, 你個胸唔好谷到實一實呀, 唔係baby要好大力先啜到, 一樣好快攰, 好快瞓著~ ...


別墅

積分: 636


發表於 10-7-2 08:03 |顯示全部帖子
原帖由 dicksonon 於 10-7-1 15:14 發表
我bb呢幾日開始日頭唔瞓覺, 要人陪佢玩.... 但夜晚又唔見佢瞓多咗, 仍然係3個鐘就炒醒我食奶.... 唉, 由生到而家, 都冇連續瞓多過兩個鐘.... 真係好懷念未生前一氣瞓足10個鐘o既日子啦...

...

BB日頭唔訓即係開始大個啦, 聽落係好事... 一氣訓10個鐘... 我諗應該十年八載之後先至再有機會喇...


別墅

積分: 636


發表於 10-7-2 08:07 |顯示全部帖子
原帖由 dicksonon 於 10-7-1 15:10 發表
每日pump6次, 每次pump30min先有呀....真係好攰,好想放棄啦...600ml都唔夠我個女食,唔可以做到全母乳啦...而且我都好擔心全pump唔埋身, 好快就會冇奶啦, 都唔知bb可以食幾耐.... 妳都好犀利喎, 9pm餵到2am, 俾著我, ...

如果你真係有恆心咁泵法, 我包你唔會冇奶, 我上胎都係用泵去上奶, 好少埋身餵, 我最後餵到阿囡15個月大先至收工...

不過如果一日用成3粒鐘去泵奶, 我寧願係咁埋身食好過... 實在損失太多同BB相處嘅時間... 我上胎仲癲, 每日泵8次, 每次半粒鐘, 果陣我一日真係泵到40+安, 夠晒全人奶有多, 不過實在好唔開心, 成日都唔可以抱個B, 整整下直頭想唔餵人奶, 好彩最後冇放棄, 而我亦喺BB個幾月大果陣轉番埋身餵, 只係朝早第一餐同臨訓果餐用樽餵, 即時心理平衡番好多~

[ 本帖最後由 JessieToys 於 10-7-2 08:17 編輯 ]


別墅

積分: 636


發表於 10-7-2 08:12 |顯示全部帖子
原帖由 kokoalex 於 10-7-1 21:00 發表
諗諗下,我發覺全泵都好煩,因為今日出左街,又要趕住返屋企泵奶同餵奶!!如果埋身就方便好多喇,,,用餵奶巾就搞掂~~
想問下各位,由於我個仔成日埋親身都好快訓左,一係就食得好慢,之後又要個幾2個鐘要食一次,所以我先轉左 ...

你要多啲比個B埋身食練習下先至會食得叻同快, 所以更加要密啲比佢食, 佢如果訓你要狠心啲係咁整醒佢等佢啜, 唔好有佢訓 (雖然我都覺得好難), 如果BB喊都唔餵, 夾硬迫佢3粒鐘之後先至食, 一來我覺得你好難頂得順佢喊個幾兩個鐘, 二來佢埋身一食更加會好快訓, 因為佢實在太攰...

呢啲野係健康院姑娘同我講嘅, 因為我都係衰呢樣... 佢叫我集中練習點整醒個B喎...


大宅

積分: 1301


發表於 10-7-2 10:20 |顯示全部帖子
尋晚bb又7個鐘先再食啦~ Yeah~
不過佢5個鐘時醒一醒, 怕兩怕又瞓過, 5.5, 6, 6.5個鐘都如此, 所以其實最尾兩個鐘我都冇瞓冧.
你哋個b戒夜奶係一氣瞓咁多個鐘, 定係中途都醒下?


大宅

積分: 4856

好媽媽勳章


發表於 10-7-2 13:45 |顯示全部帖子
真係點搞都唔醒咖,,,所以我先用樽質佢.....唉

原帖由 JessieToys 於 10-7-2 08:12 發表

你要多啲比個B埋身食練習下先至會食得叻同快, 所以更加要密啲比佢食, 佢如果訓你要狠心啲係咁整醒佢等佢啜, 唔好有佢訓 (雖然我都覺得好難), 如果BB喊都唔餵, 夾硬迫佢3粒鐘之後先至食, 一來我覺得你好難頂得順佢喊 ...


大宅

積分: 1716


發表於 10-7-2 16:05 |顯示全部帖子
係O架, 有時我諗埋身真係好方便, 一O黎就食, 唔使PUMP, 唔使座熱, 又唔使洗樽.... 但我臭B唔乖, 使過有兩日我決心埋身, 但佢都係食5-10分鐘就瞓到點整都整唔醒, 跟住個幾兩個鐘就醒喊食.... 一日餵成12餐.... 都好辛苦呀.... 所以PUMP又唔係, 埋身又唔係.... 有時都好想放棄餵人奶啦....


原帖由 JessieToys 於 10-7-2 08:07 發表

如果你真係有恆心咁泵法, 我包你唔會冇奶, 我上胎都係用泵去上奶, 好少埋身餵, 我最後餵到阿囡15個月大先至收工...

不過如果一日用成3粒鐘去泵奶, 我寧願係咁埋身食好過... 實在損失太多同BB相處嘅時間... 我上胎 ...


別墅

積分: 636


發表於 10-7-2 18:43 |顯示全部帖子
原帖由 kokoalex 於 10-7-2 13:45 發表
真係點搞都唔醒咖,,,所以我先用樽質佢.....唉

其實我果個都係, 所以姑娘話要練習整醒佢... 你都只係訓嘅問題, 我果個埋身食都仲係好多時唔啱位食損我, 我又要教佢口型, 又要整醒, 唉~ 有時諗佢大啲可能轉番埋身佢會自動又食得好又食得快, 不過家陣真係泵到好攰囉...


大宅

積分: 4856

好媽媽勳章


發表於 10-7-2 20:02 |顯示全部帖子
係呀,真係好攰,又要洗又要泵,我一日要泵6次,,,好辛苦,所以E+佢滿左月睇下埋返身會唔會好D....但今日埋身濕片唔係好夠,,岩岩泵左落樽餵一餐先算...

原帖由 JessieToys 於 10-7-2 18:43 發表

其實我果個都係, 所以姑娘話要練習整醒佢... 你都只係訓嘅問題, 我果個埋身食都仲係好多時唔啱位食損我, 我又要教佢口型, 又要整醒, 唉~ 有時諗佢大啲可能轉番埋身佢會自動又食得好又食得快, 不過家陣真係泵到好攰 ...


大宅

積分: 1716


發表於 10-7-2 20:58 |顯示全部帖子
咁妳轉返埋身, BB每次食幾耐? 隔幾多個鐘食一次呀? 我都想試吓轉返埋身呀....

原帖由 kokoalex 於 10-7-2 20:02 發表
係呀,真係好攰,又要洗又要泵,我一日要泵6次,,,好辛苦,所以E+佢滿左月睇下埋返身會唔會好D....但今日埋身濕片唔係好夠,,岩岩泵左落樽餵一餐先算...


大宅

積分: 4856

好媽媽勳章


發表於 10-7-2 21:50 |顯示全部帖子
有時25MINS,有時15MINS,有時又可以30MINS...唉...唔定~~平均2個鐘叫食,,試過3個鐘先叫

原帖由 dicksonon 於 10-7-2 20:58 發表
咁妳轉返埋身, BB每次食幾耐? 隔幾多個鐘食一次呀? 我都想試吓轉返埋身呀....


大宅

積分: 1716


發表於 10-7-3 11:30 |顯示全部帖子
咁咪一日餵成10餐?! 同埋妳係咪餵晒兩邊呀? 我PUMP的話兩邊有120ml,啱啱夠BB一餐, 如果埋身的話, 咪要餵晒兩邊先夠呀?

原帖由 kokoalex 於 10-7-2 21:50 發表
有時25MINS,有時15MINS,有時又可以30MINS...唉...唔定~~平均2個鐘叫食,,試過3個鐘先叫


大宅

積分: 4856

好媽媽勳章


發表於 10-7-3 14:19 |顯示全部帖子
差唔多...但我夜晚泵落樽(食5OZ)佢訓到4-5HRS就冇食得吟多餐,,餵一邊咖乍(前奶同後奶都食到丫MA),同埋佢食食下都訓左啦...要食都食唔到2邊, 不過餵人奶係應該只食一邊咖乍,所以可能快餓D....


原帖由 dicksonon 於 10-7-3 11:30 發表
咁咪一日餵成10餐?! 同埋妳係咪餵晒兩邊呀? 我PUMP的話兩邊有120ml,啱啱夠BB一餐, 如果埋身的話, 咪要餵晒兩邊先夠呀?


大宅

積分: 1301


發表於 10-7-4 00:18 |顯示全部帖子
原帖由 kokoalex 於 10-7-2 04:11 發表
但如果埋身3HRS先俾其實會唔會隔太耐?2.5HRS會唔會好D??THX


當然可以啦,況且bb有可能可始戒夜奶, 日頭需要食密d唔奇


大宅

積分: 4856

好媽媽勳章


發表於 10-7-4 17:32 |顯示全部帖子
可能都係開始戒夜奶,佢夜晚開始5hrs先叫食,,

原帖由 angelsnowy 於 10-7-4 00:18 發表

當然可以啦,況且bb有可能可始戒夜奶, 日頭需要食密d唔奇


大宅

積分: 1716


發表於 10-7-16 17:28 |顯示全部帖子
人奶媽, 妳哋bb戒咗夜奶未呀?


別墅

積分: 636


發表於 10-7-19 14:42 |顯示全部帖子
原帖由 dicksonon 於 10-7-16 17:28 發表
人奶媽, 妳哋bb戒咗夜奶未呀?

BB已經喺夜晚skip咗一餐, 維持咗起碼兩個星期囉... 依家夜晚大概訓5-7個鐘, 餵人奶咁易肚餓都捱到咁耐, 我都唔再要求囉...


子爵府

積分: 10180


發表於 10-7-19 23:24 |顯示全部帖子
見到你地既留言我都想分享下.我而家餵左人奶兩個月,全人奶,全埋身餵.頭一個月好似你地咁,辛苦到好想放棄,試過辛苦到bb係房度喊,我係廳度喊,唔想餵佢,打電話俾老公喊,叫佢買奶粉返黎.
因為之前唔識餵,覺得佢食極都唔飽,佢又成日嘔,好辛苦餵完佢食,佢又嘔返哂成餐奶出黎.跟住又要重新再餵過.咁樣連續餵真係好辛苦,真係俾佢抽乾抽淨.通常佢嘔完再食就會亂哂,好快又要再食.
之後重要以為自己真菌感染(係以為),每次食完個胸都好似俾針吉咁,抽下抽下勁痛,乳頭又勁痛,每次餵都超痛,我每次都痛到隻腳係咁踢,真係忍痛俾佢食.再加上餵完之後個胸極痛,有時真係好唔想再餵落去.
之後去左健康院見醫生,醫生開左藥水俾我,一日四次,餵之前塗,要俾bb食.用左兩個星期都唔好.佢就轉介左我去睇專科.
姑娘睇完,根本唔係真菌感染.因為都好長篇,我都係講重點.
我見係地話乳頭痛,可能係真菌,你地要留意
1.通常bb個口都會有
2.乳頭會紅同埋痕
呢d係姑娘講既.
你地去健康院問都要小心,其實醫生都唔係好識,因為佢唔係專科.我當時以為自己係,同佢講,佢就開藥俾我.等我白白塗左十幾日藥,仲要俾bb食左成十日藥.
如果你地有懷疑,最好去睇專科.


子爵府

積分: 10180


發表於 10-7-20 00:08 |顯示全部帖子
去左睇專科之後,姑娘教左我好多,幫左我好多.再加上我上網+睇書.而家終於搵到一個好輕鬆既方法餵人奶.我而家可以4個鐘餵一次,bb食20至25分鐘已經飽.而且而家一d都唔痛.
以下係我既心得:
1.人地話埋身餵奶量先會多,我覺得係真,因為始終bb吮同奶泵係唔同.bb如果識食,埋身餵係好舒服,唔會痛.我自己覺得用泵始終唔係太舒服.
2.其實用手"支"舒服過用泵,我自己覺得出奶好過泵.我自己買左個Medela電泵,但係我試過用手唔使10分鐘已經"支"到4oz奶.(不過因為我谷奶谷得好勁)
3.你地可以參考下呢個方法,幫bb定食奶時間http://www.facebook.com/profile. ... 859&topic=13516
雖然姑娘成日話人奶應該feed on demand,我最初睇完呢個方法我都唔信,覺得無可能做到.但係因為餵得太辛苦,bb有時隔一個鐘就食,我根本想休息下都唔得.姑娘又同我講bb十幾日人仔已經唔使餵得咁密.叫我一日餵8次已經Ok(我頭兩個星期一日餵11,12次)但係最初bb成日唔夠一,兩個鐘就喊,一喊我就餵佢.我而家先知道,原來bb喊係因為想訓覺,但係唔識自己訓,因為bb唔識飽,而且你放咩俾佢,佢都會吮,所以佢一喊,我就餵佢,佢都會食(有時我餵完15分鐘後佢又喊,我又再餵佢,試過咁樣連續餵3個鐘佢先訓)慢慢BB就當左我係奶咀,佢想訓就食奶,但係亦因為咁,所以成日食到嘔.因為我第一胎,咩都唔識.當我知道原來BB要人幫佢訓教之後,佢喊我就會抱佢,氹佢訓.
但係有時我都唔係好識分佢係肚餓喊,定係眼訓喊.
我睇左呢個post後,我就試下每隔三個鐘先餵一次.雖然一開始好難,因為有時bb未夠鐘就好似想食.但係因為要夠鐘先俾佢食,所以bb開始每一次都好認真咁食.好少再食下訓下.食奶食得好左好多.我買左果本書黎睇.裡面講到如果你好密咁餵食,bb就會好似食點心咁,每次食少少.咁樣對於造奶都唔係咁好,因為身體都係要時間休息先可以造到有品質既奶.
4.其實bb食奶時間既長短並唔表示佢食到幾多奶.呢樣又係書講同埋姑娘教.可以參考呢個網,好多野學到http://www.breastfeeding.org.hk/book/133
bb食奶時可以睇下,通常頭果5-10分鐘佢地會好努力食,大啖大啖咁吮.之後就會慢左落黎.其實頭果5-10分鐘已經差唔多食飽,不過bb好鐘意吸吮,所以佢會繼續慢慢吮,如果bb好多時食到訓著,點整佢都唔醒,可能因為佢當左你係奶咀,用黎安撫佢訓覺.如果食左20分鐘以上,食到訓著,其實已經食夠.


子爵府

積分: 10180


發表於 10-7-20 00:22 |顯示全部帖子
我之前都係咁樣,其實係因為餵得太密,bb吸吮技巧唔好,同埋bb食既時間太長.

拉長d食奶時間,一餐唔好俾佢食咁耐.我都係谷得好勁,d奶自己會好似花灑咁噴出黎.我之前乳頭痛時唔戴bra訓,夜晚起身餵奶時成件衫濕哂.阿b一路食,另一邊一路漏,勁煩,抱bb要就住,唔可以店到.

你首先要make sure bb食既咀型啱唔啱,我之前餵左成個月,但係原來bb個咀型唔係太啱,所以成日食到我好痛,有時又會損.因為佢食得唔夠深,姑娘話佢係食乳頭,唔係食乳雲,所以會食到乳頭痛.

同埋我自己覺得之前餵得太密+時間長,所以會痛.姑娘話要俾乳頭休息.

盡量唔好俾bb食多過半個鐘.同埋一次餵一邊,三個鐘後餵另一邊,咁一邊乳頭就可以休息三個鐘.

原帖由 angelsnowy 於 10-6-29 09:12 發表
唉, 乳頭有d痛又好敏感...成日好想唔著上衫瞓覺呀...掂住掂住咁刺激到好唔舒服...無奈夜晚o個餐bb通常隔耐d先食, 隨時谷到周圍漏/射奶, 冇得揀一定要著bra+bra pads瞓~

你地有冇依種感覺呀? ...

首頁
45678...9

尾頁

跳至